سەرگەي تەرەششەنكو قوجايىنى بولىپ تابىلاتىن «SCAT» اۋە كومپانياسىنىڭ  (اتالمىش كومپيانيا 2007 ج. 2-شىلدەدە شىمكەنت قالاسىندا تىركەلگەن) تاعى ءبىر ۇشاعى اپاتتى جاعدايدا الماتى اۋە جايىنا قايتىپ كەلىپ قوندى.

الماتى اۋەجايىنان 2015 جىلدىڭ 2-قاراشاسىندا تاڭعى ساعات 11.30 دا ۇشىپ شىققان اتالمىش كومپانيانىڭ 713-رەيسى بالقاش كولىنە جەتە بەرە ۇشاقتان شىققان اپاتقا بايلانىستى الماتىعا كەرى ورالۋعا ءماجبۇر بولعان. مىناداي ۇرەيلى جاعدايدى باستارىنان كەشكەن ۇشاقتا وتىرعان جولاۋشىلاردىڭ ءجاي-كۇيى تۋرالى ايتپاي-اق قويايىن...

بۇل «SCAT» اۋە كومپانياسىندا ورىن العان ءبىرىنشى اپاتتى جاعداي ەمەس. انا جىلى وسى كومپانيانىڭ ءبىر ۇشاعى كوكشەتاۋ جاقتا جەرگە قۇلاپ، اپاتقا ۇشىراعانى بەلگىلى.

جالپى اۋە كومپانياسى ۇشاقتارى ءجيى اپاتتى جاعدايعا ۇشىرايتىنىن جولاۋشىلار جاقسى بىلەدى.

سوندا دەيمىن-اۋ، سەرگەي تەرەششەنكو مىرزا ءار ەلدە ەشكىمگە كەرەگى بولماي قوقىسقا تاستالعان ەسكى ۇشاقتاردى قازاقستانعا اكەلىپ، ءبىزدىڭ جولاۋشىلاردىڭ ءتوزىمىن سىناپ كورمەكشى بولعانى ما؟

باسقاشا، س.تەرەششونكانىڭ بۇل قىلىعىن قالاي تۇسىنۋگە بولادى؟.

جۇماش كوكبورى

Abai.kz