بەيسەنبى, 9 جەلتوقسان 2021
جاڭالىقتار 3375 0 پىكىر 1 قازان, 2014 ساعات 13:30

ەاەو تۋرالى شارتتى ءماجىلىس ماقۇلدادى

بۇگىن پارلامەنت ءماجىلىسى «ەۋرازيالىق ەكونوميكالىق وداق تۋرالى شارتتى راتيفيكاتسيالاۋ تۋرالى» زاڭ جوباسىن ماقۇلدادى. بۇل تۋرالى قازاقپارات حابارلادى. ەۋرازيالىق ەكونوميكالىق وداق تۋرالى شارتقا قازاقستان، رەسەي جانە بەلارۋس ەلدەرىنىڭ پرەزيدەنتتەرى اعىمداعى جىلدىڭ 29 مامىرىندا استانادا قول قويعان بولاتىن.

شارتقا سايكەس، ەاەو ءوز قىزمەتىندە تاراپتاردىڭ ەگەمەندىگى مەن ولاردىڭ اۋماقتىڭ تۇتاستىعى قاعيداتتارىن قوسا العاندا، حالىقارالىق قۇقىقتىڭ جالپىعا بىردەي تانىلعان قاعيداتتارىن قۇرمەتتەۋ، مۇشە ەلدەردىڭ ساياسي قۇرىلىمىنىڭ ەرەكشەلىكتەرىن قۇرمەتتەۋ، تاراپتاردىڭ ءوزارا ءتيىمدى ىنتىماقتاستىعىن، تەڭ قۇقىلىعىن جانە ۇلتتىق مۇددەلەرىنىڭ ەسكەرىلۋىن قامتاماسىز ەتۋ، نارىقتىق ەكونوميكا جانە ادال باسەكەلەستىك قاعيداتتارىن ساقتاۋ نەگىزىندە جۇزەگە اسىراتىن بولادى. 

 پارلامەنت ءماجىلىسى ماقۇلداعان زاڭ جوباسى سەناتقا جولدانادى.

اباي-اقپارات

0 پىكىر