جۇما, 24 مامىر 2024
كۇبىرتكە 6397 0 پىكىر 22 ماۋسىم, 2015 ساعات 09:41

پەنتاگون: رەسەيمەن شيەلەنىس ۇزاققا سوزىلادى

پەنتاگون باسشىسى ەشتون كارتەر قۇراما شتاتتار جانە ناتو وداقتاستارىنىڭ رەسەيمەن اراداعى شيەلەنىسى ۇزاققا سوزىلادى دەپ مالىمدەدى. BBC-ءدىڭ جازۋىنشا، كارتەر رەسەيدەگى ساياسي باعىتتىڭ پۋتين پرەزيدەنت بولىپ تۇرعان كەزدە، ءتىپتى ودان كەيىنگى پرەزيدەنت كەزىندە دە جاڭارا قويمايتىنىن ايتقان. سەبەبى ناتو رەسەيمەن قاتىناستا قاتاڭ پوزيتسيادا تەڭگەرىمدى ءتاسىل قولدانباق.

ەۋروپاعا قىسقا مەرزىمدى ساياحاتى الدىندا كارتەر، جۋرناليستەردىڭ ء«پۋتيننىڭ ساياساتى وزگەرۋى مۇمكىن بە؟» دەگەن سۇراعىنا: «- مەن دە وسىعان ءۇمىت ارتامىن، بىراق سەنىمدى ەمەسپىن»، - دەپ جاۋاپ قاتقان. پەنتاگون ەرتەرەكتە حابارلاعانداي، كارتەر 22-26 ماۋسىم ارالىعىندا رەسەي تاراپىنان بولىپ جاتقان ماسەلەلەردى تالقىلاۋ ءۇشىن گەرمانيا، ەستونيا جانە بەلگيا ەلدەرىندە بولادى.

اقش قورعانىس ءمينيسترى جۋرناليستەرمەن كەزدەسۋىندە ءپۋتيننىڭ «ماسكەۋدىڭ اۋىر قوقانلوقىسى تۋرالى» ءسوزىن سىنعا الدى. ەستەرىڭىزگە سالساق، پۋتين وتكەن اپتادا رەسەي قورعانىسى قۇرلىق ارالىقتىق 40 يادرولىق راكەتامەن تولىعاتىنىن مالىمدەگەن ەدى. ول مۇنداي مالىمدەمەنى شىعىس ەۋروپاداعى ناتو قارۋلى كۇشتەرىن ۇلعايتۋ تۋرالى اقش-تىڭ ۇسىنىسىنان كەيىن جاساعان بولاتىن. ءپۋتيننىڭ سوزىنشە بۇل راكەتالاردى قانداي دا ءبىر سوڭعى تەحنولوگيانىڭ كومەگىمەن قاعىپ ءتۇسىرۋ مۇمكىن بولمايدى. ءپۋتيننىڭ سوزىنەن سوڭ ناتو باس حاتشىسى يەنس ستولتەنبەرگ رەسەي اسكەري ريتوريكاسىنىڭ قاۋىپتى ەكەنىن، بۇلاي جالعاسا بەرسە ۇلكەن تۇراقسىزدىق الىپ كەلەتىنىن مالىمدەگەن بولاتىن.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2300
ادەبيەت

«سولاي ەمەس پە؟»

عابباس قابىشۇلى 2649
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2739
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1740