بەيسەنبى, 9 جەلتوقسان 2021
بيلىك 8371 0 پىكىر 1 قازان, 2014 ساعات 11:32

ۆاتيكان مۇراعاتى قازاق تاريحىن پاش ەتتى

ۆاتيكان مۇراعاتىنان قازاقستان تاريحىنا قاتىستى باعا جەتپەس دەرەكتەر تابىلدى. قۇندى جادىگەرلەردى يتاليا ەلىنىڭ ريم قالاسىنا بارعان عىلىمي زەرتتەۋ توبى انىقتادى.

بۇل تۋرالى “قازاقپارات” حابارلايدى.

ساپاردىڭ قورىتىندىسى رەتىندە عالىمدار توبى “ريم مەن الاش: ريم مەن ۆاتيكان مادەني ەسكەرتكىشتەرىندەگى كوشپەندىلەردىڭ ونەرى مەن تاريحى، تۇرمىسىنىڭ بەدەرلەنۋى” فوتوكورمەسىن وتكىزىپ جاتىر.

الماتىلىقتار بۇل سيرەك جادىگەرلەردى ت.جۇرگەنوۆ اتىنداعى اكادەميا عيماراتىنان كورە الادى. فوتوكورمە قىركۇيەكتىڭ 29-ىنان قازاننىڭ 4-ىنە دەيىن وتەدى.

زەرتتەۋ جۇمىستارى ۆاتيكان مەملەكەتىنىڭ مۇراعاتتارى مەن كىتاپحانالارىندا جۇرگىزىلگەن. ەكىنشى زەرتتەۋ توبىنىڭ قۇرامىندا كولۋمبيا ۋنيۆەرسيتەتىنىڭ تاريح عىلىمدارىنىڭ پروفەسسورى رافيس ابازوۆ پەن “قازاقستان تاريحى مەن الەۋمەتتىك عىلىمدار” كافەدراسىنىڭ وقىتۋشىسى كارمينە باربارو بولدى.

تاريحشى پروفەسسور رافيس ابازوۆتىڭ ايتۋىنشا، زەرتتەۋ بارىسىندا ۆاتيكاننىڭ قۇپيا مۇراعاتىنان قازىرگى قازاقستان تەرريتورياسى بەدەرلەنگەن 6 بىرەگەي كارتا مەن 13-15 عاسىرلاردا ريم پاپاسىنىڭ تۇرىك قاعانىنا جازعان حاتى تابىلعان.

كارتا 1684 جىلى جاسالعان.

Abai.kz

0 پىكىر