بەيسەنبى, 28 ناۋرىز 2024
بيلىك 3867 0 پىكىر 3 جەلتوقسان, 2015 ساعات 03:00

جەڭىمپازداردى كورىپ جاستاردىڭ جىگەرى ارتتى

سپورتتىڭ بەلگىلى ءبىر ءتۇرىن نەمەسە سالاۋاتتى ءومىر سالتىن ناسيحاتتاۋدىڭ جولى كوپ. شىمكەنت قالاسىنىڭ اكىمدىگى بۇل ماسەلەگە جاڭاشا قىرىنان كەلۋدى كوزدەدى. ءۇشىنشى مەگاپوليسكە ەسىمى الەمگە تانىمال سپورتشىلاردىڭ كەلىپ، جاستاردىڭ اراسىنان تابىلۋى سونىڭ ءبىر كورىنىسى. سوزىمىزگە دالەل: قازاقستان ۆەلوقاۋىمداستىعى وقو فيليالى مەن شىمكەنت قالاسى اكىمدىگىنىڭ قولداۋىمەن، «Rixos Khadisha Shymkent – 2015» قايىرىمدىلىق ۆەلوشەرۋى ءوتتى. سپورتتىق شەرۋدىڭ وزىندىك ەرەكشەلىگى سول، شاراعا الەمدىك ارەنادا ەسىمى بەلگىلى بولعان الەكساندر ۆينوكۋروۆ، سەرىك ساپيەۆ جانە ءزۇلفيا زابيروۆا سىندى سپورتشىلار ارنايى كەلىپ قاتىستى. سونىمەن قاتار، سپورتشىلار شىمكەنت قالاسىنىڭ اكىمى عابيدوللا ابدىراحىموۆپەن، سونداي-اق، قالالىق №2 بالالار مەن جاسوسپىرىمدەردىڭ سپورت مەكتەبىنىڭ شاكىرتتەرىمەن دە كەزدەستى.

سپورتسۇيەر قاۋىم مەن وليمپيادا چەمپيونى بولۋدى ارمانداپ، ەل تۋىن الەمدىك ارەنالاردا جەلبىرەتكەن سپورتشىلارعا ەلىكتەيتىن جاستار دەمالىس كۇندەرى شىمكەنتتە وتكەن ءىس-شارانىڭ كۋاگەرى بولدى. جاس سپورتشىلار داڭقتى اعالارىمەن جاقىنىراق تانىسىپ، اڭگىمەلەسۋگە مۇمكىندىك الدى. ەكى دۇركىن الەم چەمپيونى، 2012 جىلعى وليمپيادا چەمپيونى، ۆەل باركەر كۋبوگىنىڭ يەگەرى سەرىك ساپيەۆ پەن لوندونداعى XXX جازعى وليمپيادا ويىندارىنىڭ چەمپيونى، سيدنەي وليمپياداسىنىڭ ۆيتسە چەمپيونى، الەم بىرىنشىلىگىنىڭ قولا جۇلدەگەرى، «ۆۋەلتا» كوپكۇندىگىنىڭ جەڭىمپازى الەكساندر ۆينوكۋروۆ، حالىقارالىق جارىستاردا الدىنا جان سالماعان  ۆەلوشاباندوز ءزۇلفيا زابيروۆا قايىرىمدىلىق ۆەلوشەرۋگە قاتىسىپ، جاس سپورتشىلارمەن كەزدەسۋ وتكىزدى.

شىمكەنت قالاسىنىڭ اكىمى ع.ابدىراحىموۆپەن بىرگە قالاداعى №2 جەڭىل اتلەتيكا جانە ۆەلوسپورت مەكتەبىندە جاس سپورتشىلارمەن كەزدەسكەن ا.ۆينوكۋروۆ مەكتەپ ۇجىمىنا «Vino» كاسىبي سپورتتىق ۆەلوسيپەدىن سىيعا تارتتى. جاستارعا ەلىمىزدىڭ بايراعىن الەمدىك جارىستاردا جوعارى كوتەرۋگە تىلەكتەستىگىن ءبىلدىردى. ءوز كەزەگىندە قالا اكىمى مۇنداي كەزدەسۋلەر جاس سپورتشىلارعا قانات بىتىرەتىنىن، جەڭىسكە تالپىنىسىن ەسەلەيتىنىن ايتا كەلە، داڭقتى سپورتشىلارعا العىسىن جەتكىزدى.

«Rixos Khadisha Shymkent-2015» قايىرىمدىلىق ۆەلوشەرۋىنە جۇزدەن استام سپورتشى قاتىستى. «Rixos Khadisha Shymkent» قوناقۇيىنەن باستالعان شەرۋ قاشىقتىعى – 15 شاقىرىم. ياعني، قاتىسۋشىلار جەلتوقسان، قوناەۆ كوشەلەرى ارقىلى «ناۋرىز» الاڭىنا جەتىپ،

قوناقۇيگە قايتا قايىرىلدى. ۆەلوشەرۋدە بەلسەندىلىك تانىتقان قاتىسۋشىلارعا «العىس حات» پەن باعالى سىيلىقتار تابىس ەتىلدى. سپورتتىق شارا سوڭى قايىرىمدىلىق اۋكتسيونىنا ۇلاستى. مۇنداي ءىس-شارالار سپورتتىڭ دامۋىنا ىقپال ەتەتىنىنە توقتالعان ا.ۆينوكۋروۆ دەمەۋشىلەرگە العىس ايتتى. ءسويتىپ، اۋكتسيوندا الەكساندر ۆينوكۋروۆتىڭ لوندون وليمپياداسىندا كيگەن جەيدەسى 120 مىڭ تەڭگەگە ساتىپ الىندى. ال ءزۇلفيا زابيروۆانىڭ ۆەلوجەيدەسى 50 مىڭ تەڭگە بولدى. وليمپيادا چەمپيونى سەرىك ساپيەۆتىڭ قول قويعان بوكس قولعابى 150 مىڭ تەڭگەگە ساتىلسا، «ۆۋەلتا – يسپانيا-2015» كوپكۇندىگىنىڭ جەڭىمپازى فابيو ارۋدىڭ جەيدەسىن 90 مىڭ تەڭگەگە الۋشىلار تابىلدى. اۋكتسيوندا ەڭ قىمبات باعالانعان، الەكساندر ۆينوكۋروۆ ءۇشىن ارنايى جاسالعان «Uno» برەندىندەگى ۆەلوسيپەد

1 ملن 650 مىڭ تەڭگە بولىپ، جاڭا يەسىن تاپتى. ونى «سمارت ويل» كومپانياسىنىڭ باسشىسى ەرلان نۇرحانوۆ ساتىپ الدى. سونداي-اق، ەلەكترموتورلى، جالقى دانا ۆەلوسيپەد 900 مىڭ تەڭگەگە باعالاندى.

قايىرىمدىلىق اۋكتسيوننان تۇسكەن قارجى ەلدەگى ۆەلوسپورت مەكتەپتەرىنە قاجەتتى جابدىقتار الۋعا جۇمسالاتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500