اتىراۋ قالاسىندا تۇراتىن 135 وتباسى بۇگىن جاڭا پاتەرلەردىڭ كىلتىن الدى. «بايتەرەك» ۇلتتىق باسقارۋشى حولدينگى  جۇرگىزىپ وتىرعان «نۇرلى جول» باعدارلاماسى اياسىندا الماگۇل ىقشاماۋدانىندا كوپ پاتەرلى 3 ءۇي پايدالانۋعا بەرىلدى.  

پايدالانۋعا بەرىلگەن تۇرعىن ءۇيدىڭ جالپى اۋدانى – 9 682 شارشى مەتر. بۇل – جالپى قۇنى 1 080 ملن.تەڭگە (ونىڭ 110 ملن تەڭگەسى قر ۇلتتىق قورىنان بولىنگەن) بولاتىن 30, 45 جانە 60 پاتەرلى ۇيلەر. 20 ءبىر بولمەلى، 45 ەكى بولمەلى جانە 70 ءۇش بولمەلى پاتەرلەر قتقجب جەلىسى بويىنشا «حالىقتىڭ بارلىق ساناتىنا ارنالعان تۇرعىن ءۇي» باعىتىمەن باعدارلاماعا قاتىسۋشىلارعا بەرىلدى. ءبىر شارشى مەترىنىڭ باعاسى – 111 502 تەڭگە. 

بيىلعى جىلدىڭ اياعىنا دەيىن قتقجب جەلىسى بويىنشا «حالىقتىڭ بارلىق ساناتىنا ارنالعان تۇرعىن ءۇي» باعىتىمەن تاعى دا جالپى قۇنى 1 819 ملن. تەڭگە، اۋدانى 16,2 مىڭ شارشى مەتر بولاتىن 334 پاتەردى جانە «جاس وتباسىعا ارنالعان تۇرعىن ءۇي» باعىتىمەن 90 پاتەردى پايدالانۋعا بەرۋ جوسپارلانىپ وتىر.

بۇگىندە جالپى قۇنى 733 ملن. تەڭگە، اۋدانى 8,3 مىڭ شارشى مەتر بولاتىن، 120 پاتەرلى 2 تۇرعىن ءۇي پايدالانۋعا بەرىلگەن.

«بايتەرەك» حولدينگى قازاقستاننىڭ بارلىق وڭىرلەرىندە حالىقتىڭ قالىڭ جىگىن تۇرعىن ۇيمەن قامتاماسىز ەتۋدە «نۇرلى جول» مەملەكەتتىك باعدارلاماسىن جۇزەگە اسىرۋ جۇمىسىن جوسپارلى تۇردە جاساپ كەلەدى.  

اباي-اقپارات