جۇما, 29 ناۋرىز 2024
46 - ءسوز 4392 0 پىكىر 4 جەلتوقسان, 2015 ساعات 10:21

«ۇرىساتىن ادامىڭ جوعى قانداي جامان؟»

قالمۇقان يساباي اعامىز دۇنيەدەن وزىپتى. يمانى سالامات بولعاي! 
...«انا ءتىلى» گازەتىندە جۇمىس ىستەپ جۇرگەن كەزىم. ءبىر كۇنى شەراعاڭنىڭ زايىبى قايتىس بولىپ، رەداكتسياداعىلار تۇگەل سونىڭ ساداقاسىنا كەتتى. نومىرگە تاپسىراتىن ماتەريالىم بولىپ، بارا المادىم. جانىعىپ، ماقالا جازىپ وتىرمىن. كەنەت:
— اي، باۋىرجان، نەگە جالعىز وتىرسىڭ؟ رەداكتسيا تۇگەل كوشىپ كەتكەن بە؟ — دەگەن داۋىس جالت قاراتتى. قالمۇقان اعامىز ەكەن. 
— شەراعاڭنىڭ ايەلى قايتىس بولىپ، سوعان كوڭىل ايتۋعا كەتتى، — دەدىم. ەستىمەگەن ەكەن. ءسال باس شايقاپ تۇردى دا:
— ءومىر بويى ۇرىسىپ-كەرىسىپ كەلگەن ادامىڭنان ءبىر كۇندە ايرىلىپ قالعان قانداي جامان، ءا؟ مىسالى شەرحان ەرتەڭ ۇيقىسىنان تۇرعاندا ۇرساتىن ادامى جوق. قيىن، قيىن... وسىلاي دەدى دە بۇرىلىپ كەتە باردى. اڭ-تاڭ بوپ مەن قالدىم. «مىنا كىسى نە دەپ كەتتى؟ سوندا ايەل دەگەن تەك ۇرىسۋ ءۇشىن كەرەك پە-ەي؟»
...ەرىنىڭ جايىن ايەلىنەن ارتىق بىلەتىن ەشكىم جوق. ءىشى توڭعاق ەركەك بايعۇستىڭ قيت ەتسە، اشۋىن ايەلىنەن الاتىنى راس قوي. ال ول سونىڭ ءبارىن كوتەرە بىلەدى. اعايىن-تۋىس، دوس-جاران، ءتىپتى بالا-شاعامەن ارادا التىن كوپىر بولادى. ال ەندى سونداي ادام كەنەتتەن ءولىپ قالعاندا... 
قالاعاڭنىڭ مەڭزەگەنى سول ەكەن عوي...

باۋىرجان باباجانۇلى

Facebook-تەگى پاراقشاسىنان

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590