سارسەنبى, 10 تامىز 2022
46 - ءسوز 10774 0 پىكىر 29 شىلدە, 2015 ساعات 14:25

باۋىرجان بوساتىلۋى كەرەك!

كەشە، 28 شىلدە قاراعاندى وبلىسىنىڭ قىلمىستىق ىستەر بويىنشا مامانداندىرىلعان اۋدانارالىق سوتىندا باۋىرجان ابدىشەۆتىڭ قىلمىستىق ءىسى بويىنشا الدىن-الا تىڭداۋ سوت وتىرىسى باستالدى. نەگىزگى سوت پروتسەسى كەلەر اپتادا بولادى دەپ كۇتىلۋدە. بۇگىنگى وتىرىستىڭ ءبىرىنشى اۋىسىمىندا ەكس-اكىمنىڭ ادۆوكاتتارى ونى  تەرگەۋ يزولياتورىنان بوساتۋ ماسەلەسىن كوتەردى.

باۋىرجان ابدىشەۆ قاراعاندىنىڭ تىزگىنىن نە ءبارى ەكى-ءۇش جىلداي عانا ۇستاعان اكىم. الايدا، وسى از ۋاقىتتىڭ ىشىندە ەل اراسىندا ۇلكەن ابىرويعا يە بولدى. «اكىم ۇستالىپتى» دەگەن حابار تاراعاندا قاراعاندى جۇرتشىلىعىنىڭ كوپشىلىگى نارازىلىق تانىتقان بولاتىن. ول بيلىكتە وتىرعان كەزىندە تەك جاقسى جاعىمەن عانا تانىلدى. بىرنەشە مەملەكەتتىك ماراپاتقا ۇسىنىلىپ، ەل ەرتەڭى ءۇشىن ەڭبەك ەتۋشىلەر قاتارىنا قوسىلدى. بىراق، باسىنا قارا بۇلت ۇيىرىلگەن ساتتە ونى جاقتاۋشىلاردىڭ ءبىرازى سىرت اينالىپ شىعا كەلدى. اكىم تاعىن بوساتقان ساتتە، باق بەتتەرىندە ەكس-اكىمدى داتتاعان ماتەريالدار كوبەيە باستادى. نەگە؟ كەشە عانا جاقسى  بولعان ادام بۇگىن جامان بولىپ شىعا كەلگەنى مە؟

ماسەلەنىڭ ءبارى وعان جاعىلعان كۇيەدە بولىپ تۇر. قارا كۇيە شوق ءتارىزدى كۇيدىرمەيدى، بىراق، كەتپەيتىن قارا داق قالدىرادى. بۇگىن ادۆوكاتتارى مالىمدەگەندەي ەكس-اكىمگە تەك ءبىر عانا ناقتى ايىپ تاعىلىپ وتىر. ول «قىزمەتتىك وكىلەتتىلىگىن اسىرا پايدالانۋ». بىراق، ونىڭ ءوزى دالەلدەۋدى قاجەت ەتەدى.

ەكس-اكىمنىڭ ءوزى دە ونىڭ جاقتاستارى دا وعان تاعىلىپ وتىرعان ايىپپەن كەلىسپەيدى. بۇل جەردە قاساقانا جالا جابۋعا تىرىسۋ بايقالادى. ماسەلەن، سەرىك احمەتوۆ پەن باۋىرجان ابدىشەۆتىڭ ىسىندەگى باستى ەپيزودتاردىڭ ءبىرى بولىپ تابىلاتىن «ستال تسينك» توڭىرەگىندەگى شۋدى الىپ قارايىق.  تاعىلعان ايىپتا، ەكس-شەنەۋنىكتەر قىزمەتتىك وكىلەتتىلىگىن پايدالانا وتىرىپ، قالانى جارىقتاندىرۋ باعانالارىن ورناتۋدى وسى فيرماعا الىپ بەرگەن-ءمىس. بىراق، وسى ايىپتى تاعا وتىرىپ، پروكۋراتۋرانىڭ ءوزى زاڭدى بەلشەدەن باسقان بولىپ شىقتى. ادۆوكات شاياحمەتوۆتىڭ ايتۋىنا قاراعاندا قاراعاندىلىق شەنەۋنىكتەرگە قارسى اتى شۋلى ءىس قوزعالاردان بۇرىن وبلىستىق پروكۋراتۋرا «ستال تسينك» ەپيزودىنا بايلانىستى س.احمەتوۆ پەن ب.ابدىشەۆتىڭ ۇستىنەن ءىس قوزعايدى. الايدا ولاردىڭ ارەكەتىنەن قىلمىستىق  سيپات بايقالماعاندىقتان ارنايى  قاۋلى شىعارىپ، ءىستى توقتاتقان. ال بەرتىن كەلە، ەكس-شەنەۋنىكتەردىڭ ۇستىنەن جاپپاي ءىس قوزعاپ، ىزدەرىنەن شام الىپ تۇسكەن شاقتا تەرگەۋشىلەر «ستال تسينك» ەپيزودىنا بايلانىستى ءىستى تاعى قوزعايدى. الايدا، بۇرىنعى شىعارىلعان قاۋلىنىڭ كۇشىن جويماعان. دەمەك، ولاردىڭ جۇرگىزگەن تەرگەۋ امالدارى زاڭسىز بولىپ تابىلادى. راس-وتىرىگىن كىم ءبىلسىن، تەرگەۋشىلەر وبلىستىق پروكۋراتۋرا شىعارعان قاۋلىنىڭ كۇشىن جويعان  ءىستى سوتقا بەرەردەن ءبىراز ۋاقىت بۇرىن عانا جويعان. ال قۇجاتقا ءىس باستالاردان بۇرىن كۇشى جويىلدى دەپ كورسەتىپتى. ياعني زاڭدى بۇزىپ قانا قويماي، الداۋعا دەيىن بارعان. وسىدان سوڭ، تەرگەۋ امالدارى ءادىل ءوتتى دەگەنگە كىم سەنەدى؟

