جۇما, 29 ناۋرىز 2024
قۇيىلسىن كوشىڭ 10110 0 پىكىر 14 قىركۇيەك, 2015 ساعات 15:15

كوشى-قون ماسەلەسى. مارتەبەڭ ءوسسىن، مەركەل حانىم!

ۇكىمەت باسشىسى بولسا، انگەلا مەركەلدەي-اق بولسىن! 

 باسىنا كۇن تۋىپ، تۋعان جەرىن تاستاپ قاشقان بوسقىنداردى قابىلداۋ تۋرالى ءبىرىنشى بولىپ گەرمانيا ۇكىمەتى شەشىم قابىلدادى. بۇل ەل «بولجام بويىنشا بيىل گەرمانيا 800 مىڭعا تاياۋ ميگرانت قابىلداۋى مۇمكىن» -دەپ وتىر. ۇكىمەتىن انگەلا حانىم باسقاراتىن المانيا ەلى وسىنداي باستاما كوتەرىپ ەدى،  بۇكىل باتىس مەملەكەتتەرى بىرتىندەپ  بوسقىنداردى قابىلداۋعا ءمان بەرىپ جاتىر. ءتىپتى، اقش ەكەش، اقش-تىڭ ءوزى دە!

قاراپ وتىرىپ، انگەلا مەەركەلگە ريزا بولاسىڭ! سان مىڭداعان سول بەيباقتارعا «ۇلتىڭ كىم؟»، «رۋىڭ قالاي؟» دەپ جاتقان جوق. قاي دىنگە سەنەتىنىنە، قاي اعىمنىڭ جەتەگىندە جۇرگەنىندە دە جۇمىسى از سياقتى. كەرەك بولسا، تەرروريزممگە قاتىسى بار ما، جوق پا، ءوز ەلىندە سوتتالعان با، سوتتالماعان با، ونى دا سۇرعان جوق!

قايتا، الىستان جەتپىس جەتى اتاسى، ەلجىرەگەن ەتجاقىنى، تۋعان باۋىرلارى نەمەسە توركىنى كەلگەندەي مارە-سارە بولىپ، قۋانىپ ءجۇر مە́ركەل اپاي! سوناۋ جىلى ىدىراعان سوۆەت وداعىنىڭ تەمىر قۇرساۋىنان بوساپ، كوشىپ كەلگەن  قانداستارىن كورگەندەي جارق-جۇرق ەتەدى بايقۇس!!! قازىردىڭ وزىندە بۇل ەل بوسقىندارعا ارناپ تۇرار جاي دايىنداپ جاتىر. ەۆرو دەگەنىڭدى ميلليونداپ شاشۋدا. كەلەشەكتە، مۇسىلمان بوسقىندارعا دەپ 200-دەي مەشىت سالىناتىنى دا ايتىلدى. ونىمەن قويماي، مە́ركەل ەو-نىڭ بارلىق ەلدەرى بوسقىنداردى قابىلداۋعا مىندەتتى ەكەنىن دە مالىمدەدى...

ال، ءبىزدىڭ ۇكىمەت؟!!
ءبىزدىڭ ۇكىمەت بوسقىن تۇرماق، ءوز اياعىمەن، ءوز قاراجاتىمەن كوشىپ كەلگەلى وتىرعان ءوز قازاعىمىزدى قابىلداۋعا قارسى! ەلباسى ۇكىمەتكە قايتادان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتىڭ كوشى-قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» تاپسىرما بەرگەلى قاشان؟! ءسويتىپ پرەزيدەنت 2014-جىلدىڭ 04-مامىرىندا  ۇكىمەتكە №1026 بۇيرىق تۇسىرگەن بولاتىن. سودان بەرى تابانى كۇرەكتەي ءبىر جىل، ءتورت اي ءوتتى، زاڭ جوباسى ءماجىلىستىڭ تالقىلاۋىنان ءالى شىققان جوق. قولدانىستاعى كوشى-قون زاڭىنىڭ قانداستارىمىزدىڭ تۇراقتى تىركەۋىنە باس كەدەرگى بولىپ وتىرعان 49-بابىنىڭ 9-تارماعىنا ءماجىلىس وزگەرىس ەنگىزىپ، ۇكىمەتكە جولداعان ەدى، ك.ءماسىموۆ ونى قابىلداماي، كەرى قايتارىپ تاستاپتى. سەبەپ، قازاقستانعا ورالماندارمەن بىرگە «تەرروريستەر» مەن «ەكسترەميستەر» كىرىپ كەتەدى ەكەن! بۇل سودان ساقتانعان ءتۇرى ەكەن وزىنشە!!!

دەمەك، كوشى-قون تۋرالى زاڭ جوباسى وسى بەتى قابىلدانسا، سىرت ەلدەردەن  كەلەتىن قانداستارىمىز ازاماتتىق الۋ بىلاي تۇرسىن، تۇراقتى تىركەۋدىڭ وزىنە تۇر الماي بار مۇمكىندىكتەن قاعىلماق. قازىردىڭ وزىندە كوشىپ كەلىپ العان نەشە مىڭداعان وتباسى سول كەدەرگىنىڭ زاردابىن تارتۋدا!
 
كەشە عانا وتكەن قازاق حاندىعىنىڭ 550 جىلدىعىنا ارنالعان ۇلىق جيىندا ەلباسى «ەلىمىز ەگەمەندىگىن العاننان كەيىن، جاعدايدىڭ قيىندىعىنا قاراماستان، تاعدىردىڭ جازۋىمەن دۇنيەنىڭ ءتورت بۇرىشىنا تارىداي شاشىلىپ كەتكەن ميلليوننان استام قانداسىمىزدى اتامەكەنگە قايتارىپ الىپ كەلدىك. بۇل كوش ءالى جالعاسۋدا»، - دەدى. وسىعان قاراعاندا ۇكىمەت  «قانداستارىمىز كوشىپ كەلىپ جاتىر» دەپ ءبارىمىزدى الداپ جۇرگەنگە ۇقسايدى. كوش توقتاعالى قاشا.؟!.

مىنە، وسى شىندىقتى كەزەكتى رەت جاريا ەتە وتىرىپ، بوسقىنداردىڭ وبال-ساۋابىنا قاراپ، ولاردى ەل ەكونوميكاسىن ەسەلەۋگە ۇلەس قوساتىن جۇمىسشى كۇشى، ادام رەسۋرسى دەپ قۋانا قارسى الىپ جاتقان مەركەل حانىمعا مارتەبەڭىز ءوسسىن دەيمىز!

اۋىت مۇقيبەك

14.09.2015
 Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601