جۇما, 21 ماۋسىم 2024
46 - ءسوز 5952 0 پىكىر 6 شىلدە, 2015 ساعات 00:06

قازاقستان باسشىلارىنىڭ دا ءوز ەرتەگىسى بار...

بالىق اۋلاعاندى جاقسى كورەتىن كومپوزيتور لەونيد دەربەنيوۆ ءبىر كۇنى جوعارى جاقتا جۇمىس ىستەيتىن تانىسىنىڭ كومەگىمەن سسسر-ءدىڭ باسشىلارى بالىق اۋلاپ، كوڭىل كوتەرگەن «اۋلاعا» كىرىپتى. «ومىردە قانشاما نارسەنى كوردىم عوي، بىراق ءدال مىناندايدى كورمەپتىم. توعاندا قولمەن تاماقتاندىرىپ، وسىرگەن بالىقتار ءجۇزىپ ءجۇر. باسشىلار توعانعا «چايكامەن» كەلدى، ماشينا جۇرەتىن جولدىڭ ۇستىنە قىمبات كىلەمدەر توسەلگەن. ولار ماشينانىڭ ىشىندە ىشەتىنىن ءىشىپ، تاماقتانىپ وتىرىپ، بالىق اۋلادى. ءبىر مينۋتتىڭ ىشىندە ۇلكەن بالىق ىلىنەدى. سەبەبى، توعاندا بالىق كوپ. ولار ماشينادان سىرتقا شىقپاي، «بىرنەشە بالىق اۋلادى». «ە-ە، ءبىزدى امەريكا ەشقاشان قۋىپ جەتە المايدى. بىزدىكىلەر، ءتىپتى، بالىقتى ماشينادان شىقپاي، ۇيىقتاپ وتىرىپ، اۋلايدى» دەپ ويلادىم، ويلادىم دا ءتۇڭىلدىم» دەپتى كومپوزيتور. وزەنگە بارىپ، بالىق اۋلاۋعا ەرىنەتىن «كوممۋنيستەر» «كوممۋنيزمدە» وزدەرى عانا ءومىر ءسۇرىپتى عوي. Laughing

 «كورمەنىڭ ءرولىن اتقارعان» توعاندا «بالىق اۋلاپ»، ءار بالىق «ۇستاعان» سايىن جاعىمپاز نوكەرلەرىنىڭ قولشاپالاقتاۋىنان باسى اينالعان، پسيحيكاسىندا اۋىتقۋ بار بۇل بايعۇستاردى ءبىر جاعىنان ايايسىڭ. ەڭ ارىسى بالىق اۋلاۋدا ءوز وزدەرىن الداعان بۇل پەندەلەر «كوممۋنيزمدە ءومىر سۇرەسىڭدەر، بۇل دەگەنىمىز – جۇماق، دۇكەنگە كىرىپ، قالاعان نارسەڭدى تەگىن الاسىڭ، وزىڭە كەرەك زاتتى عانا الاسىڭ، ءبىز ادامداردى وسىعان تاربيەلەيمىز» دەدى-اۋ... سويتسەك، حالىققا ەرتەگى ايتقان ولار ەرتەگى الەمىندە ءومىر ءسۇرىپتى عوي.
«سسسر-ءدىڭ شەكپەنىنەن شىققان» قازاقستان باسشىلارىنىڭ دا ءوز ەرتەگىسى بار...

 

اياگۇل مانتاي

(الەۋمەتتىك جەلىدەن)

0 پىكىر