قازاقستاندىق تاراپ ءوزىنىڭ عارىشكەرى ايدىن ايىمبەتوۆتىڭ حالىقارالىق عارىش ستانتسياسىندا ۇشۋىنا قىركۇيەك ايىندا تولەم جاساۋعا مىندەتتى. بۇل تۋرالى "روسكوسموس" باسشىسى يگور كوماروۆ بايقوڭىر عارىش ايلاعىنداعى ءباسپاسوز ءماسليحاتىندا ايتقان. اتالعان حاباردى tengrinews.kz جازدى.

"ۇشۋدى قازاق تاراپى وزىنە الادى. ءبىز ەشقانداي ماسەلە كورىپ تۇرعان جوقپىز. حعس قاتىسۋشىلارى بۇعان كەلىسىم بەردى", - دەپ مالىمدەدگەن كوماروۆ.

كوماروۆتىڭ ايتۋىنشا، ايىمبەتوۆقا ارنايى كيىم مەن لوجەمەنتتەر دايىندالىپ جاتىر جانە "بارلىعىنىڭ ءوز مەرزىمىندە بولاتىنىنا ەشقانداي كۇمان جوق".

ەستەرىڭىزگە سالساق، Abai.kz بۇعان دەيىن قارجى سەبەبىمەن ايىمبەتوۆتىڭ عارىشقا ساپارى بولماي قالۋى مۇمكىن ەكەنىن جازىپ، دابىل قاققان ەدى. «ايىمبەتوۆتىڭ عارىشقا ۇشۋى ءۇشىن قازاقستان 20 ميلليون اقش دوللارى شاماسىندا اقشا تولەۋگە ءتيىس، ازىرگە بۇل سوما تولەنگەن جوق...»، - دەگەن بولاتىن  كوماروۆ مۇساباەۆپەن اڭگىمەسىندە. قىركۇيەكتە ايدىن ايىمبەتوۆتىڭ عارىشكەر-زەرتتەۋشى ءارى بورت ينجەنەر رەتىندە ۇشاتىنى جوسپارلانعان. 

اباي-اقپارات