بەيسەنبى, 28 ناۋرىز 2024
جاڭالىقتار 4371 0 پىكىر 6 شىلدە, 2015 ساعات 03:56

ىستىباەۆ قايتا «بارىس» بولدى

قازاقستان پرەزيدەنتىنىڭ جۇلدەسى ءۇشىن قازاق كۇرەسىنەن وتكەن «قازاقستان بارىسى» رەسپۋبليكالىق تۋرنيرىندە جەڭىسكە جەتكەن بەيبىت ىستىباەۆقا «التىن تايتۇياقتى» پرەزيدەنت نۇرسۇلتان نازارباەۆ تابىس ەتتى. سونىمەن بىرگە جەڭىمپازعا 150 مىڭ دوللار اقشالاي سىيلىعى تاپسىرىلدى.

نۇرسۇلتان نازارباەۆ  سوڭعى جىلدارى تاۋەلسىزدىكتىڭ ءبىر سيمۆولى رەتىندە ۇلتتىق سپورت ءتۇرى – قازاقشا كۇرەس قايتا جاڭعىرعانىن اتاپ ءوتتى.

- بۇل ءبىزدىڭ حالقىمىزدىڭ ءداستۇرلى كۇرەس ونەرى. اۋىلداعى بالالار ەجەلدەن كۇرەسپەن شۇعىلدانىپ، ءوز ماشىقتارىن جەتىلدىرگەن. اكەلەر ءوز بالالارىنا كۇرەستىڭ امال-تاسىلدەرىن ۇيرەتكەن. مەن بۇل جارىستى تولىق قولدايمىن. بولاشاقتا جارىستىڭ ودان ءارى داميتىنىنا، ال ونىڭ قازىرگى قاتىسۋشىلارىنىڭ اراسىنان بالۋان شولاق، قاجىمۇقان سياقتى قازاقتىڭ كوپتەگەن ۇلى بالۋاندارىنىڭ داڭقتى جولىن جالعاستىراتىن سپورتشىلار شىعاتىنىنا سەنەمىن. تۋرنير حالىقارالىق دەڭگەيگە شىعىپ، قۇرلىقتىق جانە وليمپيادالىق ويىندار باعدارلامالارىنىڭ ءبىر بولشەگىنە اينالادى، ەلىمىزدىڭ اتىن شىعارادى دەپ ۇمىتتەنەمىن، – دەدى قازاقستان پرەزيدەنتى.

جارىس فينالىنا ىرىكتەۋ سايىستارىنىڭ ءۇش كەزەڭىنەن وتكەن 32 بالۋان، سونداي-اق بىلتىرعى جىلدىڭ جەڭىمپازى م. تۇرسىنوۆ قاتىستى.

ىستىباەۆ بۇعان دەيىن – 2012 جىلى وتكەن «قازاقستان بارىسى» تۋرنيرىندە جەڭىمپاز اتانعان. ونىڭ بۇل جولعى جارىستاعى سالماعى - 145 كەلى.

بيىلعى «قازاقستان بارىسى» سايىسىندا رۋسلان ابدىرازاقوۆ كۇمىس جۇلدەگەر اتانسا، قولا جۇلدەنى عاني سەيدىلداەۆ يەلەندى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3501