سارسەنبى, 21 ءساۋىر 2021
بيلىك 2663 0 پىكىر 3 قىركۇيەك, 2015 ساعات 02:00

كاسىپكەر پرەزيدەنتكە حات جازدى

وڭتۇستىك قازاقستان وبلىسىنىڭ كاسىپكەرلەرى قر پرەزيدەنتى نۇرسۇلتان نازارباەۆقا حات جازدى، - دەپ حابارلايدى Abai.kz.

قۇرمەتتi نۇرسۇلتان ءابiشۇلى!

سوڭعى جىلدارى قازاقستان رەسپۋبليكاسىنىڭ ساياسي-ەكونوميكالىق ومiرiندە ورىن العان عالامات وزگەرiستەر سiزدiڭ ەسiمiڭiزبەن، جiگەرلi ەڭبەگiڭiزبەن بايلانىستى ەكەنiنە ەشكiم كۇمان كەلتiرە المايدى. بiز بارشامىز اللانىڭ الدىندا بiر نارسەنi اشىق ءارi شىنايى، ۇلكەن سانالىلىقپەن ماقتان تۇتۋىمىز كەرەك. ول – قازاق ۇلتىن، قازاقستان مەملەكەتiن جەر شارىن مەكەندەيتiن ادامزات قاۋىمى، iرگەلi ەلدەردiڭ تانۋى مەن مويىنداۋى.

ءوزiڭدi وزگەلەرگە تانىتۋ، ەلدiگiڭدi مويىنداتۋ – ەرلiك ءارi ورلiك. ەشكiمدi كۇشتەمەي، iسiمiزبەن، ساياساتىمىزبەن، سارا باعىتىمىزبەن بيiكتە تۇرعان باسقالارعا ءوزiمiزدi بiلدiرiپ قانا قويماي، تاريح ءۇشiن قاس-قاعىم ءسات سانالاتىن جيىرما جىلداي وتە قىسقا مەرزiم iشiندە وزگەلەر iلتيپات بiلدiرiپ، iزەت جاسايتىن، ۇسىنىستارىمىزدى ۇتىمدى دەپ قابىلدايتىن ەلگە اينالۋىمىز ەڭ اۋەلi ءتاڭiردiڭ تارتۋى بولسا، تۇپكi تامىرى تiكەلەي سiزبەن استاسىپ، استارلاسىپ، ساباقتاسىپ جاتىر. سiزدiڭ سارابدال دارا ساياساتىڭىزدى بiز قولدايمىز، ونى جۇزەگە اسىرۋدا ارقاشان قاتارىڭىزدا كەلەمiز. دامىعان ەلدەردiڭ باسشىلارى سiزدiڭ جەكە باسىڭىزدان ونەگە الىپ، ساياسي ارەناداعى بiلiكتiلiگiڭiز بەن بەدەلiڭiزگە باس يەتiندiگi ءاربiرiمiزدiڭ كەۋدەمiزگە ماقتانىش ۇيالاتادى.

قازاقستان رەسپۋبليكاسى ءوزiنiڭ تۇڭعىش پرەزيدەنتi – سiزدiڭ باسقارۋىڭىزبەن تالاي بەلەستەردi ارتقا تاستاپ وزگەلەرگە ونەگە كورسەتiپ كەلەدi. ونىڭ بiردەن-بiر دالەلi – «قازاقستان–2030» باعدارلاماسىنىڭ مەرزiمiنەن بۇرىن ورىندالۋى جانە ونىڭ اياسىندا ەلiمiزدە قىرۋار يگi iستەردiڭ تىندىرىلۋى. قازاقستان حالقىنا ارنالعان ءار جىلعى جولداۋلارىڭىز ەلدiڭ ەڭسەسiن تiكتەپ كەلەدi جانە جاڭا مiندەتتەردi بەلگiلەۋگە، ونى ناقتى جۇزەگە اسىرۋعا باعدارشام بولۋدا.

