«يننوۆاتسيالىق دامۋ» قب جۋرناليستتەر كلۋبىنىڭ قامقورلىققا الۋمەن قر ءبىلىم جانە عىلىم مينيستىرلىگىنىڭ قولداۋىمەن جاس جازۋشىلار، جۋرناليستيكا فاكۋلتەتىنىڭ ستۋدەنتتەرى جانە قازىرگى تاڭدا جۇمىس اتقارىپ جۇرگەن جۋرناليستەر اراسىندا «اڭسار» اتتى رەسپۋبليكالىق ادەبي بايقاۋىن جاريالايدى.

 بايقاۋدىڭ ۇيىمداستىرىلۋ ماقساتى – قازىرگى قازاق ادەبيەتىن، وتاندىق جۋرناليستيكا جانە باسىلىمداردى دارىپتەۋ جانە دە جاستاردىڭ شىعارماشىلىق مۇمكىندىكتەرىن دامىتۋ جانە قولداۋ. بايقاۋعا جۋرناليستيكاعا، پوەزياعا قىزىعۋشىلىعى بار، پروزالىق شىعارمالار جازاتىن 14 پەن 29 جاس ارالىعىنداعى جاستار شاقىرىلادى. بايقاۋ كەلەسى نوميناتسيالار ارقىلى وتكىزىلەدى: «2015 جىلدىڭ ۇزدىك جاس پروزاشىسى»، «2015 جىلدىڭ ۇزدىك جاس اقىنى»، «2015 جىلدىڭ ۇزدىك جاس تەلەجۋرناليسى». بايقاۋ جۇمىستارىنىڭ جالپى تالاپتارى: بايقاۋ جۇمىسىن مەملەكەتتىك جانە ورىس تىلدەرىندە جازۋعا بولادى. ءبىر اۆتور بىرنەشە جۇمىس جىبەرە الادى. ماتەريال ءماتىنىنىڭ كولەمى 3 000 بەلگىدەن كەم بولماۋى ءتيىس (ارالىقسىز، ءارىپ - Times New Roman, 12 كەگل، اراقاشىقتىعى -دارا). «2015 جىلدىڭ ۇزدىك تەلەجۋرناليسى» نوميناتسياسىنا ۇسىنىلعان بەينەماتەريالدىڭ كولەمى 5 مينۋتتان ارتىق بولماۋى ءتيىس. بايقاۋ جۇمىستارىن مىنا ەلەكتروندىق مەكەنجايعا جىبەرۋ ۇسىنىلادى: konkurs_ansar2015@mail.ru (ۇلكەن كولەمدەگى بەينەماتەريالدار ءۇشىن گيپەرسىلتەمەنى فايل ايىرباستاۋ قورىنا جىبەرۋگە رۇقسات ەتىلەدى).

اباي-اقپارات