سەيسەنبى, 9 ناۋرىز 2021
جاڭالىقتار 3789 0 پىكىر 31 تامىز, 2015 ساعات 12:43

الماتىعا شكولنيكتىڭ قىزى كەلدى

رەسەيلىك فوتوگراف كاتيا شكولنيك ماسكەۋ قالاسىندا تۇراتىن تاتيانا مەن قازاقستاننىڭ قازىرگى ەنەرگەتيكا ءمينيسترى ۆلاديمير شكولنيكتىڭ وتباسىندا دۇنيەگە كەلگەن. ول ءبىر كەزدەرى قازاقستاننىڭ سىرتقى ىستەر مينيسترلىگىندە قىزمەت  ىستەگەن بولاتىن. كەيىن ماسكەۋگە كوشكەن. 2007 جىلدان باستاپ فوتوسۋرەت ءتۇسىرۋ نەگىزگى كاسىبىنە اينالعان. الماتىدا ءوتىپ جاتقان كاتيانىڭ فوتوسۋرەت كورمەسىنە اكەسى ۆلاديمير شكولنيك كەلگەن جوق.

بۇل كورمە سوۆەت زامانىنداعى ايگىلى عيماراتتاردىڭ ءبىرى – ماسكەۋدەگى ناركومفين (حالىقتىق قارجى كوميسسارياتى) عيماراتىن زەرتتەۋ قورىتىندىسى ىسپەتتەس دەپ جازادى azattyq.org سايتى.

كورمەگە كەلۋشىلەر اۋەلى قابىرعالارى قارا ءتۇستى ماتامەن قىمتالعان قاراڭعى بولمەگە ەنەدى. قابىرعادا 1920 جىلدارداعى سوۆەتتىڭ دىبىسسىز كينوحرونيكاسى ءوتىپ جاتىر. ەكىنشى قابىرعاداعى تابلودا سوۆەت زامانىنىڭ «بارلىق ەلدەردە سوتسياليزم جەڭىسى ءۇشىن العا!» دەگەن ايگىلى ۇرانى جازىلعان. بولمەگە كىرگەن ادام سول زاماننىڭ ەلەسىن كورگەندەي بولۋى ءتيىس.

اباي-اقپارات

0 پىكىر