جۇما, 29 ناۋرىز 2024
جاڭالىقتار 4445 0 پىكىر 29 ماۋسىم, 2015 ساعات 21:02

م. رەنتسي: "پاۆيلونعا كىرگەن ساتتە سەرىكتەستىگىمىزدىڭ بولاشاعى بار ەكەنىن كوردىك"

ميلانداعى بۇكىلالەمدىك ەكسپو2015 كورمەسىندە قازاقستاننىڭ ۇلتتىق كۇنى ءوتتى. شارانى پرەزيدەنت نۇرسۇلتان نازارباەۆتىڭ ءوزى اشتى. ميلانداعى كورمە «الەمدى تاماقتاندىرۋ. ازىق-تۇلىك قاۋىپسىزدىگى» ۇرانىمەن وتۋدە. مەملەكەت باسشىسى كىرىسپە سوزىندە بۇل تاقىرىپتى دا قوزعاي كەتتى.

«الەمدەگى ازىق-تۇلىكتى تۇتىنۋ ەسەلەپ وسۋدە، سوندىقتان ازىق-تۇلىك قاۋىپسىزدىگى بۇگىنگى كۇنى ەرەكشە وزەكتىلىككە يە بولىپ تۇر. قازاقستان حالىق باسىنا شاققانداعى جىرتىلعان جەر كولەمى بويىنشا الەمنىڭ ەڭ ءىرى بەستىگىنە كىرەدى، - دەپ مالىمدەدى نۇرسۇلتان نازارباەۆ، - ەلىمىزدە مۇنداي 215 ملن گەكتار جەر بار. ءتۇرلى كليماتتىق جاعداي مەن قۇنارلى توپىراق بىزگە ەڭ ءىرى بيداي ءوندىرۋشى بولۋعا مۇمكىندىك بەرەدى. قازاقستان الەمدەگى بيداي ەكسپورتتايتىن ەڭ ءىرى ەلدەردىڭ وندىعىنىڭ، ۇن ءوندىرۋ بويىنشا بەستىكتىڭ قاتارىندا. ءبىز جىلىنا 70 ەلگە 8 ميلليون توننا بيداي ەكسپورتتايمىز جانە ەكسپورتى كەڭەيتۋگە مۇددەلىمىز».

وسىعان بايلانىستى پرەزيدەنت قازاقستاندا قاتارىندا يتاليا دا بار الەمنىڭ 10 ەلىنىڭ ينۆەستورلارى ءۇشىن ۆيزاسىز ءتارتىپ ەنگىزىلگەنىن اتاپ ءوتتى. شىلدە ايىنىڭ ورتاسىنان باستاپ اتالعان ءتىزىم شۆەيتساريا، يسپانيا، بەلگيا، ۆەنگريا، موناكو، سينگاپۋر، اۆستراليا، نورۆەگيا، شۆەتسيا جانە فينليانديا سەكىلدى تاعى 10 ەلدىڭ قوسىلۋىمەن كەڭەيەدى.

ەكسپو-داعى قازاقستان كۇنىنە كەلگەن يتاليا پرەمەر-ءمينيسترى ماتتەو رەنتسي بۇعان جاۋاپ رەتىندە يتاليانىڭ دا ەكى ەل اراسىنداعى تاۋار اينالىمىنىڭ دامۋىنا مۇددەلى ەكەنىن اتاپ ءوتتى.

«پاۆيلوندارىڭىزعا كىرىپ كەلە جاتقان كەزدە ەكى جاقتى سەرىكتەستىك مۇمكىندىگىنىڭ تاماشا بولاشاعى بار ەكەنىن كوردىك. مىسالى، اگرووندىرىس كەشەنى بويىنشا كولەم جاعىنان قازاقستان الەمدە توعىزىنشى ورىن الادى. ءبىز وسى سالادا جوعارى دەڭگەيدە ارىپتەستىك ورناتا الامىز. قازاقستان مەن يتاليا تەك ەكونوميكالىق سالا بويىنشا عانا سەرىكتەس ەمەس»، - دەپ اتاپ ءوتتى ماتتەو رەنتسي.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604