سەيسەنبى, 21 قىركۇيەك 2021
بيلىك 2733 0 پىكىر 4 جەلتوقسان, 2015 ساعات 03:00

ءۇشىنشى مەگاپوليستىڭ بۇگىنى مەن ەرتەڭى

شىمكەنت تۇرعىندارعا جايلى جانە تازا، قاۋىپسىز، ءارى كاسىپكەرلىك دامىعان، زاماناۋي دا ەرەكشە عيماراتتارىمەن كەلبەتتى قالا بولۋى قاجەت. قالانىڭ 2020 جىلعا دەيىنگى الەۋمەتتىك-ەكونوميكالىق دامۋ تۇجىرىمداماسىن دايىنداۋ بارىسىندا دا وسى سىندى ماسەلەلەر نەگىزگە الىنعانى انىق. بارلىق سالا قامتىلىپ، اۋقىمدى دا ايقىن، جان-جاقتى جوسپارلانعان جوبا جۇرتتىڭ ەرتەڭگە دەگەن سەنىمىن نىعايتا ءتۇسىپ، وزگە وڭىرلەردىڭ قىزىعۋشىلىعىن تۋدىردى.

بۇگىندە بۇل قۇجات تۇرعىندارعا جان-جاقتى ءتۇسىندىرىلىپ، تالقىلانۋدا. ءۇشىنشى مەگاپوليستىڭ بۇگىنى مەن ەرتەڭى ەكشەلگەن قۇجاتتا الەۋمەتتىك-ەكونوميكالىق تۇرعىدان دامۋدىڭ جاي-كۇيىنە سالىستىرمالى تالداۋ جاسالىنىپ، قالانىڭ 2020 جىلعا دەيىنگى پەرسپەكتيۆالارى كورسەتىلگەن. سونداي-اق، دامۋ تۇجىرىمداماسىندا شىمكەنتتىڭ رەسپۋبليكاداعى ءۇشىنشى ءىرى قالا مارتەبەسىنە لايىقتى بولۋى، تۇرعىنداردىڭ قولايلى ورتادا ءومىر ءسۇرۋى جانە قورشاعان ورتانى قورعاۋ ماسەلەسى كوزدەلگەن. ورىندالۋى الداعى 5 جىل ۋاقىت مەرزىمىنە بەلگىلەنگەن اتالمىش قۇجات قر پرەزيدەنتى

ن.نازارباەۆتىڭ قازاقستان حالقىنا ارناعان جولداۋلارىنداعى باسىم باعىتتارى نەگىزىندە دايىندالعان. كونتسەپتسيانىڭ تۇپكىلىكتى ماقساتى - شىمكەنت قالاسىن تۇرعىندارعا ىڭعايلى جانە قوناقتارعا تارتىمدى ەتىپ كورسەتەتىن رەسپۋبليكاداعى زاماناۋي مەگوپوليسكە اينالدىرۋ. ەڭ الدىمەن، قالا تۇرعىندارىن تولعاندىراتىن نەگىزگى ماسەلەلەردى شەشۋ، قالا تۇرعىندارى مەن قوناقتارىنا قاجەتتى ينفراقۇرىلىم جۇيەلەرىن جەتىلدىرۋ، قالادا بيزنەسكە قولايلى جاعداي جاساۋ جانە ينۆەستيتسيا كولەمى مەن تۋريستەردىڭ سانىن ارتتىرۋ - قالا اكىمدىگى ۇلكەن باسىمدىق بەرىپ وتىرعان مىندەتتەر.

