مەملەكەتتىك كورسەتىلەتىن قىزمەتتىڭ ساپاسىن ارتتىرۋ باعىتىنداعى اۋداناارلىق سەمينار ءوتتى، - دەپ حابارلايدى اباي پورتالى.

جاقىندا سايرام ايماعى بويىنشا اۋدانارالىق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل باسقارماسىنىڭ ۇيىمداستىرۋىمەن مەملەكەتتىك قىزمەت ىستەرى جانە مەملەكەتتىك كورسەتىلەتىن قىزمەتتەردىڭ ساپاسىن ارتتىرۋ  ماسەلەلەرى  بويىنشا  اۋدانارلىق سەمينار وتكىزىلدى. سەمينارعا سايرام، تولەبي جانە تۇلكىباس اۋداندارىنىڭ جەرگىلىكتى اتقارۋشى، وكىلدى جانە اۋماقتىق ورگانداردىڭ مەملەكەتتىك قىزمەت كورسەتۋمەن اينالىساتىن جاۋاپتى جانە پەرسونالدىق باسقارۋ ءبولىمىنىڭ جاۋاپتى قىزمەتكەرلەرى  قاتىستى. اتاپ ايتقاندا اۋدان اكىمدىكتەرى مەن ماسليحاتتارىنىڭ، ادىلەت، قازىناشىلىق، مەملەكەتتىك كىرىستەر جانە تۇتىنۋشىلاردىڭ قۇقىقتارىن قورعاۋ باسقارمالارىنىڭ;  ۆەتەرينارلىق باقىلاۋ- قاداعالاۋ جانە اۋماقتىق ينسپەكتسيالاردىڭ، اۋرۋحانالار مەن ەمحانالاردىڭ،  سونداي-اق حالىققا قىزمەت كورسەتۋ ورتالىقتارىنىڭ  جاۋاپتى قىزمەتكەرلەرى شاقىرىلدى.

وتكىزىلگەن ءىس-شارادا تومەندەگى ماسەلەلەر تالقىلاندى:

• مەملەكەتتىك قىزمەت كورسەتۋدىڭ ساپاسىن ارتتىرۋ جولدارى جانە وعان قاتىستى ۇسىنىستار;
• مەملەكەتتىك قىزمەت كورسەتۋشى مەملەكەتتىك ورگانداردىڭ مىندەتتەرى، ولاردىڭ جۇمىستارىنىڭ تيىمدىلىگىن ارتتىرۋ باعىتتارى;
• سايرام اۋدانى اكىمدىگىمەن مەملەكەتتىك قىزمەت ىستەرى سالاسى بويىنشا اتقارىلىپ وتىرعان جۇمىستار;
• مەملەكەتتىك ورگاندارمەن مەملەكەتتىك قىزمەت تۋرالى زاڭدىلىقتاردىڭ ساقتالۋ بارىسى.

كۇن  تارتىبىندەگى ماسەلەلەر بويىنشا حقكو سايرام اۋداندىق فيليالىنىڭ ديرەكتورى، تۇلكىباس اۋدانى بويىنشا مەملەكەتتىك كىرىستەر باسقارماسى باسشىسىنىڭ ورىنباسارى، سايرام اۋدانى اكىمى اپپاراتى پەرسونالدى باسقارۋ ءبولىمىنىڭ باسشىسى جانە باسقارما كونسۋلتانتى باياندامالار مەن حابارلامالار جاساپ، مەملەكەتتىك قىزمەتتىڭ ساپاسىن ارتتىرۋعا قاتىستى وزدەرىنىڭ ۇسىنىستارىن ايتتى.

سەمينار بارىسىندا دەپارتامەنتتىڭ سىبايلاس جەمقورلىققا قارسى  وقىتۋ جانە قوعاممەن ءوزارا ارەكەتتەسۋ ءبولىمىنىڭ باسشىسى گ.مۋسابەكوۆامەن مەملەكەتتىك قىزمەتشىلەردىڭ وڭ ءيميدجى جونىندە سەمينار-ترەنينگ وتكىزىلىپ، «مەملەكەتتىك قىزمەت تۋرالى» جاڭا زاڭ جوباسى اياسىندا تۇسىندىرمەلەر بەرىلىپ، مەملەكەتتىك قىزمەتتىڭ وڭ ءيميدجىن قالىپتاستىرۋ باعىتىندا پىكىرلەر مەن ۇسىنىستار تالقىلاندى.

Abai.kz