جۇما, 10 شىلدە 2020
COVID-19 قازاقستاندا. جۇقتىرعاندار — 54747. جازىلعاندار — 31815. قايتىس بولعاندار — 264
جاڭالىقتار 3149 0 پىكىر 27 شىلدە, 2015 ساعات 12:25

ەلىمىزدە ەڭ جاس انا 13 جاستا

قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ رەسمي جاۋابىندا: «قازاقستاندا ەڭ جاس انا 13 جاستا ەكەنى ايتىلعان. بۇل تۋرالى Tengrinews.kz حابارلادى.

قازاقستاندا 2015 جىلدىڭ 1 شىلدەسىندە كامەلەتكە تولماعان 2420 جۇكتى قىزدىڭ تىركەلگەن. ولار 15-18 جاس ارالىعىندا.

"ەلدە كامەلەتكە تولماعان جۇكتى قىزداردىڭ ۇلەسى - 1,2 پايىز. ولاردىڭ باسىم بولىگى قوستاناي (1,9 پايىز), جامبىل (1,8 پايىز), سولتۇستىك قازاقستان (1,7 پايىز) وبلىستارىندا تىركەلدى", - دەپ حابارلاعان مەديتسينالىق كومەكتى ۇيىمداستىرۋ دەپارتامەنتىنىڭ وكىلدەرى. ۆەدومستۆودا ەڭ جاس انانىڭ 13-تە ەكەنى ايتىلدى، ول سولتۇستىك قازاقستان وبلىسىندا تۇرادى. 

"قىلمىستىق كودەكسكە سايكەس، كامەلەتكە تولماعانداردىڭ جىنىستىق قاتىناستاعى جانە سەكسۋالىق ماندەگى ارەكەتتەرى دەرەكتەرىن وبلىس، استانا جانە الماتى دەنساۋلىق ساقتاۋ باسقارمالارى قۇقىق قورعاۋ ورگاندارىنا جىبەرەدى", - دەدى مينيسترلىكتەگىلەر.

20 شىلدەدە وكق-دا وتكەن بريفينگ بارىسىندا قر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا مۇشەسى بەكسۇلتان تۇتقىشەۆ وڭتۇستىك قازاقستاندا كامەلەتكە تولماعان 350-دەن اسا جۇكتى قىزدىڭ ەسەپتە تۇرعانىن حابارلاعان بولاتىن. "دەنساۋلىق ساقتاۋ باسقارماسىنىڭ مالىمەتىنە سايكەس، جاسى 12-گە ەندى تولعان، بىراق 17-گە تولماعان 350-دەن اسا جۇكتى قىزدىڭ ەسەپتە تۇرعانى انىقتالدى", - دەگەن ەدى تۇتقىشەۆ.

بۇدان كەيىن وڭتۇستىك قازاقستان وبلىسىندا كامەلەتكە تولماعان 467 جۇكتى قىزدىڭ تىركەۋدە تۇرعانى حابارلاندى. بۇل تۋرالى وبلىستىق دەنساۋلىق ساقتاۋ باسقارماسىنىڭ وكىلدەرى حابارلادى. "وڭتۇستىك قازاقستان وبلىسى بويىنشا جۇكتى ايەلدەردىڭ جانە فەرتيلدى جاستاعى ايەلدەردىڭ پورتالىنداعى ەلەكتروندى بازاسىنداعى 2015 جىلدىڭ 1 قاڭتارىنان 2015 جىلدىڭ 20 شىلدەسىنە دەيىنگى ستاتيستيكالىق مالىمەتتەرگە سايكەس، جۇكتىلىك ەسەبىندە كامەلەتكە تولماعان 467 جۇكتى قىز تۇر. ولاردىڭ ىشىندە 14 جاستاعىلار - ۇشەۋ، 15 جاستاعىلار - 25, 16 جاستاعىلار 118, 17 جاستاعىلار - 321", - دەپ حابارلادى باسقارما ءباسپاسوز قىزمەتىنىڭ وكىلدەرى.

 

اباي-اقپارات

0 پىكىر