بەيسەنبى, 7 شىلدە 2022
جاڭالىقتار 3314 0 پىكىر 29 شىلدە, 2015 ساعات 17:01

تالدىقورعاننىڭ باس جوسپارى تانىستىرىلدى

زاماناۋي دامۋ اعىسىن ەسكەرە وتىرىپ قالانىڭ جاسىل جەلەگى پەن ساۋلەتتىك بىرەگەيلىگىن ساقتاۋى باس جوسپاردىڭ ەرەكشەلىگى بولىپ وتىر. باس جوسپاردا جاڭا مادەني نىساندار، اتاپ ايتقاندا تەاترلار، تسيرك، زووباق سالۋ جوسپارلانعان.

2035 جىلعا دەيىن قامتىلعان جاڭا باس جوسپاردىڭ پرەزەنتاتسياسى استانا قالاسىندا ءوتتى. تانىستىرىلىم بارىسىندا العاشقى ءسوزدى الماتى وبلىسى اكىمىنىڭ ورىنباسارى عالىمجان ءابدىرايىموۆ الىپ، وبلىس ورتالىعىنداعى حالىق سانىنىڭ بەلسەندى ءوسۋى مەن ەكونوميكالىق سالانىڭ تۇراقتى ىلگەرىلۋى تۋرالى ايتىپ ءوتتى.

جاڭا باس جوسپاردىڭ جوباسىن تالدىقورعان قالاسى اكىمىنىڭ تاپسىرىسى بويىنشا «ۋربوستيل» جشس دايىندادى. اتالمىش ۇيىمنىڭ ديرەكتورى ليۋبوۆ نىسانباەۆانىڭ ايتۋىنشا، جوسپاردا تۇرعىندار اراسىندا بۇقارالىق سپورتتى دامىتۋعا ەرەكشە ءمان بەرىلگەن. قالانىڭ ءاربىر اۋدانىنا ءجۇزۋ باسسەينى، سپورت كەشەنى، روليك تەبۋگە ارنالعان سكۆەرلەر، «ستريت ۆوركۋتقا» ارنالعان تۋرنيكەتتەر سالۋ جوسپارلانعان. سول سياقتى ۆەلوترەك قۇرىلىسىن جۇرگىزۋ مەجەلەنىپ وتىر. بازار ماسەلەسى بىرىڭعاي زاماناۋي ساۋدا كەشەنىن قۇرۋ ارقىلى شەشىمىن تاباتىن بولادى. ءسويتىپ، قالانىڭ جاڭا كەلبەتىن قالىپتاستىرۋدا حالىق سانىنىڭ ءوسىمى، ەكونوميكانىڭ دامۋى، جاڭا ءوندىرىس ورىندارىنىڭ پايدا بولۋى ەسكەرىلە وتىرىپ، ەكولوگيا، قالا كوشەلەرى مەن جولدارىن دامىتۋ ماسەلەلەرىنە ايرىقشا كوڭىل بولىنگەن.

جالپى وبلىس ورتالىعىنىڭ استانا قالاسىندا تانىستىرىلعان باس جوسپارى مينيسترلىكتەر مەن ۆەدومستۆولار وكىلدەرى تاراپىنان وڭ باعاسىن الدى. ەندى قالانىڭ باس قالاقۇرىلىستىق قۇجاتى ەل ۇكىمەتىنىڭ الدىندا مينيسترلىكتەردىڭ كەلىسىمىن الۋى ءتيىس.

دەرەككوز: Baq.kz

0 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 2316
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 1782