قاراعاندى قالاسىنىڭ بۇرىنعى اكىمى مەيرام سماعۇلوۆ قىزمەتتىك لاۋازىمىن اسىرا پايدالاندى دەگەن كۇدىكپەن ۇستالدى، دەپ حابارلايدى قازاقپارات ءتىلشىسى.

بەلگىلى بولعانداي، م. سماعۇلوۆ كۇدىكتى رەتىندە ۋاقىتشا ۇستايتىن قاماقتا وتىر.

بۇدان بۇرىن مەملەكەتتىك قىزمەت ىستەرى جانە سىبايلاس جەمقورلىققا قارسى كۇرەس اگەنتتىگى م. سماعۇلوۆتىڭ ۇستىنەن قر قك 307  بابى بويىنشا  (قىزمەتتىك لاۋازىمىن اسىرا پايدالانۋ) قىلمىستىق ءىس قوزعاعان. سماعۇلوۆ قاراعاندى اكىمى كەزىندە  ءوز ۇيىنە «قولجەتىمدى باسپانا» مەملەكەتتىك باعدارلاماسى بويىنشا تۇرعىن ءۇي سالعان «يۋتەكس» كومپانياسىنىڭ ەسەبىنەن جوندەۋ جۇمىستارىن جۇرگىزگەن. الدىن الا باعالاۋ بويىنشا، جوندەۋ جۇمىستارىنا 5 ملن. تەڭگە جۇمسالعان.   

م. سماعۇلوۆ 2012 جىلدىڭ قازانىندا قاراعاندى قالاسىنىڭ اكىمى بولىپ تاعايىندالعان ەدى. 2014 جىلعى ماۋسىمدا ءوز وتىنىشىمەن وتستاۆكاعا كەتكەن بولاتىن.

ەستەرىڭىزگە سالا كەتەيىك، قاراعاندى وبلىسىنىڭ بۇرىنعى اكىمى باۋىرجان ابدىشەۆ تە وتكەن ماۋسىم ايىنان بەرى قىزمەتىنەن كەتىپ ەكى ايعا قاماۋعا الىنعان بولاتىن.

اباي-اقپارات