سەنبى, 22 ماۋسىم 2024
جاڭالىقتار 4335 0 پىكىر 31 شىلدە, 2015 ساعات 10:56

وليمپيادا وتكىزۋگە ۇمىتكەر قالا الماتى تانىستىرىلدى

مالايزيانىڭ كۋالا-لۋمپۋر قالاسىندا  2022 جىلعى قىسقى وليمپيادا ويىندارىن وتكىزۋگە الماتى قالاسىنىڭ ءتانىستىرىلىمى وتىپ جاتىر. وندا قر پرەمەر-ءمينيسترى كارىم ءماسىموۆ مەن الماتى قالاسىنىڭ اكىمى احمەتجان ەسىموۆ اعىلشىن تىلىندە بارلىق قاتىسۋشىلارعا سالەم جولداعان.

قازاقپارات جازعانداي، تانىستىرىلىم راسىمىنە قر سىرتقى ىستەر ءمينيسترى ەرلان ىدىرىسوۆ، مادەنيەت جانە سپورت ءمينيسترى ارىستانبەك مۇحامەديۇلى، ۇلتتىق وليمپيادا كوميتەتىنىڭ پرەزيدەنتى تەمىرحان دوسمۇحامبەتوۆ، بوكستان وليمپيادا چەمپيوندارى ەرماحان ىبىرايىموۆ، سەرىك ساپيەۆ، شاڭعى سپورتىنان وليمپيادا چەمپيونى ۆلاديمير سميرنوۆ، كونكيدەن الەم چەمپيونى دەنيس كۋزين، سوچيدەگى قىسقى وليمپيادانىڭ جۇلدەگەرى، مانەرلەپ سىرعاناۋشى دەنيس تەن، تانىمال ۆولەيبولشى سابينا التىنبەكوۆا جانە ت.ب. قاتىستى.

سالتاناتتى ءراسىمنىڭ سوڭىندا ءسوز العان حالىقارالىق وليمپيادا كوميتەتىنىڭ پرەزيدەنتى توماس باح الماتى قالاسىنىڭ تانىستىرىلىمى جوعارى دەڭگەيدە وتكەنىن اتاپ ءوتىپ، ۇيىمداستىرۋ كوميتەتىنە ريزاشىلىعىن بىلدىرگەن. 

ەسكە سالا كەتەيىك، الەمدىك ماڭىزعا يە ايتۋلى سپورت دوداسىن وتكىزۋ ءۇشىن اۋەل باستا الەمنىڭ ونشاقتى ەلى ءوز وتىنىشتەرىن بىلدىرگەن. الايدا، ۋاقىت وتە كەلە كوپشىلىگى وتىنىمدەرىن كەرى قايتارىپ الدى. سوڭىندا ەكى قالا - الماتى مەن قىتاي استاناسى بەيجىڭ قالالارى ۇمىتكەر رەتىندە قالدى.

ايتا كەتەيىك، ساعات 09:55-10:55  ارالىعىندا  بەيجىڭ قالاسىنىڭ ءوتىنىمىنىڭ تانىستىرىلىمى وتەدى. ال 15:30-16:00 ارالىعىندا  حوك  2022 جىلعى قىسقى وليمپيادا ويىندارى وتەدى دەپ شەشكەن استانا-قالانى جاريالايدى.  شارالاردى «Kazsport» تەلەارناسىنان تىكەلەي ەفيردە تاماشالاۋعا بولادى. 

اباي-اقپارات

0 پىكىر