بەيسەنبى, 28 ناۋرىز 2024
ۋاق-تۇيەك... 4403 0 پىكىر 26 قاراشا, 2015 ساعات 03:00

عابيدوللا ءابدىراحىموۆ تۇرعىنداردىڭ تالاپ-وتىنىشتەرىن تىڭدادى

وڭتۇستىك قازاقستان وبلىسىنىڭ ورتالىعى شىمكەنت قالاسىنىڭ اكىمى عابيدوللا ءابدىراحمانوۆ شىمكەنت تۇرعىندارىن قابىلداپ، تالاپ-وتىنىشتەرىن تىڭدادى، - دەپ حابارلايدى اباي پورتالى شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

شىمكەنت قالاسىنىڭ اكىمى عابيدوللا ءابدىراحىموۆ رەگلامەنتكە سايكەس، كەزەكتى رەت قالا تۇرعىندارىن قابىلداعان. 2 ساعاتقا سوزىلعان ازاماتتاردى قابىلداۋ ۋاقىتىندا قالا اكىمى تۇرعىنداردىڭ ساۋالدارىنا جاۋاپ بەرىپ، الداعى ۋاقىتتا ولاردىڭ تالاپ-وتىنىشتەرىندە كورسەتىلگەن وزەكتى ماسەلەلەردى ۇدايى نازاردا ۇستايتىنىن جەتكىزدى.

قابىلداۋ بارىسىندا ازاماتتاردىڭ ءبىرى زەينەتاقىسىنىڭ ازدىعىن ايتىپ شاعىمدانسا، ەندى ءبىرى قالانىڭ ينجەنەرلىك-ينفراقۇرىلىمدىق سالاسىندا قالىپتاسقان احۋال بويىنشا وي-ۇسىنىستارىن ءبىلدىردى. ارينە، قالاعا جاڭا قوسىلعان ەلدى مەكەندەردى قوسا العاندا، كوپقاباتتى تۇرعىن ءۇي تۇرعىندارىنىڭ ايتار ماسەلەسى بىرەۋ عانا، ول – ينجەنەرلىك-ينفراقۇرىلىمدىق سالانى جاڭعىرتۋ. ءوز كەزەگىندە، قالا اكىمى تۇرعىندارعا سابىر ساقتاۋعا شاقىردى.

اۆتوترانسپورت سالاسىندا دا تۇرعىنداردىڭ قالا اكىمدىگىنىڭ ماماندارىنا ايتار وكپە-نازى جەتەرلىك. سەبەبى، اۆتوتۇراقتاردىڭ باسىم كوپشىلىگى – جەكە مەنشىك يەلىگىندە. اۆتوتۇراقتاردىڭ جەتىسپەۋشىلىگىنەن، قۇقىق قورعاۋ سالاسىنىڭ قىزمەتكەرلەرى تاراپىنان سالىنعان ايىپپۇلدى تولەۋگە ءماجبۇر بولعاندار قاتارى دا ارتا تۇسكەنى بايقالادى.

سونداي-اي، ءبىر توپ قالا تۇرعىنى شىمكەنت قالاسىنىڭ ورتالىق ءبىر كوشەسىن قازاقتىڭ كورنەكتى حانى – ابىلايدىڭ ەسىمىمەن اتاۋ ماسەلەسىن دە ۇسىندى.

قورىتا كەلگەندە، جاۋاپتى حاتشى تاراپىنان تىركەۋگە الىنعان وزەكتى ماسەلەلەر بويىنشا قالا اكىمى ءتيىستى سالا ماماندارىنا ناقتى تاپسىرمالار جۇكتەدى.

قابىلداۋ بارىسىنداعى ازاماتتاردىڭ تالاپ-تىلەكتەرى شىمكەنت قالاسى اكىمى عابيدوللا ءابدىراحمانوۆتىڭ نازارىندا بولادى. تۇرعىنداردىڭ وي-ۇسىنىستارىن الداعى ۋاقىتتا ەسكەرە وتىرىپ جۇمىس جۇرگىزىلەدى.  

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530