جەكسەنبى, 23 قاڭتار 2022
قوعام 5102 0 پىكىر 6 قازان, 2014 ساعات 16:30

ەرلان ىدىرىسوۆ - قازاقستاننىڭ ۇزدىك شەنەۋنىگى

ەلىمىزدەگى ەڭ ناتيجەلى شەنەۋنىكتەر ءتىزىمى انىقتالدى. "ساياسات Monitoring" توبى مەن "ستراتەگيا" الەۋمەتتىك جانە ساياسي زەرتتەۋلەر ورتالىعى مينيسترلەر كابينەتىندەگى ەڭبەكقور شەنەۋنىكتەردىڭ ەسىمىن جاريا ەتتى. بۇل تۋرالى Nur.kz سايتى جازدى.

ساراپتاما قورتىندىسىنا ساي، ۇزدىك ون شەنەۋنىكتىڭ كوشىن ەرلان ىدىرىسوۆ باستاعان. سىرتقى ىستەر ءمينيسترى ۋكرايناداعى جاعدايعا بايلانىستى جانە جاھاندىق تەرروريزم قاۋپى جونىندە تۇشىمدى وي ايتقاندىعىمەن ەرەكشەلەنگەن. ماماندار ىدىرىسوۆتىڭ بۇۇ باس اسسامبلەياسىنىڭ 69-ى سەسسياسىندا ەلۋگە جۋىق كەزدەسۋ وتكىزگەنىن، ونىڭ ىشىندە بۇۇ باسشىسى پان گي مۋن، اقش مەملەكەتتىك حاتشىسى دجون كەرريمەن كەزدەسكەنىن دە نازارعا الىپتى. ىدىرىسوۆتىڭ ەلباسى قابىلداۋىندا ءجيى بولاتىنى دا "مارتەبەسىن" كوتەرە ءتۇسىپتى.

ەكىنشى ورىندا - پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ تۇر. ول ەكونوميكالىق بولىككە، اسىرەسە، ەۋرازيالىق ەكونوميكالىق ينتەگراتسياعا قاتىستى ماڭىزدى سۇراقتاردى ۇمىت قالدىرمايدى.

ال، ءۇشىنشى ورىنعا ىشكى ىستەر ءمينيسترى قالمۇحانبەت قاسىموۆتى لايىقتى دەپ تابىلعان. قۇقىق قورعاۋ ورگاندارىنداعى شيكىلىك كوپ بولسا دا، قاسىموۆ ۇزدىك شەنەۋنىكتەر ۇشتىگىندە.

مەملەكەتتىك قىزمەت ىستەرى جانە جەمقورلىققا قارسى اگەنتتىك توراعاسى قايرات قوجامجاروۆ پەن ەنەرگەتيكا ۆيتسە-ءمينيسترى ۇزاقباي قارابالين العاشقى وندىقتا. ەكىنشى وندىق ىشىنەن ەلىمىزدىڭ الەۋمەتتىك-ەكونوميكالىق دامۋىنا جاۋاپ بەرەتىن شەنەۋنىكتەردى كورۋگە بولادى. ول قاتاردا ۇلتتىق ەكونوميكا جانە ەنەرگەتيكا مينيسترلەرى جايعاسقان.

ماماندار مادەنيەت جانە سپورت مينيسترلىگىنە كەلگەن ارىستانبەك مۇحامەديۇلىن بەلسەندى شەنەۋنىكتەر قاتارىنا جاتقىزادى. ول تەاتر، مۇراجايدى دامىتىپ، وتاندىق كينەماتوگرافتاردىڭ ماسەلەلەرىن كوتەرگەن. ال، ءبىلىم جانە عىلىم ءمينيسترى اسلان ءسارىنجىپوۆ پەن ەكونوميكالىق ينتەگراتسيا ىستەرى جونىندەگى مينيستر جانار ايتجانوۆا جيىرمالىقتىڭ قاتارىندا ەنبەي قالىپتى.

Abai.kz

0 پىكىر