سiز ويعا العان يدەيالاردىڭ توقتاۋسىز لەگi ەرەكشە سەرپiنمەن ەل ءومiرiنiڭ بۇكiل تامىرىنا ءنار بەرiپ، جاїاندىق جاسامپاز جەتiستiكتەردi ءتۇبiرلi نىسانا ەتە وتىرىپ، جاڭارۋدىڭ نەگiزiن قالاۋدا. اسiرەسە، 5 ينستيتۋتسيونالدىق رەفورمانى جۇزەگە اسىرۋعا ارنالعان «100 ناقتى قادام» – ۇلت جوسپارى «ماڭگiلiك ەل» بولۋدىڭ بولاشاعىنا قازاقستاندىقتاردىڭ سەنiمiن ارتتىرىپ، سەرپiندi قوزعالىس تۋدىرۋدا. دۇنيەجۇزiلiك ساۋدا ۇيىمىنا مۇشە بولۋ، ەكسپو-2017 كورمەسiندە تورتكۇل دۇنيەنiڭ باسىن قوسۋ باعىتىنداعى سiز باستاعان تاريحي ماڭىزدى iستەر ەرتەڭگە دەگەن سەنiمiمiزدi نىعايتا تۇسۋدە.

جاقسى iستەردiڭ جاڭا كۇندەردە ودان ءارi باياندى ورiستەيتiندiگiنە، ۇلت كوشباسشىسى ءوزiڭiز بار كەزدە ەشقانداي كەدەرگi بولمايتىنىنا سەنiمدi ەكەنiمiزدi مالiمدەي وتىرىپ، قازiرگi داعدارىس كەزەڭiنiڭ سىندارلى ساتiندەگi تەڭگە باعامىن تۇزەتۋ بويىنشا قابىلدانعان شارانى وڭتۇستiك قازاقستان وبلىسىنىڭ شاعىن جانە ورتا كاسiپكەرلiك سالا وكiلدەرi تولىعىمەن ماقۇلدايمىز. ارينە، بۇل ەكونوميكالىق داعدارىستىڭ بiزگە اۋىرلىق ارتارىن جاقسى تۇسiنەمiز. بiراق بiردە-بiر قيىندىق بiزدi تۋرا جولدان تايدىرا المايتىنى انىق.

سونىمەن قاتار، قازاقستان رەسپۋبليكاسىنداعى داعدارىسقا قارسى شارالارعا نەگiزدەلگەن اقشا دەۆالۆاتسياسى وتاندىق كاسiپكەرلەرگە ۇلكەن باسىمدىق اپەرەتiندiگiنە ءۇمiت مول.

قۇرمەتتi پرەزيدەنت مىرزا!

ەلiمiزدە كاسiپكەرلiكتiڭ دامۋىنا، شاعىن جانە ورتا بيزنەستiڭ اياقتان نىق تۇرۋىنا سiز كورسەتكەن قامقورلىق ۇشان-تەڭiز. بiر كەزدەرi كاسiپكەرلەردi ورىندى-ورىنسىز تەكسەرە بەرۋگە موراتوري جاريالاعانىڭىزدىڭ كورەگەن شەشiم بولىپ شىققانىن ەل ۇمىتقان جوق. سول باتىل شەشiمiڭiزدiڭ ارقاسىندا ەل ەكونوميكاسى جاڭا بەلەستەرگە كوتەرiلدi. ەندiگi رەتتە iشكi iستەرiمiزدi جۇيەلەپ، ەكسپورتىمىزدى ۇلعايتۋ ءۇشiن كاسiپكەرلەرگە ءۇش جىل مەرزiمگە موراتوري جاريالاۋ ارقىلى دامۋعا تاعى بiر مۇمكiندiك بەرۋiڭiزدi وتiنەمiز. موراتوري جاريالانعان جاعدايدا بiز قازاقستان نارىعىنداعى ۇلتتىق ونiمدەردi ۇلعايتۋ بويىنشا قاداۋ-قاداۋ تiرلiكتەر اتقارار ەدiك، سول ارقىلى جۇمىس ورىندارىن ساقتاپ قالار ەدiك.

وتانىڭىز ءۇشiن، ەلiڭiز ءۇشiن اتقارعان قىرۋار ەڭبەگiڭiزدiڭ جەمiسiن كورiپ، حالقىڭىزبەن قيىندىقتى ارتتا قالدىرىپ، مەرەيلi بيiكتەردەن كورiنە بەرiڭiز، قازاقتىڭ باعىنا بiتكەن دارابوز تۇلعاسى!

وزiڭiزگە دەگەن ولشەۋسiز قۇرمەتپەن، وڭتۇستiك قازاقستان وبلىسى كاسiپكەرلەرiنiڭ اتىنان قايرات بالابيەۆ.

Abai.kz

0 پىكىر