سەنبى, 10 جەلتوقسان 2022
ۇيات-اي! 5584 0 پىكىر 23 شىلدە, 2015 ساعات 20:10

ۇكىمەت پەن پارلامەنتتەن گەي-كلۋبقا كىمدەر بارىپ ءجۇر؟

      

قازاقستاندىقتار ۇمىتپاعان بولسا، الدىڭعى جىلى قاراعاندىدا «ەكى جىگىتتىڭ ۇيلەنۋ تويى» دۇركىرەپ وتكەن بولاتىن. ەكى «گولۋبويدىڭ» (ەسكەرتۋ – ورىس تىلىندەگى «وسىنداي» سوزدەر مەن جارگوندار قازاق تىلىنە اۋدارىلمايدى - اۆتور.) استانادان باستاۋ الىپ، كەنشىلەر استاناسىندا جارقىراپ جالعاسىن تاپقان سول تويدى قاراعاندىلىقتار ءالى كۇنگە دەيىن ۇمىتا قويعان جوق. ءبىر قىزىعى – سول تويدىڭ بارلىق جاساۋ-جابدىعىمەن دۇركىرەپ وتۋىنە جەرگىلىكتى بيلىك تە، وسى وبلىستان سايلانعان پارلامەنتىمىزدىڭ دەپۋتاتتارى دا ء«ماۋ» دەپ جاق اشقان جوق - زاڭ بويىنشا ءبىزدىڭ ەلىمىزدە مۇنداي نەكەگە تىيىم سالىنعان بولسا دا. ال بىراق بۇل جولى بۇلاي بولعان جوق. «بۇل جولى» دەپ وتىرعان سەبەبىمىز – وسى اپتانىڭ باسىندا عانا كەنشىلەر استاناسىندا رەسمي تۇردە اشىلۋى بولعان گەي-كلۋبتىڭ جۇمىسى نەبارى ەكى-اق كۇنگە سوزىلدى. قالانىڭ «ەسكى اۋەجاي» اۋماعىندا ورىن العان وسىناۋ گەي-كلۋب، ۇمىتا قويعان جوقپىز، رەسمي تۇردە اشىلارىنان بۇرىن ءبىر اي بويىنا بۇرقىراتىپ، ءوزىن-ءوزى جارنامالاعان بولاتىن. ءتىپتى اشىلۋىنا اتاقتى انشىلەر دە قاتىسادى دەپ كۇتىلگەن. ايتسە دە «انشىلەر» جونىندەگى جارناماسى جالعان بولىپ شىقسا دا، گەي-كلۋبتىڭ اشىلۋى دۇركىرەپ-اق ءوتتى. دۇركىرەپ-اق ءوتتى دە، تۇپ-تۋرا ەكى كۇننەن سوڭ جابىلدى دا قالدى. رەسمي ەمەس مالىمەتتەرگە قاراعاندا، كلۋب باسشىلىعىنا حابارلاسقان بەلگىسىز بىرەۋلەر ەگەردە ولار وزدەرىنىڭ وسىناۋ تىرلىكتەرىن توقتاتپايتىن بولسا، «ارتىنىڭ ونشا-مۇنشا جاقسى بولمايتىنىن» ايتقان كورىنەدى.

قىسقاسىنان قايىرعاندا، كەنشىلەر قالاسى قازاقشالانىپ كەلەدى، وعان ايقىن دالەلدەردىڭ ءبىرى – اپاق-ساپاقتا اشىلا قالعان گەي-كلۋبتىڭ اپاق-ساپاقتا قايتادان جابىلىپ قالۋى. ءبىزدىڭ ويىمىزشا، گەي-كلۋبتىڭ جابىلۋىنا كەيىنگى كەزدەرى كەنشىلەر استاناسىندا كوبەيە باستاعان قازاقتاردىڭ دا ىقپالى بولعان بولۋى ابدەن مۇمكىن. نەگە دەسەڭىز، اڭگىمەمىزدىڭ باسىندا ايتىپ وتكەن وسىدان بىرنەشە جىل بۇرىنعى «ەكى جىگىتتىڭ ۇيلەنۋ تويىنا» جەرگىلىكتى جەردىڭ ءبىر دە ءبىر ادامى «ويبۋ-ۋ-ۋ-ۋ، ەندى قايتتىك؟» دەپ ايقاي شاقىرىپ، كەدەرگى جاساماعان بولاتىن. ال بۇگىنگى جاعداي مۇلدە باسقا باعىتتا ءوربىدى. راس، جاسىرىن گەي-كلۋبتار استانامىز بەن الماتىمىزدا «گۋىلدەپ-گۇلدەنىپ» جاتسا دا، «پروۆينتسيادا» بۇل ماسەلە ازىرگە بەلگىسىز بىرەۋلەردىڭ قاداعالاۋىندا تۇرعان سياقتى. ءبىز جاقىندا، مۇمكىن، پارلامەنتىمىزدەگى جانە ۇكىمەتىمىزدەگى «گولۋبويلار» مەن «لەسبيانكالار» تۋرالى دا ماقالالار جاريالايتىن شىعارمىز... ويتكەنى وسى باعىتتا تام-تۇمداپ جۇمىس ىستەپ جاتقانىمىزعا دا «سورپا سۋىپ، ءسۇت پىسەتىندەي» ۋاقىت بولىپ قالدى. ال ولاردىڭ كىمدەر ەكەنىن بىلگىڭىز كەلسە، قۇرمەتتى وقىرمان، سايتىمىزدان كوز جازباي ءجۇرىڭىز - ءتاڭىرى جارىلقاسىن دەپ تاياۋدا شاڭ بەرىپ قالۋىمىز ابدەن مۇمكىن.

 

مارات ماداليموۆ.

Abai.kz

0 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2653
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1911
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1942