جۇما, 29 ناۋرىز 2024
قوعام 4908 0 پىكىر 20 شىلدە, 2015 ساعات 14:45

«تورعايدى» توپ ەتكىزگەن» كىم؟ ول، انە-مىنە، انىقتالادى

 ورىس وفيتسەرىنىڭ «مى سبيلي پتيچكۋ»، قازاقشالاساق، "تورعايدى" توپ ەتكىزدىك» دەپ الەۋمەتتىك جەلىلەردىڭ بىرىنە حابار تاراتىپ، الەمدى دۇرلىكتىرگەنىنە دە ءبىر جىلداي ۋاقىت بولىپ قالىپتى.  «سودان بەرى تورتكۇل دۇنيەنىڭ جۇرتى رەسەي دەسە جاعاسىن ۇستاپ، تۇڭىلەتىن بولدى» دەپ جازادى باتىس باسىلىمدارىنىڭ ءبىرى.

انىقتاي ايتساق، وسىدان جىل بۇرىن الەم جۇرتى «شىعىس ۋكراينا»، «دونباس» دەگەن قالا مەن جەر اتاۋلارىن ەستىپ قانا وتىرسا، Malaysia Airlines كومپانياسىنىڭ ۇشاعى قۇلاعان كۇنى، ياعني، 17 شىلدە كۇنى، 298 ادامنىڭ ءبىر مەزەتتە كوز جۇمىپ، رەسەي مەن ۋكراينا اراسىندا قىرعىن سوعىس ءجۇرىپ جاتقانىنا تولىق كوز جەتكىزدى. 298 ادامدى تيەپ العان «بوينگ» اۋەكەمەسى زەڭبىرەكتەن اتىلعان وققا ۇشىپ، جانىپ كەتتى. تاپ سول كەزدە،  جازىقسىز جانداردىڭ ولىمىنەن ەش تىكسىنبەگەن ورىس وفيتسەرى يگور سترەلكوۆ: "تورعايدى" توپ ەتكىزدىك»، - دەپ جاھانعا جار سالدى. ارينە، ىزىنشە، الگى اۋمەسەردىڭ ءسوزىن تەرىستەپ، رەسەي ءباسپاسوزى شۋلاپ شىعا كەلدى. رف جاعىنىڭ ساياساتتاعى ىقپالدى ادامدارى دا ورە تۇرەگەلىپ، سۇمدىق وقيعانى ۋكراينا اسكەريلەرىنە جاۋىپ باققان. مىنە، سودان بەرى يت ىرعىلجىڭ ءيتىس-تارتىسپەن ون ەكى اي ءوتىپتى. سودان بەرى قارايعى باسپاسوزدە جاريالانعان ماقالالار مەن ساراپشىلاردىڭ پىكىرىن تۇگەلدەي ءتىزىپ جاريالاساق، ۇزاققا سىلتەۋىمىز ابدەن مۇمكىن. سوندىقتان قىسقاسىنان قايىرساق، ۋكراينا تاراپى: نيدەرلاندىدان ۇشىپ شىققان Malaysia Airlines كومپانياسىنىڭ ۇشاعىن قۇلاتقان جىكشىلدەر، ولاردىڭ قولىنا ۇشاقتى جەردەن اتقىلايتىن زەڭبىرەكتى بەرگەن پۋتين دەسە، رەسەيلىك ساياساتكەرلەر: دونباس اسپانىندا جانىپ ۇلگەرگەن ۇشاقتى قۇرتقان ۋكراينانىڭ اسكەريلەرى دەگەن سوزدەن تانبادى. سوزدەن ىسكە دەرەۋ كوشكەن رەسەيلىك ماماندار، ءتىپتى، قۇلاعان ۇشاقتىڭ سپۋتنيكتىك سۋرەتى مەن قابىلداعىشتاعى جازبالاردى، كۋاگەرلەر مەن ساراپشىلاردى، تەلەفونداعى اڭگىمەلەردى دە «تاۋىپ الىپ» بار پالەنى رەسمي كيەۆكە جاۋىپ باققان. الايدا، رەسەي ماماندارىنىڭ بۇل «تاپقىرلىعى» وتىرىككە شىعىپ، MH17 ۇشاعىنىڭ ادام قولىمەن جاسالعان اپاتى اقپاراتتىق مايداننىڭ وتىنا ماي قۇيا تۇسكەن بولاتىن. سول كەزدە نيدەرلاندى ەلىنىڭ پرمەر-ءمينيسترى مارك ريۋتتە: ء«بىزدىڭ ەلدىڭ ۇكىمەتى قىلمىسكەردى جاۋاپقا تارتۋ ءۇشىن قولىنان كەلگەننىڭ ءبارىن جاسايدى. كەرەك دەسەڭىز، ۇشاق قۇلاعان جەردىڭ ءار تاسىن اۋدارىپ كورەمىز»، - دەگەن بولاتىن. الايدا، پرەمەر ءار تاستىڭ استىن اۋدارىپ كورمەك تۇرماق، قيان كەسكى ۇرىس ءجۇرىپ جاتقان ايماققا اتتاپ باسا المادى. بۇل شىندىقتى باتىس باسپاسوزىندە پىكىر بىلدىرگەن ساراپشىلار دا مويىنداپ: «سوعىس ماسەلەنىڭ اق قاراسىن انىقتاۋعا مۇمكىندىك بەرمەي تۇر» دەگەندى ايتقان.

مىنە، وسىنداي سالعىرتتىقتان كەيىن اۆستراليا، مالايزيا، نيدەرلاندى، بەلگيا جانە ۋكراينا ەلدەرى بۇۇ-نىڭ قاۋىپسىزدىك كەڭەسىنە شاعىم ءتۇسىرىپ، قاندى وقيعا قاي تاراپتىڭ قولىنان جاسالعانىن انىقتاۋ ءۇشىن حالىقارالىق تريبۋنال قۇرۋ كەرەك دەگەن بولاتىن. تاياۋدان بەرى پۋتين سول حالىقارالىق تريبۋنالدىڭ قۇرىلۋىنا بارىنشا قارسىلىق بىلدىرۋدە. ايتكەنمەن دە، ءىستىڭ ءمان-جايى انىقتالاتىن كۇن الىس ەمەس سياقتى. CNN ارناسى وتكەندەگى ءبىر حابارىندا MH17 ۇشاعىنىڭ «بۋك» زەڭبىرەگىنەن اتىلعانىن ايتتى دەپ جازادى http://www.inopressa.ru سايتى. ال، «بۋك» زەڭبىرەگى ۋكراينانىڭ شىعىسىندا لاڭ سالىپ جۇرگەن سەپاراتيستەردىڭ قولىندا ەكەنىن قازىر الەم جۇرتشىلىعى ءبىلىپ وتىر.

 

Abai.kz   

 

 

 .    

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621