باتىس ەلدەرى وقۋ ءوتىپ كەتكەن، شىرەنگەن، وزىنەن تومەندى مەنسىنبەيتىن، كورشىسىنىڭ ءوسىپ تۇرعان الما باعىنا كوز ءسۇزىپ، جەرىن تارتىپ العىسى كەلىپ، سۇقتانىپ قاراپ تۇراتىن باي بالاسىنداي ەلەستەيدى.

رەسەي - قارا كۇشى بويىنا سىيماعان، ءبىلىمى از بولسا دا نامىستان ءولىپ كەتە جازدايتىن كەدەيدىڭ سوتقار بالاسى سياقتى كورىنەدى دە تۇرادى. الگى تاكاپپارلار: "ەي بەيشارا كەدەي، سەن سورلى نەسىنە قوقاڭدايسىڭ، الدىمەن قارنىڭدى تويعىزىپ الساي. جۇمىس تاپپاساڭ ءبىزدىڭ اتقورانى تازالا", - دەپ تۇرعانداي بولادى. سوسىن نامىستان جارىلارداي تەرىسىنە سىيماي تۇرعان كەدەي بالاسى توبەلەسە كەتەدى. بەتى قاندالا بولعان باي بالاسى جىلاپ، اكەسىنە ايتىپ بەرەدى. اكەسى الگى كەدەيدىڭ ايىرىپ وتىرعان تيتتەي ناپاقاسىنىڭ جولىن كەسۋدىڭ ارەكەتىنە كوشەدى. كەدەي بايعۇس دىمى قالماعاسىن توبەلەستىڭ كوكەسىن كورسەتەدى.

داۋرەن ءابدىرامانوۆ

Facebook-تەگى پاراقشاسىنان