سەنبى, 30 مامىر 2020
COVID-19 قازاقستاندا. جۇقتىرعاندار — 10382. جازىلعاندار — 5057. قايتىس بولعاندار — 37
جاڭالىقتار 3872 0 پىكىر 30 قاراشا, 2015 ساعات 18:13

سيريادا رەسەي اۋە كۇشتەرى سوققىسىنان 18 ادام ولگەن

سيريانىڭ سولتۇستىگىندەگى ەريحا قالاسىندا رەسەي اۋە كۇشتەرى سوققىسىنان كەمىندە 18 ادام قازا تاۋىپ، ونداعان ادام جارالانعان. بۇل تۋرالى abai.kz پورتالى centralasian.org اگەنتتىگىنە سىلتەمە جاساي وتىرىپ حابارلايدى.

باشار اساد رەجيمىنە قارسى كۇرەسىپ جاتقان كوتەرىلىسشىلەر باقىلاۋىنداعى قالا ورتالىعىندا بىرنەشە ءۇي قيراعان. بۇل تۋرالى ۇلىبريتانيادا ورنالاسقان سيريالىق ادام قۇقىعىن باقىلاۋ توبى حابارلاعان. ونىڭ دەرەكتەرى بويىنشا، اۋە شابۋىلى جەكسەنبى كۇنى تاڭەرتەڭ جاسالعان. جەرگىلىكتى ۇيلەستىرۋ كوميتەتتەرى بەلسەندىلەرىنىڭ اقپاراتىنا قاراعاندا، زىمىراندار كوپ ادام جۇرگەن بازار اۋماعىنا تۇسكەن.

Ariha Today توبى Facebook الەۋمەتتىك جەلىسىندەگى پاراقشاسىندا قالاعا رەسەيلىك اسكەري ۇشاقتار سوققى بەرگەنى تۋرالى حابارلاعان. وسى توپتىڭ اقپاراتى بويىنشا، بومبالاۋ سالدارىنان قىرىق شاقتى ادام مەرت بولىپ، جەتپىسكە جۋىق ادام جارالانعان.

سيريالىق بەلسەندىلەردىڭ دەرەكتەرىندە ماسكەۋ سيريادا اسكەري اۋە وپەراتسيالارىن باستاعان قىركۇيەكتىڭ 30-ىنان بەرى كوپ ادام قۇربان بولعانى ايتىلادى.

Abai.kz

0 پىكىر