كەنتاۋ قالالىق اكىمدىگىنىڭ ءباسپاسوز ورتالىعىندا قىىب باسشىسىنىڭ ورىنباسارى نۇرجان داۋلەتوۆپەن بولعان بريفينگتە بيىلعى جىلدىڭ ون ايلىق كورسەتكىشى بويىنشا قۇقىق بۇزۋشىلىقپەن جانە ورىن العان قىلمىستار تۋرالى جەرگىلىكتى باق وكىلدەرىنە جان-جاقتى مالىمەت بەردى، - دەپ حابارلايدى اباي پورتالى كەنتاۋ قالاسى اكىمدىگىنىڭ ءباسپاسوز قىزمەتىنە سىلتەمە جاساپ. 

كەنتاۋ قالالىق اكىمدىگىنىڭ ءباسپاسوز ورتالىعىندا قىىب باسشىسىنىڭ ورىنباسارى نۇرجان داۋلەتوۆپەن بولعان بريفينگتە بيىلعى جىلدىڭ ون ايلىق كورسەتكىشى بويىنشا قۇقىق بۇزۋشىلىقپەن جانە ورىن العان قىلمىستار تۋرالى جەرگىلىكتى باق وكىلدەرىنە جان-جاقتى مالىمەت بەردى. قازىرگى تاڭداعى جاستار اراسىنداعى قىلمىستار 200 پايىز كورسەتكىشكە، ياعني 3/1 بولىككە تومەندەدى. بيىلعى جىلى كولىك ۇرلاۋ، الاياقتىق قىلمىستار كوتەرىلىپ تۇر. الاياقتىق قىلمىس بىلتىرعىمەن سالىستىرعاندا 23 تەن 38-گە كوبەيسە، ال كولىك ۇرلاۋ قىلمىسى ۇشتەن سەگىز پايىزعا وسكەن. مال ۇرلاۋ قىلمىسى بىلتىرعىعا قاراعاندا 24,9 پايىز كورسەتكىشكە تومەندەدى. توناۋ قىلمىسى بىلتىرعىعا قاراعاندا تومەندەگەن. اۋىر جانە اسا اۋىر قىلمىستار بىلتىرعى جىلعا قاراعاندا 38-دەن 41 پايىزعا ءوسىپ تۇر، ياعني 83,0%-85,7 % قۇراپ تۇر. تولىعىراق ايتقاندا، كەنتاۋ قالاسىمەن وعان قاراستى اۋىلدارداعى جالپى قۇقىق بۇزۋشىلىقتاردىڭ سانى بىلتىرعى جىلمەن سالىستىرعاندا 20,7%-عا وسكەن. ياعني 2014 جىلى 503 قىلمىس بولسا، بيىل 2015 جىلى 607 قىلمىس تىركەلگەن. ونىڭ ىشىندە 87-ءى تەرىس قىلىق.

- بىزدە قالادا ناشاقورلىقپەن ون ادام تىركەۋدە تۇرادى. ناشاقورلىقتان ارىلتىپ تۋرا جولعا تۇسۋگە ولارمەن ارنايى جۇمىستار جاسالىنىپ جاتىر.

بەينەباقىلاۋ كامەراسىنىڭ دا كومەگى كوپ. جول بويىندا قويىلعان بەينەباقىلاۋ كامەراسى ارقىلى بىزگە ون ءۇش قىلمىستى اشۋعا مۇمكىندىك تۋدى.

قىلمىستاردى، قۇقىق بۇزۋشىلىقتاردى انىقتاۋ ماقساتىندا كەنتاۋ قىىب قىزمەتكەرلەرىمەن پروفيلاتيكالىق تۇرعىدا «قۇقىقتىق ءتارتىپ»، «قارۋ»، «ايىپپۇل»، «قاۋىپسىز اۋلا»، ء«جاسوسپىرىم» ءىس شارالارى ءجيى وتكىزىلىپ تۇرادى، - دەدى قىىب  باسشىسىنىڭ ورىنباسارى نۇرجان داۋلەتوۆ.

Abai.kz