بەيسەنبى, 28 ناۋرىز 2024
جاڭالىقتار 4101 0 پىكىر 24 شىلدە, 2015 ساعات 14:31

ەلدەگى شەتەلدىك جۇمىسشىلار 63 مىڭنان اسپاۋى كەرەك

شەتەلدەن ەلىمىزگە كەلىپ جۇمىس ىستەيتىن شەتەلدىك مامانداردىڭ سانى 63 مىڭنان اسپاۋى كەرەك. 1 شىلدەدەگى جاعدايعا سايكەس، ەلىمىزدە ناقتى رۇقساتتامالار نەگىزىندە 38 346 شەتەلدىك مامان جۇمىس ىستەپ ءجۇر. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگ بارىسىندا دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ءبىرجان نۇرىمبەتوۆ ءمالىم ەتتى، دەپ حابارلايدى BNews.kz.

«بىرىنشىدەن، ءبىزدىڭ ەلىمىزدە بۇگىنگى كۇنى شەتەلدىك جۇمىس كۇشتەرىن تارتۋ ءتارتىبى قانداي دەگەن سۇراققا جاۋاپ بەرسەك. بىزدە سىرتقى ەڭبەككە قاتىستى كوشى-قون ساياساتىنىڭ قاعيداتى بار. بىرىنشىدەن، ول ءبىزدىڭ ىشكى ەڭبەك نارىعىمىزدى قورعاۋ، ەكىنشىدەن، ەلىمىزدە جاپپاي ءجۇرىپ جاتقان يندۋستريالىق باعدارلاماعا سايكەس شەتەلدىك مامانداردى تارتۋ بولىپ تابىلادى. بۇگىنگى تاڭدا ەلىمىزدە شەت ەلدىك جۇمىس كۇشىن تارتۋعا كۆوتا بەرىلەدى. سونىمەن قاتار، ولارعا ارنايى رۇقساتتاما بەرۋ ءتارتىبى بار. كۆوتانى ۇكىمەت بەلگىلەيدى، كۆوتا دەگەنىمىز – ءبىزدىڭ ەلىمىزدە جۇمىس ىستەۋگە مۇمكىندىك العان شەتەلدىك مامانداردىڭ جالپى سانىنىڭ جوعارعى شەكتەۋى. كۆوتانى ءبىزدىڭ مينيسترلىك وڭىرلەرگە بولەدى، ءوز كەزەگىندە وڭىرلەردەگى اتقارۋشى ورگاندار جۇمىس بەرۋشىلەردىڭ ءوتىنىشىن ارنايى كوميسسيالاردا قاراپ، ولارعا ءتيىستى رۇقساتتاما بەرەدى»، - دەپ اتاپ ءوتتى ب.نۇرىمبەتوۆ.

ونىڭ ايتۋىنشا، 2015 جىلعا ءبىزدىڭ ەلىمىزدە شەتەلدىك جۇمىس كۇشتەرىنە بەرىلەتىن كۆوتا ەكونوميكالىق بەلسەندى حالىقتىڭ 0,7 پايىزىن قۇرايدى. بۇل – 63 مىڭ ادام. 

«ياعني، ەلىمىزدە جۇمىس ىستەيتىن شەتەلدىك مامانداردىڭ سانى 63 مىڭنان اسپاۋى كەرەك. 1 شىلدەدەگى جاعدايعا سايكەس، ەلىمىزدە ناقتى رۇقساتتامالار نەگىزىندە 38 346 شەتەلدىك مامان جۇمىس ىستەپ ءجۇر. ولاردىڭ 63 پايىزى جوعارى بىلىكتى ماماندار. قالعان 37 پايىزى بىلىكتى جانە ماۋسىمدىق جۇمىسشىلار بولىپ تابىلادى. ەلىمىزدە وسىنداي رۇقساتتاما نەگىزىندە 144 ەلدەن ماماندار جۇمىس اتقارىپ جاتىر. ولاردىڭ 60 پايىزى قۇرىلىس سالاسىندا جۇمىس ىستەيدى»،-دەپ تولىقتىردى ۆيتسە-مينيستر.

ەسكە سالا كەتسەك، Abai.kz سايتى ەلىمىزگە قىتايدان كەلىپ جاتقان جۇمىسشىلاردىڭ سانى وسۋىنە بايلانىستى الاڭداۋشىلىق بىلدىرگەن ەدى.

 

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522