بەيسەنبى, 23 قىركۇيەك 2021
بيلىك 2405 0 پىكىر 4 جەلتوقسان, 2015 ساعات 03:00

ابدىراحىموۆ – سوزىنە ءىسى ساي اكىم


ءار اكىمنىڭ قىزمەت ىستەۋ قابىلەتى مەن بەلگىلى ءبىر ءىستىڭ ىڭعايىن دۇرىس تاۋىپ كىرىسۋى ءارتۇرلى بولادى. قالا تۇرعىندارىنىڭ پايىمىنشا، عابيدوللا ءابدىراحىموۆ سوزىنە ءىسى ساي، بارلىق ماسەلەنى تەرەڭ زەردەلەپ بارىپ شەشىم قابىلدايتىن، وقىپ-توقىعانى مول، حالىققا جاقىن بولۋدى قالايتىن، جاۋاپكەرشىلىكتى جوعارى باعالايتىن، قاراماعىنداعىلارعا تالاپشىل، بىلىكتى ازامات. شارۋاعا مىعىم، ءۇنسىز، تىم-تىرىس وتىرۋ جوق. قالامىزداعى ءىس-شارالاردان قالمايتىن جانە قاراپايىم حالىقتىڭ اراسىنان ءجيى تابىلاتىن جۋرناليستەرىمىز جۇرگىزگەن بەيرەسمي ساۋالناما بارىسىندا تۇرعىندار قالا اكىمىنىڭ قىزمەتىنە بايلانىستى وسىنداي پىكىرلەر ءبىلدىرىپ وتىر. از ۋاقىت وتكەنىن، اكىمنىڭ جۇمىسى جونىندە پىكىر بىلدىرە المايتىندارىن ايتقاندار دا بار. وسى ورايدا، عابيدوللا راحماتوللاۇلى شىمكەنت قالاسىنىڭ اكىمى قىزمەتىنە كىرىسكەننەن بەرگى ءجۇز كۇندە قانداي جۇمىستار اتقارىلعانىن قالا تۇرعىندارىنا قىسقاشا بايانداپ ءوتۋدى ءجون سانادىق.

  «شىمكەنتتi ەلiمiزدەگi ەڭ ادەمi, ەڭ قولايلى قالاعا اينالدىرۋ قاجەت»

ءۇش ايدان استام ۋاقىت ءۇشىنشى مەگاپوليستىڭ تىنىس-تىرشىلىگىمەن تولىق تانىسىپ، الەۋمەتتىك-ەكونوميكالىق دامۋ ستراتەگياسىن ىسكە اسىرۋدىڭ جولىن انىقتاۋعا مۇمكىندىك جاسادى. شىمكەنتتى ەلىمىزدەگى ەڭ ءبىر ادەمى، ەڭ قولايلى، كەلگەن قوناق قيماي قوشتاساتىن قالاعا اينالدىرۋ قاجەت ەكەنىن تاعايىندالۋى كەزىندە مالىمدەگەن ع.ءابدىراحىموۆ العاشقى كۇنى-اق وبلىس ورتالىعى اۋماعىندا سالىنىپ جاتقان قۇرىلىس نىساندارىمەن تانىستى. جىلۋ ماۋسىمىنا دايىندىق پەن باعا تۇراقتىلىعى نازاردان تىس قالمادى. ينۆەستيتسيالىق احۋالدى جاقسارتۋ، قالانىڭ وزىندىك برەندىن قالىپتاستىرۋ باعىتىندا جاڭا باستامالار قولعا الىنىپ، باتىل قادامدار جاسالدى. ناتيجەسىندە قالا ومىرىنە ەلەۋلى وزگەرىس ەنگىزەتىن، بۇگىندە قىزۋ تالقىلانىپ قولداۋ كورسەتىلىپ جاتقان تۇجىرىمداما دايىندالدى. بۇل ورايدا، قالا اكىمى «دۇرىس شەشىم قاشاندا – ەگەسە جۇرگەن ەلدە ەمەس، كەڭەسە بىلگەن جەردە» دەگەن ناقىلدى ۇستانعان بولار. تۇرعىنداردىڭ پىكىرى مەن تولعاندىرعان نەگىزگى ماسەلەلەرى ەسكەرىلگەن جانە بارلىق سالانى قامتيتىن قالانىڭ 2020 جىلعا دەيىنگى دامۋ تۇجىرىمداماسىنىڭ ماقساتى – شىمكەنتتى تۇرعىندارعا بارىنشا قولايلى دا جايلى، قوناقتارعا تارتىمدى بولاتىن ەلىمىزدەگى زاماناۋي مەگاپوليسكە اينالدىرۋ. الەمدىك دەڭگەيدەگى ويىن-ساۋىق ورتالىعىن سالۋ بويىنشا ينۆەستورلارمەن كەزدەسۋ، حالىقارالىق كونگرەسس-كورمەگە قاتىسىپ «اقىلدى» قالالاردىڭ ۇزدىك ۇلگىلەرىمەن تانىسۋ جاڭا جوبانى جۇزەگە اسىرۋ ماقساتىندا جاسالعان العاشقى قادامداردىڭ ءبىرى بولسا كەرەك.