وبلىستىڭ بۇرىنعى باسشىسىنىڭ قورعاۋشىلارى سوت پروتسەسى اياقتالعانشا ابدىشەۆتى تەرگەۋ يزولياتورىنان بوساتۋ كەرەكتىگىن ايتۋدا.

-          ەشكىمگە زورلىق جاساماعان ادامدى ون اي بويىنا تەرگەۋ اباقتىسىنا قاماپ قويۋ ادىلدىككە جاتپايدى. ونىڭ كامەلەت جاسىنا تولماعان ەكى بالاسى مەن سەكسەندەگى قارت اناسى بار. ءارى مەنىڭ قورعالۋشىم قوعام الدىندا ۇلكەن ابىرويعا يە ادام. بىرنەشە مەملەكەتتىك ماراپاتقا دا ۇسىنىلعان. ءارى قىلمىسى تولىق دالەلدەنگەن جوق. راس، تاعىلىپ وتىرعان ايىپ اۋىر. بىراق، زاڭنامادا كۇدىكتىنى  تەرگەۋ يزولياتورىنان  بولەك ءۇي قاماققا الۋ جانە كەپىلگە اقشا قويۋ ارقىلى قولحاتپەن بوساتۋ شارالارىنىڭ بارىن دا ەسكەرۋ قاجەت. ب. ابدىشەۆتى ءارى قاراي دا تەرگەۋ يزولياتورىندا ۇستاپ وتىرۋ ادامگەرشىلىككە جاتپايدى. ول بوستاندىقتا بولسا تەرگەۋ امالدارىنا كەسىرىن تيگىزەدى دەپ قورقۋدىڭ دا قاجەتى جوق. سەبەبى، بىرەۋگە ىقپال ەتەرلىكتەي ونىڭ قولىندا وكىلەتتى بيلىك تە بۇرىنعىداي كۇشتە جوق،- دەيدى ادۆوكات نۇرلان بەكبەرگەنوۆ.

 

 سوت الدىندا ءسوز العان ب.ابدىشەۆ ءوزىنىڭ تەرگەۋ يزولياتورىندا وتىرعانىنا نارازىلىق تانىتتى. ءارى ءوزىنىڭ قىلمىسقا قاتىسى جوق، ارىنىڭ تازا ەكەنىن تاعى ءبىر مارتە ايتىپ ءوتتى.

راسىندا قىلمىسقا قاتىسى بار دەپ كۇدىك كەلتىرىلگەن 21 ادامنىڭ  تەك بەسەۋى عانا قاماۋدا وتىرعانى كۇدىك تۋعىزادى. ولاردىڭ بارلىعىنا تاعىلىپ وتىرعان ايىپتىڭ ارا سالماعى ءبىر-بىرىنە جاقىن ەمەس پە؟ سوندا بىرەۋىنىڭ قاماۋدا بولۋى مەن كەلەسى ءبىرىنىڭ بوستاندىقتا ءجۇرۋى ادىلدىككە جاتا ما؟ كۇدىكتىلەردى بۇلايشا الالاۋ نەگە جانە كىمگە كەرەك؟

 

نۇرلىحان قالقامان

Abai.kz

 

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  1790
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 1748
ادەبيەت

ءتۇس

ەرعالي باقاش 1652
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2674