وتىرار اۋدانىنىڭ تۋماسى، ەل قۇراماسى ساپىندا باق سىناعان 27 سپورتشىنىڭ ىشىنەن سامبو كۇرەسىنەن وبلىسىمىزدىڭ نامىسىن قورعاعان جەرلەسىمىز گاۋھار تۇرماحانوۆا ماروككودا وتكەن الەم چەمپيوناتىندا ءىى ورىندى يەلەندى. اتالعان ەلدىڭ كاسابلانكا قالاسىندا سامبودان ەرەسەكتەر اراسىندا وتكەن بۇل جارىسقا دۇنيەجۇزىنىڭ 82 مەملەكەتىنەن تاڭداۋلى سپورتشىلار قاتىستى. بۇل تۋرالى abai.kz پورتالى وڭتۇستىك قازاقستان وبلىسىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

الەم سپورتشىلارىنىڭ ىشىندە باعى مەن بابى قاتار شاپقان وتىرارلىق سامبوشى بويجەتكەننىڭ مۇنان وزگە دە جەتىستىكتەرى جەتەرلىك.

ول 2013 جىلى كورەيادا وتكەن ەرەسەكتەر اراسىنداعى ازيا چەمپيوناتىندا ءى-ورىندى يەلەنىپ، 2014 جىلى جاپونيا مەملەكەتىنىڭ ناريتا قالاسىندا وتكەن سامبو كۇرەسىنەن ەرەسەكتەر اراسىندا الەم چەمپيونى اتانعان بولاتىن. سول كەزدە الەمنىڭ ءۇش دۇركىن چەمپيونى اتانعان رەسەي ەلىنىڭ بالۋانى اننا حاريتونوۆانى 1-0 ەسەبىمەن جەڭگەن ەدى. ءدال وسى جىلى شىمكەنتتە وتكەن دزيۋ-دو كۇرەسىنەن ەرەسەكتەر اراسىندا قر چەمپيوناتىنىڭ جەڭىمپازى اتاندى.

وسىعان دەيىن قازاقستاندىق باق-تا وڭتۇستىك سپورتشىلارىنىڭ جەتىستىكتەرى تۋرالى از جازىلماعان بولاتىن.

مىسالى، وڭتۇستىكقازاقستاندىق سپورتشىلار 2015 جىلدىڭ  التى ايىندا سپورتتىڭ 59 تۇرىنەن 1114 مەدال يەلەنگەن. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسشىسى ءا.نۇرتاەۆ حابارلاعان.

باسقارما باسشىسىنىڭ ايتۋىنشا، وڭىردە 36 وليمپيادالىق، 23 وليمپيادالىق ەمەس سپورت تۇرلەرى دامىپ كەلەدى.

ەرەن ەڭبەك پەن دايىندىقتىن جانە وبلىس اكىمىنىڭ قولداۋىنىڭ ارقاسىندا وبلىس سپورتشىلارى قر چەمپيوناتى مەن بىرىنشىلىكتەرىنە قاتىسىپ، سوڭعى التى ايدىڭ ىشىندە 365 التىن، 317 كۇمىس جانە 316 قولا مەدەلگە يە بولعان.

الەم چەمپيوناتتارىندا وۇتىستىكتىك وعلاندار 18 التىن، 7 كۇمىس جانە 5 قولا جۇلدە يەلەنسە، 5 حالىقارالىق دارەجەدەگى سپورت شەبەرى، 20 قر سپورت شەبەرى مەن 301 سپورت شەبەرلىگىنە ۇمىتكەرلەر دايىندالعان.

وقو اكىمىنىڭ ءباسپاسوز قىزمەتى