جۇما, 29 ناۋرىز 2024
ەل ءىشى... 5383 0 پىكىر 29 تامىز, 2015 ساعات 02:00

"قازاقستاننىڭ ۇزدىك تاۋارى" - وڭتۇستىك قازاقستاندا

شىمكەنت قالاسىندا «قازاقستاننىڭ ۇزدىك تاۋارى» اتتى وڭىرلىك كورمە-بايقاۋى ءوتتى. وتاندىق ءونىمنىڭ ساپاسىن ارتتىرۋعا باعىتتالعان شاراعا وقو-داعى 70 تاۋار ءوندىرۋشى قاتىستى.

كورمەدە تاماق، فارماتسەۆتيكا، ماشينا جاساۋ، حيميا، جەڭىل جانە قۇرىلىس ونەركاسىپتەرىنە قاتىستى كاسىپكەرلەر قاتىستى. ساراپتاۋ كوميسسياسى بايقاۋدىڭ ديپلومانتتارىن 3 نوميناتسيا بويىنشا ماراپاتتادى.

 «قازاقستاننىڭ ۇزدىك تاۋارى» كورمە-بايقاۋى — نارىقتى ساپالى ءارى باسەكەگە قابىلەتتى ونىمدەرمەن قامتاماسسىز ەتۋ باعىتىندا ۇيىمداستىرىلعان شارا. كورمە ورتالىعىندا ۇسىنىلعان تاۋار كوپ. ءار كاسىپورىن ءوز ءونىمىن ۇتىمدى كورسەتۋگە تىرىسىپ باعۋدا. بۇدان ءبىر بايقاعانىمىز — وڭىرىمىزدە توقىما ءوندىرىسى دە قارقىن العان. دەگەنمەن، شيكىزاتتى وزىمىزدە وندىرمەسە، تاۋاردىڭ وزىندىك قۇنى تومەندەمەيتىنى انىق.

بيىل ىسكە قوسىلعان «زەردە كەراميكا» زاۋىتى — ەلىمىزدەگى كەراموگرانيت شىعاراتىن جالعىز زامانۋي كاسىپورىن. وندىرىستىك قۋاتى جىلىنا 2 ملن ش.م. بۇيىم ازىرلەۋگە جەتەدى. ءتۇرلى تاۋاردىڭ كەڭ تاڭداۋىن ۇسىنعاندار وسى بايقاۋ ارقىلى وتاندىق ونەركاسىپتى ورلەتۋگە ودان ءارى ىنتالانا بەرمەك دەيدى ۇيىمداستىرۋشىلار.

دەگەنمەن، وتاندىق ونەركاسىپ جيىنتىعىن كورۋگە كەلگەندەردىڭ قاراسى كەم بولدى. بىراق ۇيىمداستىرۋشىلار بۇدان ابدىراپ قالعان جوق. جەڭىمپازداردىڭ جەتىستىگىن سارالاۋعا كىرىسكەن ولار جۇلدەگەرلەردى انىقتادى.

ءسويتىپ، «حالىققا ارنالعان ۇزدىك تاۋار» ديپلومىمەن شاردارالىق «حاميت» سەلولىق تۇتىنۋ كووپەراتيۆىنىڭ وكىلدەرى ماراپاتتالدى. كاسىپورىننىڭ بالىق ونىمدەرى تمد ەلدەرىنەن بولەك ەۆروپادا كەڭىنەن تانىمال.

«وندىرىستىك باعىتتاعى ۇزدىك تاۋار» نوميناتسياسىندا جۇلدەلى ورىنعا «نازارتەكستيل» جشس ماماندارى يە بولدى. بىلتىر عانا اشىلعان كاسىپورىندا توقىلعان كىلەمدەرگە تاپسىرىس رەسەيدەن دە كەلىپ تۇسۋدە.

«زەردە فيتو» جشس دە «ۇزدىك ازىق-تۇلىك تاۋارى» نوميناتسياسىندا جۇلدەلى ورىندى جەڭىپ الدى. ايتا كەتەتىن ءجايت، كورمەدە مۇمكىندىگى شەكتەۋلى ازاماتتار ازىرلەگەن ارنايى بۇيىمدار دا ۇسىنىلدى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3611