سەنبى, 13 ءساۋىر 2024
جاڭالىقتار 5735 0 پىكىر 2 قازان, 2014 ساعات 11:17

ەتنوجۋرناليستيكا: «شاڭىراق» شىعارماشىلىق كونكۋرسى

قر مادەنيەت جانە سپورت مينيسترلىگى ەتنوجۋرناليستيكا سالاسىنداعى «شاڭىراق» شىعارماشىلىق كونكۋرسىن ۇيىمداستىرادى

قر مادەنيەت جانە سپورت مينيسترلىگى جىلداعى قالىپتاسقان ءداستۇر بويىنشا ەتنوجۋرناليستيكا سالاسىنداعى «شاڭىراق» شىعارماشىلىق كونكۋرسىن ۇيىمداستىرادى. كونكۋرستىڭ ماقساتى ەتنوسارالىق سالادا قىزمەت ەتەتىن جۋرناليستەردى ىنتالاندىرۋ ارقىلى قوعامداعى ەتنوسارالىق تاتۋلىق پەن كەلىسىمدى نىعايتۋ بولىپ تابىلادى.

كونكۋرسقا قازاقستاندىق بۇقارالىق اقپارات قۇرالدارىنىڭ تىلشىلەرى،  ەتنومادەني بىرلەستىكتەردىڭ، ۇكىمەتتىك ەمەس ۇيىمداردىڭ وكىلدەرى، عىلىم جانە مادەنيەت قايراتكەرلەرى، ساراپشىلار جانە جەكەلەگەن اۆتورلار قاتىسا الادى.

           كونكۋرسقا قاتىسۋ ءۇشىن مەملەكەتتىك جانە ورىس تىلدەرىندە باسپا بۇقارالىق اقپارات قۇرالدارى مەن ينتەرنەت رەسۋرستارىندا 2014 جىلدىڭ 1 قاڭتار مەن 6 قاراشا ايلارى ارالىعىندا جاريالانعان ماقالالار، تەلە-, راديوباعدارلامالار قابىلدانادى.

ماتەريالدار 6 قازان مەن 6 قاراشا ارالىعىندا قابىلدانادى.

كونكۋرسقا قاتىسۋشىلار جۇمىستارىن  ۇيىمداستىرۋ كوميتەتىنە جولداي الادى. ىرىكتەۋ 6 نوميناتسيا بويىنشا جۇرگىزىلەدى جانە جەڭىمپازدار باعالى سىيلىقتارمەن ماراپاتتالاتىن بولادى. تولىعىراق اقپاراتتى  www.mki.gov.kz  جانە  www.allhistory.kz  سايتتارىنان الا الاسىزدار.

سىلتەمەلەر:

http://www.mki.gov.kz/kaz/konkurs/o_konkurse/

http://allhistory.kz/kz/post/view?id=831 

0 پىكىر