پرەزيدەنت نۇرسۇلتان نازارباەۆ «ەكىباستۇز ماەس-2 ستانتسياسى» اق جانارماي قۇيۋ ءماشينيسى گالينا ميحنوۆانىڭ جازعان حاتىنا ءوزى جاۋاپ بەرگەن. بۇل تۋرالى Nur.kz قالا اكىمىنىڭ ءباسپاسوز حاتشىسى جازيرا سىزدىقوۆاعا سىلتەمە جاساپ جاۋاپ حابارلادى.

گالينا ميحنوۆا حاتىندا  ءوزى جايلى ايتا كەلە، مەملەكەت باسشىسىن كەزەكتەن تىس قازاقستان رەسپۋبليكاسىنىڭ پرەزيدەنتى سايلاۋىنداعى جەڭىسىمەن، سونداي-اق الدا كەلە جاتقان تۋعان كۇنىمەن قۇتتىقتادى.

«مەن قازاقستاندا تۋىپ-وسكەنىمە، وسى جەردە تۇرىپ جاتقانىما ءوزىمدى باقىتتى سانايمىن. ەكىباستۇز ماەس-ىندە جانارماي قۇيۋ ءماشينيسى بولىپ جۇمىس ىستەگەنىمە 20 جىلدان استى. ءسىز كوپتەگەن جىلدار بويى ءبىزدىڭ پرەزيدەنتىمىز بولىپ كەلە جاتقانىڭىزدى ماقتان تۇتامىن. ءسىزدىڭ كورەگەن باسشىلىعىڭىزدىڭ ارقاسىندا ءبىز بەيبىتشىلىك پەن كەلىسىمدە ءومىر ءسۇرىپ كەلەمىز»، — دەپ جازا كەلە، ميحنوۆا پرەزيدەنتكە ولەڭ جولدارىن ارنايدى.

«بىت ناشيم پرەزيدەنتوم ۆام سۆىشە سۋجدەنو.

ي ستولكو لەت بىت ليدەروم نە كاجدومۋ دانو.

يسپىتىۆاەت گوردوست زا كازاحستان نارود،

درۋجنەە ي بوگاچە ستال كازاحستانسكي رود!»، — دەلىنگەن ولەڭ جولدارىندا.

بۇعان جازعان نۇرسۇلتان نازارباەۆتىڭ جاۋاپ حاتىن پاۆلودار وبلىسى اكىمى اپپاراتىنىڭ قۇجات اينالىمىن قامتاماسىز ەتۋ جانە باقىلاۋ ءبولىمىنىڭ جەتەكشىسى جانات حاممەتوۆ ميحنوۆاعا تابىس ەتتى.

«قۇرمەتتى گالينا ۆاسيلەۆنا! حاتىڭىزدا كورسەتكەن جىلى لەبىزىڭىزگە جانە مەنىڭ قىزمەتىمە ارناعان ولەڭ جولدارىڭىز ءۇشىن راحمەت ايتامىن. ەكىباستۇز قالاسىنىڭ جانە ءسىز قازىر جۇمىس ىستەپ وتىرعان ستانتسيانىڭ قالىپتاسۋى مەنىڭ قاتىسۋىممەن ءوتتى. بۇل ءوندىرىس الىپتارى — قازاقستاننىڭ ماقتانىشى. وزىڭىزبەن بىرگە جۇمىس جاسايتىندارعا سالەمىمدى جەتكىزىپ، يگى تىلەگىمدى قابىل الىڭىز»، — دەيدى مەملەكەت باسشىسى ءوز جاۋابىندا.

اباي-اقپارات