بەيسەنبى, 28 ناۋرىز 2024
جاڭالىقتار 3518 0 پىكىر 3 جەلتوقسان, 2015 ساعات 03:00

وقو: ەندىگى مەجە - 100 ناقتى قادام

جاقىندا وڭتۇستىك قازاقستان وبلىسى اكىمىنىڭ ورىنباسارى ەرلان ايتاحانوۆ ءىس-ساپارمەن سوزاق اۋدانىندا بولدى. ساپار بارىسىندا ءوزىنىڭ جەتەكشىلىك جاسايتىن سالا جۇمىستارىمەن ەتەنە تانىستى. ياعني، نەگىزگى باعىت اۋدانداعى جاستاردىڭ جۇمىسپەن قامتىلۋى جانە دەنساۋلىق، ءبىلىم بەرۋ سالالارى بويىنشا 9 ايدا اتقارعان جۇمىستاردىڭ ناتيجەسىن تىڭداپ، تۋىنداعان بىرقاتار ماسەلەر بويىنشا جاۋاپتىلارعا ناقتى تاپسىرمالار بەردى.

وبلىستاعى ەڭ شالعاي اۋدان سانالاتىن سوزاق وڭىرىنە جاساعان ءىس-ساپارىن ەرلان قۋانىشۇلى وزەكتى دەگەن الەۋمەتتىك نىسانداردى ارالاۋمەن باستادى. اتاپ ايتقاندا، ەكولوگيالىق ايماقتا باستى نازار اۋداراتىن ءجايت، ول دەنساۋلىق سالاسى. سوندىقتاندا اۋدان ورتالىعىنداعى اۋرۋحانانىڭ بۇگىنگى جاعدايىمەن تانىسىپ، ەم الۋشى جەرگىلىكتى تۇرعىندارمەن تىلدەستى. ءوز كەزەگىندە، ەم الۋشىلاردىڭ سۇراقتارىنا جاۋاپ بەرىپ، دەنساۋلىق سالاسىنا مەملەكەت قولداۋى اياسىندا اتقارىلىپ جاتقان جۇمىستارمەن دە حاباردار ەتە كەتتى. سونىمەن بىرگە اۋدان اكتيۆىندە وڭىردەگى بارلىق دەنساۋلىق سالاسى مەكەمەلەرى باسشىلارىنىڭ قاتىسۋىمەن جيىن وتكىزىلدى. جيىندا اۋدانداعى دەنساۋلىق سالاسى ماماندارىنىڭ 9 ايدا اتقارعان جۇمىستارى بويىنشا ەسەپتەرى تىڭدالدى. كۇن تارتىبىندە وڭىردەگى دەنساۋلىق سالا بويىنشا حالىققا قىزمەت كورسەتۋ ساپاسى، نارەستەلەر ءولىمى جانە كادر تاپشىلىعى بويىنشا ماسەلەلەر تالقىلاندى. جيىن سوڭىندا اتالعان سالاداعى انىقتالعان ماسەلەلەر بويىنشا اۋدان اكىمشىلىگى مەن وبلىستىق دەنساۋلىق ساقتاۋ باسقارماسىنا تاپسىرمالارىن بەردى.

ال، ساپاردىڭ كەلەسى باعىتتىندا وبلىس اكىمىنىڭ ورىنباسارى اۋدانداعى ءتۇرلى سالاداعى ەڭبەك ەتىپ جۇرگەن جۇمىسشى جاستارمەن، مەملەكەتتىك باعدارلامامەن جۇمىسقا ورنالاسقان جانە بەلسەندى جاستارمەن بەيرەسمي كەزدەسۋىن وتكىزدى. جاستارمەن كەزدەسۋ بارىسىندا ەرلان قۋانىشۇلى ەلباسىمىزدىڭ ەل جاستارىنا دەگەن قامقورلىعى اياسىندا جۇمىس جاساپ جاتقان مەملەكەتتىك «جاسىل ەل»، «ديپلوممەن — اۋىلعا!»، «جاستار تاجىريبەسى»، «جۇمىسپەن قامتۋ 2020″ «بيزنەس – جول كارتاسى» باعدارلامالارى جايىندا ايتا كەتىپ، جاستاردان قويىلعان سۇراقتارعا جاۋاپ بەردى. جيىن سوڭىندا ءوڭىر جاستارى تاراپىنان ايتىلعان ءبىرشاما تىڭ ۇسىنىستار نازارعا الىندى.

ءىس-ساپاردىڭ سوڭعى باعىتتىندا سوزاق اۋدانىنداعى №1 جانە №24 كاسىپتىك كوللەدجدەردىڭ بۇگىنگى تىنىس-تىرشىلىگىمەن تانىسىپ، وقىتۋشىلارى جانە ستۋدەنتتەرىمەن كەزدەسۋ ۇيىمداستىرىلدى. كەزدەسۋ بارىسىندا اتالعان ەكى كوللەدج باسشىلىعىنا سوڭعى 3 جىلدا بىتىرگەن تۇلەكتەردىڭ جۇمىسپەن قامتىلۋى بويىنشا تالداۋ جاسالىنىپ، مالىمەت دايىنداۋدى تاپسىردى.

 

وڭتۇستىك قازاقستان وبلىسىنىڭ ءبىلىم، جاستار ساياساتى
جانە تىلدەردى دامىتۋ باسقارماسى

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3508