ءبىز قامتىپ وتىرعان كەزەڭدە الەمدىك داعدارىستان تۋىنداعان ەكونوميكالىق جاعداي ەسكەرىلىپ، قالا بيۋدجەتى وڭتايلاندىرىلدى. بيۋدجەتتىڭ كىرىسى مەن شىعىسىنا تالداۋ جاسالىپ، بىرقاتار ءىرى نىسان قۇرىلىستارىنىڭ جوبالىق-سمەتالىق قۇجاتتامالارى ۋاقىتشا توقتاتىلدى. دەگەنمەن، ءبىرىنشى كەزەكتەگى الەۋمەتتىك شىعىندار تولىعىمەن جوسپارعا ەنگىزىلدى. ونەركاسىپ، اۋىل شارۋاشىلىق ونىمدەرىنىڭ، قۇرىلىس، تۇرعىن ءۇي كولەمى، نەگىزگى كاپيتالعا باعىتتالعان ينۆەستيتسيالار وتكەن جىلدىڭ ءتيىستى كەزەڭىمەن سالىستىرعاندا ءوستى. جەر تەلىمدەرىن پايدالانۋعا قاتىستى ماسەلەلەر قاتاڭ باقىلاۋعا الىنىپ، اۋىل شارۋاشىلىعى جەرلەرىن جالعا بەرۋ مەرزىمدەرىن ۇزارتۋ بويىنشا جاڭا تالاپتار ازىرلەندى. وسى ارادا ايتا كەتەلىك، تاياۋدا اباي اۋدانى تۇرعىندارىمەن كەزدەسۋدە قالا اكىمى بۇرىننان زاڭسىز سالىنعان ۇيلەر بۇزىلمايتىنىن، حالىققا قيانات جاسالمايتىنىن ايتتى. ونداي ۇيلەردى مۇمكىندىگىنشە زاڭداستىرۋ جولدارى قاراستىرۋدا ەكەنىن جەتكىزدى. وسىلايشا، حالىققا جاقىن ەكەندىگىن تاعى ءبىر تانىتتى. سونداي-اق، قالا اكىمى بەس اي بويى توقتاپ تۇرعان جىلۋ بەرۋ ستانسالارىنا بايلانىستى ماسەلەنىڭ وڭ شەشىمىن تابۋىنا ىقپال ەتتى. سونىمەن بىرگە قۋاتى 160 گكال بولاتىن قازاندىقتى ىسكە قوسۋ جۇمىستارى جەدەل جۇرگىزىلىپ، پايدالانۋعا بەرىلدى. قالادا بىرنەشە جىلدان بەرى وزەكتى ماسەلەگە اينالعان «جاڭاتالاپ»، «توعىس»، «بازارقاقپا»، «جۇلدىز» تۇرعىن ءۇي الاپتارىنداعى كارىز جۇيەلەرىن ىسكە قوسۋ ماسەلەسى جوسپارعا ەنگىزىلدى. جوبالىق-سمەتالىق قۇجاتتاردى ازىرلەۋگە قارجى ءبولىنىپ، ءتيىستى جۇمىستار باستالدى. بىرنەشە ەلدى مەكەندەر اۋىز سۋمەن، ەلەكتر قۋاتىمەن جانە تابيعي گازبەن قامتىلدى. قالا اۋماعىنداعى جاياۋ جۇرگىنشىلەر وتكەلدەرىنىڭ قۇرىلىس ساپاسى باقىلاۋعا الىندى. بۇل ورايدا، قالا اكىمى ع.ءابدىراحىموۆ 18 شاعىناۋداندا پايدالانۋعا بەرىلگەن جەرۇستى وتكەلىندە بولىپ، تۇرعىندار تاراپىنان كەلىپ تۇسكەن سىن-ەسكەرتپەلەر بويىنشا ءتيىستى مەكەمەلەرگە تاپسىرما بەردى. «وتكەلدەردىڭ ءبارى دە قالا تۇرعىندارىنا، ەڭ الدىمەن مۇگەدەكتەرگە، قاريالارعا جانە انالار مەن جاس بالالارعا قولايلى ەتىپ جاسالۋى قاجەتتىگىن» ەسكەرتتى. قالا باسشىسىنىڭ تاپسىرماسىنان كەيىن كەمشىلىكتەر تۇزەتىلىپ، قۇرىلىس جوبالارىنا ءتيىستى وزگەرىستەر ەنگىزىلدى. سونداي-اق، كولىك ينفراقۇرىلىمىنداعى بىرقاتار ماسەلە وڭ شەشىمىن تاپتى. بىرنەشە كوشەدە قايتا قۇرۋ جۇمىستارى باستالىپ، 70 كوشە ورتاشا جوندەۋدەن ءوتتى. قوعامدىق كولىكتەردىڭ قىزمەت ساپاسىن ارتتىرۋ ماقساتىندا ع.ءابدىراحىموۆ قالا اكىمدىگىنىڭ ماجىلىسىندە اۆتوپارك باسشىلارىنا جاڭا اۆتوبۋستاردى باعىتقا قويۋدى تالاپ ەتەتىنىن مالىمدەدى. جول اقىسىن قىمباتتاتۋدى سۇرانعان قاۋىمداستىق باسشىلارىنىڭ ءوتىنىش-تىلەكتەرىن قابىلداۋعا نەگىز جوق ەكەنىن كەسىپ ايتتى. سالا باسشىلارىنا جىل سوڭىنا دەيىن كەمشىلىكتەردى تۇزەۋ تاپسىرىلدى.

Abai.kz

0 پىكىر