جۇما, 29 ناۋرىز 2024
بيلىك 4036 0 پىكىر 4 جەلتوقسان, 2015 ساعات 03:00

«قىزىل سىزىقتان» اسقان قۇرىلىس توقتاتىلادى


جىل وتكەن سايىن شىمكەنت قالاسىنىڭ ورتالىعىندا بوي كوتەرگەن جەكە تۇرعىن ۇيلەر مەن كوممەرتسيالىق نىساندار كوبەيىپ كەلەدى.  ولاردىڭ اراسىندا قۇرىلىس نورمالارىن ساقتاماي، «قىزىل سىزىقتان» اسىپ كەتكەندەر كوپ. ءتىپتى جولاۋشىلار جۇرەتىن تابانجولداردى يەمدەنىپ، جول قوزعالىسىنا كەدەرگى كەلتىرەتىن نىساندار بار.

قۇرىلىس تالاپتارى مەن زاڭ نورمالارىن ساقتاماعان ازاماتتارعا شارا كورۋ ماقساتىندا وبلىس اكىمى بەيبىت اتامقۇلوۆتىڭ تاپسىرماسى نەگىزىندە رەيد جۇمىستارى ۇيىمداستىرىلۋدا. قالالىق ىشكى ىستەر قىزمەتكەرلەرىمەن بىرگە وبلىستىق ساۋلەت قۇرىلىسى باسقارماسى «قىزىل سىزىقتان» اسىپ كەتكەن 282 نىسانعا انىقتاۋ جۇمىستارىن جۇرگىزۋدە. رەيد جۇمىستارى كەزىندە بۇگىنگە دەيىن زاڭسىز جانە مەملەكەتتىك قۇرىلىس نورمالارىن ساقتاماعان 196 قۇرىلىس نىسانى انىقتالعان. ونىڭ 106-نا اكىمشىلىك ءىس قوزعالدى. ال زاڭسىز سالىنعان ۇيلەردى بۇزۋ ءۇشىن 30 نىسان بويىنشا ءىس سوتقا جولداندى. بۇگىنگە دەيىن 63 نىسانعا نۇسقاما بەرىلىپ، ونىڭ 20-سىنا تەكسەرۋ جۇمىستارى جۇرگىزىلۋدە.

– «قىزىل سىزىق» دەگەنiمiز عيمارات پەن كۇرە جولدىڭ ارا قاشىقتىعى. ول تۇستا جۇرگiنشiلەر جولى، كوممۋنيكاتسيا جۇيەلەرi نەمەسە گۇلزارلار بولۋى تيiس. مiنە، وسى تالاپتى ساقتامايتىندار كوپ. زاڭ بۇزعان نىسان يەلەرىنە ەسكەرتۋ قاعازدارىن بەردىك. ولاردىڭ تۇرعان جەرi قۇرىلىس ەرەجەلەرiنە مۇلدەم ساي ەمەس. كوشەگە دەيiن يiن تiرەسكەن ۇيلەرمەن جاياۋ جۇرگiنشi ارەڭ وتەدi. اۆتوپاركينگتەر جونiندە ءسوز قوزعاۋدىڭ ءوزi ارتىق، – دەيدى قالالىق ساۋلەت جانە قالا قۇرىلىسى ءبولىمى باسشىنىڭ ورىنباسارى باۋىرجان كەنجەعۇلوۆ.

رەيد بارىسىندا بايدىبەك بي كوشەسى بويىنداعى 14 نىساننىڭ زاڭ تالاپتارىن ساقتاماعانى بەلگىلى بولدى. كەيبىر تۇرعىندار رۇقساتسىز مەيرامحانا سالىپ الىپتى. مەملەكەتتىك اكتىسى جوق. جوباسى ارحيتەكتۋرادان بەكىتىلمەگەن. «قىزىل سىزىقتان» اسىپ كەتكەندەر جەتەرلىك. 4 نىساننىڭ يەسى تابىلماعاندىقتان ونى انىقتاۋ ءتيىستى مەكەمەلەرگە جولداندى.

بۇگىنگە دەيىن شىمكەنت قالاسى بويىنشا زاڭ تالاپتارىن بۇزعان 43 نىسانعا اكىمشىلىك ءىس قوزعالىپ، 12,1 ملن تەڭگە ايىپپۇل سالىنعان. 13 زاڭسىز قۇرىلىس نىسانىن بۇزۋ تۋرالى ءىس سوتقا جىبەرىلىپ، 3 نىساندى بۇزۋعا، 9 نىسانعا ايىپپۇل سالۋ تۋرالى شەشىمدەر شىعارىلدى. باسقارما تاراپىنان 282 نىساننىڭ ىشىنەن 11 نىسانعا اكىمشىلىك ءىس قوزعالىپ 3,9 ملن تەڭگە ايىپپۇل سالىندى.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3594