سەيسەنبى, 19 قازان 2021
بيلىك 3057 0 پىكىر 1 جەلتوقسان, 2015 ساعات 03:00

وقو-دا «وڭتۇستىك» فۋتبول اكادەمياسى اشىلدى

وڭتۇستىك قازاقستان وبلىسىندا  قازاقستان رەسپۋبليكاسىنىڭ تۇڭعىش پرەزيدەنتى كۇنى «بيىك» سپورت كەشەنى بازاسىندا قازاقستاندا تۇڭعىش رەت «وڭتۇستىك» فۋتبول اكادەمياسىنىڭ سالتاناتتى اشىلۋ ءراسىمى ءوتتى. بۇل تۋرالى inform.kz وبلىس اكىمدىگىنىڭ ءباسپاسوز قىزمەتىنە cىلتەمە جاساي وتىرىپ حابارلادى.

اشىلۋ سالتاناتىنا وبلىس اكىمىنىڭ ءبىرىنشى ورىنباسارى د.ساتىبالدى مەن قازاقستان فۋتبول فەدەراتسياسىنىڭ پرەزيدەنتى ە.قوجاعاپانوۆ قاتىستى.

قر فۋتبول فەدەراتسياسىنىڭ قولداۋىمەن شىمكەنت قالاسىنداعى «بيىك» سپورت كەشەنى جانىنان قۇرىلعان «وڭتۇستىك» فا 2015 جىلدىڭ قىركۇيەك ايىنان باستاپ جۇمىس جۇرگىزىپ كەلەدى. اكادەمياداعى جاس فۋتبولشىلارعا جوعارى دارەجەلى دايىندىق جۇمىستارىن جۇرگىزۋ ماقساتىندا يسپانيالىق 5 بىلىكتى جاتتىقتىرۋشى شاقىرىلىپ جۇمىس جاساۋدا.

اكادەميا قازاقستان رەسپۋبليكاسى فۋتبول فەدەراتسياسى ارقىلى قارجىلاندىرىلۋدا. جاتتىقتىرۋشىلار وبلىستىڭ اۋدان، قالالارىنان كەلگەن فۋتبولشىلار اراسىنان ىرىكتەۋ جۇمىستارىن جۇرگىزىپ، 2001, 2002, 2003 جىلى تۋىلعان جاسوسپىرىمدەر اراسىنان 3 توپتا 66 سپورتشىنى  قابىلدانىپ، فۋتبولمەن تەرەڭدەتىلگەن جاتتىعۋ جۇمىستارىن جۇرگىزۋدە.

اكادەميانىڭ ماقساتى جوعارى دارەجەلى فۋتبولشىلاردى ەلىمىزدىڭ پرەمەر-ليگا كوماندالارىنا دايىنداۋ جانە شاقىرىلعان جاتتىقتىرۋشىلار ارقىلى جەرگىلىكتى جاتتىقتىرۋشىلاردىڭ تاجىريبەلىك دارەجەلەرىن جوعارىلاتۋ بولىپ تابىلادى.

بۇگىنگى تاڭدا وڭتۇستىك قازاقستان وبلىسىندا 1 وبلىستىق، 31 اۋداندىق، قالالىق بالالار مەن جاسوسپىرىمدەر سپورت مەكتەبىندە فۋتبول بولىمدەرى جۇمىس ىستەيدى. وندا 279 جاتتىقتىرۋشى 8876 بالاعا وقۋ جاتتىعۋ جۇمىستارىن جۇرگىزەدى.

سونىمەن قاتار، وبلىستا «ورداباسى» كاسىبي فۋتبول كلۋبى» اكتسيونەرلىك قوعامى،  «قازىعۇرت» سپورت ويىن تۇرلەرى كلۋبى جانە «قىران» فۋتبول كلۋبى، «ماقتارال» فۋتبولى كلۋبى مەملەكەتتىك كوممۋنالدىق قازىنالىق كاسىپورىندارى جۇمىس جاساۋدا.

اباي-اقپارات 

0 پىكىر