ينجەنەرلiك-ينفراقۇرىلىم جاڭارتىلادى

20-11-2015«شىمكەنت قالاسىنىڭ 2020 جىلعا دەيىنگى الەۋمەتتىك-ەكونوميكالىق دامۋ تۇجىرىمداماسى» جوباسىنىڭ قالاي جۇزەگە اسىرىلاتىنى كوپشىلىكتىڭ قىزىعۋشىلىعىن تۋدىرىپ وتىرعانى ءمالىم. وسى ورايدا قالا اكىمىنىڭ ورىنباسارى بەيسەنبەك جانبوسىنوۆ ءۇي كوميتەتى توراعالارى مەن كوشە كوميتەتتەرى وكىلدەرىنىڭ باسىن قوسىپ، «تۇرعىن ءۇي-كوممۋنالدىق شارۋاشىلىعى سالاسىنىڭ وزەكتى ماسەلەلەرى» تاقىرىبىندا دوڭگەلەك ۇستەل وتكىزدى. وندا قالاداعى ينجەنەرلىك-ينفراقۇرىلىمدىق، كوممۋنالدىق قىزمەت سالاسىنىڭ تۇيتكىلدى ماسەلەلەرى مەن ەرتەڭى كەڭىنەن ءسوز بولدى.

قازىرگى تاڭدا قالادا ەڭ وزەكتى ماسەلەنىڭ ءبىرى – توزىعى جەتكەن كوپقاباتتى تۇرعىن ۇيلەردىڭ بۇگىنگى احۋالى. كەڭەس وكىمەتى داۋىرىندە بوي كوتەرگەن عيماراتتاردىڭ بۇگىنگى جاعدايى سىن كوتەرەر دارەجەدە ەمەس. وسى ورايدا، قالا اكىمىنىڭ ورىنباسارى ءۇي كوميتەتى توراعالارىن مەملەكەتتىك تۇرعىن ۇيلەردى جاڭعىرتۋ باعدارلاماسى شەڭبەرىندە بىرلەسە جۇمىس جاساۋعا شاقىردى.

شىمكەنت قالاسىنىڭ «دامۋ» الەۋمەتتىك كارتاسى شەڭبەرىندە بارلىعى 42 ەلدى مەكەندى ساپالى ەلەكتر جارىعىمەن قامتۋ جۇمىستارى مەجەلەنگەن بولسا، وتكەن جىلى 5 ەلدى مەكەندە ترانسفورماتور جۇيەلەرى جاڭارتىلىپتى. بيىل تاعى 10 ەلدى مەكەن تۇرعىندارى ساپالى ەلەكتر جارىعىمەن قامتىلىپ وتىر.

قالا اۋماعىن تابيعي گازبەن قامتۋ جۇمىستارى دا بۇگىندە بەلسەندى تۇردە جۇرگىزىلۋدە. اتاپ ايتقاندا، كۇنى بۇگىنگە دەيىن قالاداعى 81 ەلدى مەكەننىڭ 36-سىندا «كوگىلدىر وتىنمەن» قامتۋ جۇمىستارى اياقتالىپ، تۇرعىندارعا تولىق قۋاتىندا قىزمەت كورسەتىلۋدە. 34 ەلدى مەكەندە تۇرعىندار تابيعي گازبەن تەك ءىشىنارا قامتىلعان بولسا، 11 ەلدى مەكەنگە ءالى جەتپەگەن.

قالا تۇرعىندارىن جىلۋمەن قامتۋ جۇمىستارىندا بۇگىندە ايتارلىقتاي تۇيتكىلدى ماسەلەلەردىڭ بارى بايقالادى. باستاپقى جوسپار بويىنشا، قالا اۋماعىندا 82 مىڭ پاتەردى ورتالىقتاندىرىلعان جىلۋمەن قامتۋ مەجە ەتىلگەن. دەگەنمەن، 17 مىڭ پاتەر يەسى، ياعني، باستاپقى كورسەتكىشتىڭ 20 پايىزى جىلۋدى اۆتونومدى قازاندىقتان العاندى ءجون كورۋدە.

قالانى ساپالى تازا اۋىز سۋىمەن قامتۋ باعىتىندا دا وزەكتى ماسەلەلەر جەتەرلىك. بۇگىندە تەك، 57 ەلدى مەكەن تۇرعىندارى ساپالى تازا اۋىز سۋىن پايدالانۋدا. وسى ورايدا، قالا اكىمىنىڭ ورىنباسارى قالانىڭ دامۋ تۇجىرىمداماسى جوباسى شەڭبەرىندە اتالعان ماسەلەلەردىڭ بارلىعى الداعى 5 جىل ۋاقىت مەرزىمىندە تولىق شەشىمىن تاباتىنىن جەتكىزدى.

Abai.kz

0 پىكىر