ء وڭىر باسشىسى بەيبىت اتامقۇلوۆ بىرقاتار ازاماتتاردى جەكە ماسەلەلەرىمەن قابىلدادى. بۇل تۋرالى abai.kz پورتالى وڭتۇستىك قازاقستان وبلىسى اكىمدىگىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وڭتۇستىك قازاقستان وبلىسى اكىمى بەيبىت اتامقۇلوۆتىڭ ەڭبەكقورلىعى مەن حالىقشىلدىعى تۋرالى وسىنىڭ الداندا قازاقستاندىق باق-تا از ايتىلمادى. بەيبىت اتامقۇلوۆتىڭ جەكە ازاماتتاردى ءجيى قابىلداپ، ۋاجدەرىنە نازار اۋدارىپ تۇراتىنىن ءبىز جاقسى  بىلەمىز. ءوزىنىڭ حالىقشىلدىعىمەن ەرەكشەلەنەتىن بەيبىت اتامقۇلوۆ كەزەكتى رەت حالىقپەن كەزدەسۋ وتكىزدى. وبلىس باسشىسىنىڭ ارنايى  قابىلداۋىنا  كەلگەن «وتىرار» شاعىن اۋدانىنىڭ تۇرعىنى، ءى توپ مۇگەدەگى بەركىنباەۆا قۇرمانكۇل ءوزىنىڭ جالدامالى پاتەردە تۇراتىنىن ايتىپ، ءوڭىر باسشىسىنان كومەك سۇراعان. سونىمەن قاتار، بەركىمباەۆا تۇرعىن ءۇي كەزەگىندە 3888-ءشى بولىپ تىركەلگەنىن ايتىپ، ءىى توپتاعى ۇلىنىڭ جۇمىسقا تۇرۋىنا كومەك كورسەتۋىن سۇراعان. ال ب.اتامقۇلوۆ بۇل ماسەلەنى ءوزى نازارعا الىپ، بەركىنباەۆانى ءۇي كەزەگى كەلگەنشە قىزمەتتىك ۇيمەن قامتاماسىز ەتۋدى، ۇلى ەسكەندىر ولجاستى جۇمىسقا ورنالاستىرۋ جايىن شەشۋدى جاۋاپتى سالا ماماندارىنا  جۇكتەدى.

ال، جەكە كاسىپكەر توليانوۆ انارمەت وڭىردەن ەلەكترو-يزولياتورلىق زاۋىتىن اشۋعا قايتا قارجىلاندىرۋدى سۇرادى. كاسىپكەر بۇعان دەيىن «ماكسيمۋم» ايماقتىق ينۆەستيتسيالىق ورتالىعىنىڭ قارجىلاندىرۋ باعدارلاماسى اياسىندا 16 ملن. تەڭگە العانىن، ونىڭ 2 ملن. تەڭگەسىن قايتارعانىن ايتتى. وبلىس اكىمى بۇل جايتتى كەڭىنەن زەرتتەپ قايتا قارايتىنىن مالىمدەدى.

تۇرعىنداردىڭ تالاپ-تىلەكتەرىن مۇقيات تىڭداعان وبلىس باسشىسى ب.اتامقۇلوۆ باسقارما قىزمەتكەرلەرىمەن كەڭەسە وتىرىپ ايتىلعان ماسەلەلەر نازارعا الىنىپ، رەت-رەتىمەن شەشىلەتىنىن جەتكىزدى. قوعامدىق قابىلداۋ بارىسىندا وبلىس باسشىسى ب.اتامقۇلوۆ اعىمداعى جىلدا قۇرىلىس، كوممۋنالدىق شارۋاشىلىق سالاسىندا اتقارىلاتىن جۇمىستاردى ايتىپ،  تۇرعىندار ۋاجدەرى بويىنشا سالا باسشىلارىنا بىرقاتار تاپسىرمالار بەردى.

وقو اكىمىنىڭ ءباسپاسوز قىزمەتى