جۇما, 29 ناۋرىز 2024
46 - ءسوز 6748 0 پىكىر 21 تامىز, 2015 ساعات 09:02

سولتۇستىكتىڭ تۇرعىنى وڭتۇستىكتى كورىپ شوك الدى

شىمكەنت تۋرالى تالاي قىزىقتاردى ەستىگەن قوستانايلىق ازامات پاۆەل تەنتسەر اتى شىققان قالانى ءوز كوزىمەن كورىپ قايتۋعا بەل بۋادى.


«قاشان دا X / 13 ءنومىرلى فۋرا مەن جەڭىل كولىك جۇرگىزۋشىلەرىن كورگىم كەلەتىن. ولاردىڭ ءتۇرى، سويلەۋ مانەرى مەن اكتسەنتى قانداي ەكەنىن بىلگىم كەلدى. شىمكەنتتە بولعاننان كادىمگىدەي مادەني شوك الدىم…» – دەپ جازادى بلوگەر.

پاۆەلدىڭ ايتۋىنشا، ول شىمكەنتتى ىزالى تۇرعىندارعا تولى، تۇسىنىكسىز جەردە ورنالاسقان قالا دەپ ەلەستەتكەن. حالقى تەك قازاقشا سويلەيتىن، ورىسشانى ۇقپايتىن، ەۋروپالىق ادامدار مۇلدە جولىقپايتىن، ال كينوتەاترلارى تەك قازاقشا فيلمدەر كورسەتەتىن مەكەن دەگەن ويدا بولعان.

«قالا – ءىرى بازار. باستى كوشەلەردە ءتۇرلى بازارلار تولىپ تۇر. كۇننىڭ ىستىعىنان كۇلگە اينالۋعا بولادى. جاڭبىر مۇلدەم جاۋمايدى. اۋادا قۇم ۇشىپ جۇرەدى. كوشەلەرى لاس. جۇرگىزۋشىلەر ءبىر-ءبىرىنىڭ جولىن كەسكىش. جولدارىندا حاوس ورناعان. مەن جارتىلاي قازاق بولعانىممەن، ءتۇرىم ەۋروپالىق. مەن سياقتىلارعا كوشەگە شىقپاعان دۇرىسىراق. ايتپەسە تەپكىنىڭ استىندا قالۋىم ابدەن مۇمكىن»، – دەگەن پىكىردە بولعان.

پاۆەلدىڭ بۇلاي ويلاۋىنا ىزالى وڭتۇستىك ادامدارى سولتۇستىكتەن كەلگەندەردى قاقپانىنا ءتۇسىرۋدى تاعاتسىزدانا كۇتىپ وتىرادى دەگەن ەل اراسىندا تاراعان قاۋەسەت سەبەپ بولعان ەكەن. سەبەبى سولتۇستىكتە وڭتۇستىكتىڭ ادامى قىزمەتكە تاعايىندالسا، ءوڭىردى وڭتۇستىك ادامدارى باسىپ الادى دەگەن رەنىشتەر تۋىنداپ جاتادى ەكەن.

«شىمكەنتكە كەلگەندە نە كوردىم دەيسىز بە؟! مەنىڭ تاڭىرقاۋىمدا شەك بولمادى:

— 16-شى ناۋرىز، كوشەدە +20, كەشكى ۋاقىت، ءالسىن-ءالسىن جاڭبىر جاۋدا، سۋ ءاسفالتتىڭ ءيىسى مۇرىنعا كەلەدى. كوشەدە مۇلدەم قار جوق;

— ۆوكزالدا ەش اكتسەنتى جوق ايەل تازا ورىس تىلىندە قاي پوەزدىڭ وتكەنىن حابارلاپ وتىر;

— مەن تۇراقتاعان مەيرامحانا الدىنا جاپ-جاسىل ءشوپ ءوسىپ ۇلگەرگەن;

— ورىس تىلىندە جازبالار كوشەلەردە جەتىپ ارتىلادى. ورىسشا اتاۋلار سولتۇستىكتەن الدەقايدا كوپ دەۋگە دە بولادى;

— قالا وتە تازا;

— ادامدارى وتە اشىق، قوناقجاي بولىپ شىقتى;

— باعالاردىڭ تومەندىگى تاڭ قالارلىق («التىن قازىنا» اتتى جاقسى قوناقۇيدەگى ەكى ورىندىق ءنومىر بار-جوعى 9500 تەڭگە بولدى);

— BMW مىنگەن قازاق جۇرگىزۋشى ورىسشا اكتسەنتپەن سويلەسىپ، ورىس تىلىندە گۋفتىڭ رەبىن تىڭداپ وتىر. ال بىزدە بولسا، جۇرگىزۋشىلەر كوبىنە قازاقتىڭ ۇلتتىق ليريكالىق اۋەندەرىن قوسادى;

— ساياباقتارى كەڭ. ءار جەرىنە مەموريالدى تاقتالار ورناتىلعان;

— «كوك-سايرام» كافەسى — شىعىس ستيلىندە سالىنعان ۇلكەن عيمارات;

— ورىس ءتىلدى ەۋروپالىق ادامدار سانى بىزدىكىنەن از ەمەس;

— ءبىز جۇرگەن كوشەلەردىڭ بويىندا بىردە-ءبىر بازار كەزىكپەدى;

— شىمكەنت جاي وبلىستىق ورتالىق ەمەس، مادەنيەتتى دامىعان قالا بولىپ شىقتى»، – دەپ تۇيىندەدى پاۆەل.

بلوگەر شىمكەنتكە قاتىستى ساناسىندا ورنىققان پىكىرلەردىڭ ءبارى جاڭساق بولعانىنا رازى ەكەنىن جازعان. شىمكەنت تۇرعىندارى ءوز تىرشىلىكتەرىن جاساپ جۇرگەن قاراپايىم حالىق بولىپ شىققانىنا پاۆەل تاڭدانىسىن جاسىرمايدى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576