جۇما, 29 ناۋرىز 2024
بيلىك 4634 0 پىكىر 28 شىلدە, 2015 ساعات 09:59

ەلباسى رەفورمالارىنىڭ ۇدەسىنەن شىعۋ – بارشانىڭ مىندەتى

كەشە، 27 شىلدە قازاق ۇلتتىق اگرارلىق ۋنيۆەرسيتەتىنىڭ پروفەسسور-وقىتۋشىلار قۇرامىنىڭ اراسىندا قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى (بۇدان ءارى – دەپارتامەنت) قىزمەتكەرلەرىنىڭ قاتىسۋىمەن پرەزيدەنت ن.ءا. نازارباەۆتىڭ بەس ينستيتۋتسيونالدىق رەفورمالارىن ىسكە اسىرۋ جونىندەگى  «100 ناقتى قادامدى» تالقىلاۋ مەن تۇسىندىرۋگە ارنالعان الماتى قالاسى اكىمىنىڭ «جاڭا قالىپتاسقان مەملەكەت قۇرۋ – بارشانىڭ ءىسى» اقپاراتتىق توبىنىڭ ۇيىمداستىرۋىمەن «ۇلت جوسپارىن جۇزەگە اسىرۋ جولدارى» اتتى دوڭگەلەك ۇستەل وتكىزىلدى. كەلەلى جيىنعا قاتىسقانداردىڭ جالپى سانى 37 ادام. كىرىسپە ءسوزدى دەپارتامەنت وكىلى ايتىپ، ەلباسىنىڭ جۇرگىزىپ وتىرعان ساياساتىنا، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جۇمىسىنا كەڭ كولەمدە توقتالىپ ءوتتى. سودان سوڭ الماتى قالاسىنداعى و. سۇلەيمەنوۆ اتىنداعى الەۋمەتتىك-گۋمانيتارلىق ءبىلىم بەرۋ جانە تاربيە ينستيتۋتىنىڭ ديرەكتورى س.م. بورباسوۆ تاقىرىپقا قاتىستى بايانداما جاسادى.

جيىنعا قاتىسۋشىلار ءوز ويلارىمەن ءبولىسىپ، مەملەكەت باسشىسىنىڭ «100 ناقتى قادام» شەشىمدەرىنىڭ العاشقى 15 قادامىنا قاتىستى پىكىرلەرىن قوستى. ۋنيۆەرسيتەتتىڭ تاربيە جانە الەۋمەتتىك جۇمىستارى جونىندەگى پرورەكتورى ج.ا. داۋرەنباەۆا: «جالپىۇلتتىق سيپات الىپ، ىسكە اسىرىلۋى كەرەك مەملەكەت قۇرىلىمىن جەتىلدىرەتىن بۇل رەفورمالار جاھاندىق سىن-قاتەرلەردىڭ جاۋابى. بۇل – قازاقستاندىقتاردىڭ بىرلىگىن نىعايتادى جانە ازاماتتىق قوعامنىڭ بۇتىندىگىن قالىپتاستىرۋ ءۇشىن جاعداي تۋعىزادى» دەپ اتاپ كورسەتتى. ال ارداگەرلەر كەڭەسىنىڭ توراعاسى ە.ب. بەگايىلوۆتىڭ «رەفورمالار – تەك مەملەكەتتىك ماشينانىڭ عانا ەمەس، حالىقتىڭ ءىسى. ونىڭ ءمانى – ۇلت ساپاسىن جاڭعىرتۋدا. حالىق رۋحىنىڭ كۇشى بولىپ ۋاقىت سىن-قاتەرلەرىن قابىلداي ءبىلۋ جانە تەك قانا العا باسۋى بۇرىن دا مەملەكەت تابىسىنىڭ ايقىنداۋشى فاكتورى بولعان» دەگەن جۇرەكجاردى ءسوزىن كوپشىلىك ەرەكشە ىلتيپاتپەن قابىلدادى. سونداي-اق، ستۋدەنتتەر قالاشىعىنىڭ ديرەكتورى ب.ە. ەسەنوۆ ۇلت جوسپارىن ىسكە اسىرۋ ارقىلى مەملەكەتتىڭ الەۋمەتتىك-ەكونوميكالىق جاعدايى جاقسارا تۇسەتىندىگىن ستۋدەنت جاستاردىڭ ءتۇسىنۋى كەرەكتىگىن اتستتى. ال اسكەري كافەدراسىنىڭ مەڭگەرۋشىسى ب.ج. ديۋسەمباەۆ كافەدرا تاراپىنان جاستارعا اسكەري-پاتريوتتىق تاربيە باعىتىندا ناقتى تاربيە بەرىلەتىندىگىن ايتىپ، بۇل تاراپتا جۇرگىزىلىپ جاتقان جۇمىستاردىڭ بارىسىنا توقتالدى.

كەيىنگى كەزدە ۇدەمەلى تۇردە جۇرگىزىلە باستاعان سىبايلاس جەمقورلىقتىڭ الدىن الۋ، وعان قارسى مادەنيەتتى قالىپتاستىرۋ، جۇرتشىلىقتىڭ قۇقىقتىق ساۋاتىن كوتەرۋ شارالارىنىڭ قاي-قايسى دا بيلىك پەن حالىقتىڭ اراسىنداعى كوزگە كورىنبەيتىن كەدەرگى اتاۋلىنى جويۋعا باعىتتالعان. ەلدىڭ كوكەيىنەن شىعاتىن ماسەلە – وسى. جيىننان تارقاعان جۇرت قىزۋ تالقىلانعان تاقىرىپقا قاتىستى دوڭگەلەك ۇستەلدى ۇيىمداستىرۋشىلارعا ريزاشىلىعىن بىلدىرگەن قاۋىم ەل ەرتەڭىنە دەگەن سەنىمنىڭ كۇشىنە يلاناتىندىقتارىن ءبىلدىرىپ جاتتى... 

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610