جۇما, 29 ناۋرىز 2024
قوعام 6157 0 پىكىر 3 شىلدە, 2015 ساعات 19:26

قازاق حاندىعى تۋرالى تەلەحيكايا تاعى دا قىسقاردى

قازاق حاندىعىنىڭ 550 جىلدىعىنا وراي ەلىمىزدە تانىمال رەجيسسەر رۇستەم ابدىراشەۆتىڭ رەجيسسەرلىگىمەن "قازاق حاندىعى" دەپ اتالاتىن 20 cەريالى تەلەحيكايا تۇسىرىلەتىن بولعان. الايدا ءبىراز ۋاقىت وتكەن سوڭ 20 سەريالى تەلەحيكايانىڭ بولىمدەرى قىسقارىپ، 10 سەرياسى عانا تۇسىرىلەتىنى بەلگىلى بولدى. ەندى ول 10 سەريانىڭ تاعى دا 3 سەرياسى قىسقارتىلىپ جاتقانى انىقتالدى. Today.kz-ءتىڭ جازۋىنشا، بۇل تۋرالى رۇستەم ابدىراشەۆ "تۇركىستان" گازەتىنە بەرگەن سۇحباتىندا حابارلادى.

رەجيسسەردىڭ ايتۋىنشا سەريالعا بولىنگەن قاراجات جەتكىلىكسىز ەكەن. "قازاقتا "الاپا" دەگەن ءسوز بار. جاۋگەرشىلىك زاماندا "الاپا" اسكەرگە كورسەتىلەتىن كومەك. مىسالى، سوعىس كەزىندە باتىردىڭ اتى مىنىستەن قالسا، ول كەز كەلگەن اۋىلدان كەلىپ الاپا سۇرايدى. الاپا سۇراعان باتىرعا حالىق جىلقىسىن، مالىن، ازىق-تۇلىگىن، ۇيىندەگى بارىن بەرگەن ەكەن. كونەدەن قالعان جاقسى ءداستۇردى جاڭعىرتقالى وتىرمىز. قازاق حاندىعى قانداي قيىن-قىستاۋ كەزەڭدى باستان وتكەرىپ بارىپ قۇرىلدى؟ رەجيسسەر رەتىندە سول كەزەڭدەگى جاعدايدى باستان قايتا كەشكەندەي كۇيدە وتىرمىن. تاپ وسىنداي سەريال تۇسىرەتىن شاقتا الدىمىزدان داعدارىس شىعا كەلگەنى قيىن بولدى. سەريالعا بولىنگەن قاراجات جەتكىلىكسىز، ۋاقىت تىعىز. راسىندا دا، قاراجات جەتكىلىكسىز. اناۋ تۇرىكتىڭ "سۇلەيمەن سۇلتانى" سياقتى سەريال بولسا جەڭىل بولار ەدى. (كۇلدى). كينوتانۋشىلار ول سەريالدى "سويلەيتىن باستار" سەريالى دەپ اتاپ ءجۇر. ونداي سويلەيتىن باستاردىڭ سەريالىن جاسايتىن بولساق، مىنا بولىنگەن قاراجاتتى قينالماي جەتكىزەر ەدىك. اجەپتاۋىر قالاماقى دا الامىز. ال كوشپەندى قازاقتىڭ كوشىن، باتىرلاردىڭ شايقاسىن، سالت اتتى قازاق مادەنيەتىن، حانداردىڭ اي بىنىن، حانشالاردىڭ ءسان-سالتاناتىن كورسەتە الماساق وندا بۇنداي سەريال ءتۇسىرىپ كەرەگى نە؟!", – دەيدى ول.

رەجيسسەر از قاراجاتتى جەتكىزۋ، ۇنەمدەۋ ءۇشىن بەكىتىلىگەن ون سەريانىڭ تاعى ءۇش سەرياعا تاعى قىسقارتىلىعانىن اتاپ ءوتتى."سەريالدى اۋەلدە جوسپارلاعاندا كەڭىنەن سىلتەپ، تاريحي وقيعالاردى، اسىرەسە، شايقاستاردى مولىنان كىرىستىرگەن ەدىك. الايدا قارجىعا بايلانىستى ءتۇسىرىلىم جۇمىستارىن قايتادان ەسەپتەپ، قىسقارتىپ جاتىرمىز. قازىر سوڭعى بەكىتىلىگەن ون سەريالدى ءۇش سەرياعا تاعى قىسقارتتىق. بۇل قاراجات قازىرگى زامانعى جوبالارعا جۇمسالاتىن بولسا جەتكىلىكتى بولار ەدى. بىراق، تاريحي سەريالعا جەتپەيدى. ماسەلەن، 200 مىڭ ادامنىڭ وزبەك ۇلىسىنان ءبولىنىپ، موعولستانعا كوشۋىنىڭ شەتجاعاسىن كورسەتۋگە قاراجات جەتكىلىكسىز. كەمىندە 500 ادامدى سول زامانعا ساي كينىدىرۋ كەرەك", – دەيدى ابدىراشەۆ. سونىمەن قاتار، رەجيسسەر ەگەر قالتالى ازاماتتار، كاسىپكەرلەر كومەكتەسىپ جاتسا، قىسقارىپ كەتكەن ءۇش سەرياعا جۋىق شايقاستار ساحناسىن قايتادان قوسىپ جىبەرۋگە بولاتىنىن دا ايتىپ وتىر.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3604