جەكسەنبى, 23 قاڭتار 2022
قوعام 5461 0 پىكىر 6 قازان, 2014 ساعات 16:19

شوكەەۆكە ءبىر تىقىر تاياعان سياقتى

پرەزيدەنت نازارباەۆتىڭ كومانداسىنداعى كوپتەن بەرگى سىرالعى دوس، قاي سالاعا سالساڭ دا ساسپاي شاباتىن ساڭلاقتاردىڭ ءبىرى – ومىرزاق شوكەەۆ بولسا كەرەك. ومەكەڭ ۇلتتىق بانكتى دە باسقاردى، ماسكەۋدە ەلشى دە بولدى، وڭتۇستىك قازاقستان وبلىسى مەن قوستاناي وبلىسىنىڭ اكىمى دەيتىن قىزمەتتى دە اتقارىپ تاستاعان. كەيىنگى كەزدە جۇرت «شوكەەۆ الماتى قالاسىنىڭ اكىمدىگىنە تاعايىندالادى ەكەن. شاراۋاقور جان عوي» - دەسىپ گۋلەپ جۇرگەن. جو-وق، ولاي ەمەس سياقتى. ەلباسىنىڭ وعان قايتا-قايتا سىن-ەسكەرتپە جاساي بەرۋىنە قاراعاندا، ول قازىرگى «سامۇرىق-قازىنا» ۇاق»-نىڭ تورىندە  ۇزاق وتىرۋى ەندىگە نەعايبىل...  ويتكەنى جىل باسىنداعى ۇكىمەتتىڭ جالپى جيىنىندا پرەزيدەنت وعان: ء«وزىڭ ءبىر تويمايتىن ادام ەكەنسىڭ»، - دەپ ەدى وسى جولى:

-         ماعان جوعارىدا ەل ءۇشىن، ءوزى ءۇشىن جۇمىس جاساعىسى  كەلەتىن جاس ادامداردىڭ  ءتىزىمى مەن سۋرەتتەرىن كورسەتتى. ولاردى كومپانياعا قالاي تارتۋ قاجەتتىگى - بۇل ماڭىزدى ماسەلە. بۇل ادامداردى بىلىگى ، تاجىريبەسى، ءبىلىمى  بويىنشا قالاي جوعارىلاتۋعا بولادى؟  بىلۋىمشە،  قوڭىراۋ شالسا، تانىسى بولسا، جەتكىلىكتى جانە ونداي ادام جۇمىسقا ورنالاسىپ جاتادى. ولار ول جاقتا بوس وتىر. مىنە، بۇل باستى مىندەت جانە شوكەەۆ مىرزا وسى مىندەتتەردى اتقارا الساڭ، ارى قاراي جۇمىس ىستەيسىڭ. اتقارا الماساڭ، جۇمىس ىستەمەيتىن بولاسىڭ»، - دەدى (دەرەككوزى: http://kazinform.kz/kaz/article/2703606).

«قاجەتتىنىڭ بارلىعىن بىز ساعان بەرەمىز. جاسا. جاساي الماساڭ جۇمىس ىستەمەيسىڭ. بىزدە ناقتى جۇمىس جوسپارى بولۋى ءتيىس»، - دەدى قر پرەزيدەنتى شوكەەۆكە ششۇيلىگە  قاراپ (دەرەككوزى: http://kazinform.kz/kaz/article/2703606).

Abai.kz

0 پىكىر