جەكسەنبى, 19 مامىر 2024
جاڭالىقتار 6256 0 پىكىر 7 قازان, 2014 ساعات 08:13

بالالاردىڭ دامۋىنا ەرتە ارالاسۋ سالاسىنا وزگەرىستەر كەرەك

بۇگىن الماتى قالاسىندا مۇمكىندىگى شەكتەۋلى ازاماتتار كۇنىنە بايلانىستى تۇڭعىش رەت رەسپۋبليكالىق دەڭگەيدە   بالالاردى ەرتە دامىتۋ ماسەلەسى تالقىلانادى. تۇزەتۋ پەداگوگيكاسىمەن اينالىساتىن 70-تەن استام قازاقستاندىق جانە شەتەلدىك ماماندار وڭتۇستىك استانادا باس قوسپاق. ولار بالالاردىڭ دامۋىنا ەرتە ارالاسۋ ءادىسىنىڭ سوڭعى جەتىستىكتەرىن پايدالانا وتىرىپ، نارەستەنىڭ دەساۋلىعىنداعى اقاۋلارىن بارىنشا ەرتە انىقتاپ، ساۋىقتىرۋ مۇمكىندىكتەرىن تالقىلايدى.

 

الەمنىڭ الدىڭعى قاتارلى ەلدەرىندە  نارەستەلەردىڭ دەنساۋلىعىنداعى مۇكىستەردىڭ 70-80 پايىزى ءبىر جاسقا دەيىن انىقتالىپ، دەر كەزىندە ەمدەلەدى. ءبىر جاسقا دەيىن بالا وتە قارقىندى داميدى. سوندىقتان  تابيعي مۇمكىندىكتەردىڭ ەسەبىنەن دەنساۋلىقتاعى قانداي دا ءبىر اقاۋدىڭ بالانىڭ جالپى دامۋىنا اسەرىن بارىنشا ازايتۋعا بولادى.  تۇزەتۋ مەن ساۋىقتىرۋ ادىستەرىن  دەر كەزىندە قولدانسا،   3-5 جاسقا دەيىن تولىق وڭالىپ كەتەتىن بالالار دا بار. ءبىزدىڭ ەلىمىزدە ازىرگە جاعداي كەرىسىنشە قالىپتاسىپ وتىر: بالانىڭ دياگنوزى قويىلعانشا 6-7 جىل وتەدى، ال بۇل ۋاقىتتا ونىڭ دامۋى تەجەلىپ قالادى.

 

سەمينارعا شاقىرىلعان سانكت-پەتەربۋرگتىڭ ەرتە ارالاسۋ ينستيتۋتىنىڭ ديرەكتورى لاريسا سامارينا بىلاي دەيدى: «ەگەر ەستۋ قابىلەتى ناشار سابيگە ءبىر جاسقا دەيىن ارنايى قۇرال كيگىزسە، ول سويلەۋدى ۇيرەنىپ، تولىققاندى ءومىر سۇرە الادى. ال ەگەر ءۇش جاستان كەيىن كيسە – ونى سويلەۋگە ۇيرەتۋ وتە قيىنعا تۇسەدى. كورۋ قابىلەتى ناشار، تسەرەبەرالدى پاراليچ، باسقا  اۋرۋعا شالدىققان بالالارعا قاتىستى  دا وسىنى ايتۋعا بولادى. كۇندەلىكتى ومىردە، تۇرمىستا  قاجەتتى داعدىلاردى مۇنداي بالالارعا قانشالىقتى ەرتە سىڭىرسەك، سونشالىقتى ولار تىرشىلىككە بەيىمدەلىپ، قوعامدا ءومىر سۇرە الادى.»

 

سەميناردى «دارا» جەكە قورى مەن قر ءبىلىم جانە عىلىم مينيسترلىگى، ۇلتتىق تۇزەتۋ پەداگوگيكاسى عىلىمي-تاجىريبەلىك ورتالىعى «سامۇرىق-قازىنا» ۇلتتىق ءال-اۋقات قورىنىڭ قولداۋىمەن ۇيىمداستىردى. باسقوسۋدا ماماندار قازاقستاندا ەرتە ارالاسۋ ادىستەرىن ەنگىزۋ، ەرتە دياگنوستيكالاۋ ارقىلى مۇمكىندىگى شەكتەۋلى بالالاردىڭ تولىققاندى ءومىر سۇرۋىنە جاعداي جاساۋ ماسەلەسىن تالقىلايدى. بۇل سالاداعى سوڭعى جەتىستىكتەر مەن ادىستەمەلىك قۇرالدار تانىستىرىلادى.

 

مەملەكەتتىك ءبىلىم بەرۋدى دامىتۋ باعدارلاماسىنا سايكەس، 2020 جىلعا قاراي قازاقستانداعى جالپى ورتا ءبىلىم بەرەتىن مەكتەپتەردىڭ 70 پايىزى مۇمكىندىگى شەكتەۋلى بالالاردى وقۋعا قابىلاي باستايدى. قازىر قازاقستاندا 3 جاسقا دەيىنگى 6 مىڭعا جۋىق مۇمكىندىگى شەكتەۋلى بالالار بار. ەگەر ولاردىڭ دامۋىنا ەرتە ارالاسۋ ماسەلەسى تۇبەگەيلى شەشىلمەسە، بۇل بالالاردىڭ كوپشىلىگى  مەكتەپتە وقۋعا دايىن بولماۋى مۇمكىن. ەرتە ارالاسۋ ءادىسى مۇمكىندىگى شەكتەۋلى ازاماتتاردىڭ الەۋمەتكە بەيىمدەلۋىنە دە ۇلكەن اسەر ەتەدى. مىسالى، بۇل ءادىس كەڭ قولدانىس تاپقان ەلدەردە مۇگەدەكتەردىڭ 40 پايىزعا جۋىعى جۇمىس ىستەيتىن بولسا، بىزدە بۇل كورسەتكىش 12 پايىزدى قۇرايدى. 

 

باق وكىلدەرىن سەميناردىڭ اشىلۋىنا شاقىرامىز. باستالۋى –7 قازان كۇنى 10-00. مەكەن-جايى: الماتى قالاسى، گوگول كوشەسى، 127/1. سەميناردىڭ ەكىنشى كۇنى ۇلتتىق تۇزەتۋ پەداگوگيكاسى عىلىمي-تاجىريبەلىك ورتالىعىندا وتەدى. مەكەن-جايى  الماتى قالاسى،  بايزاقوۆ كوشەسى، 273 ءۇي. قوسىمشا اقپارات الۋ ءۇشىن «دارا» قورىنىڭ  PR-مەنەدجەرى حاديشا سەرجانوۆاعا حابارلاسىڭىزدار.   تەل.: +7 7017554953,  7 (7172) 755263 نەمەسە pr@dara.kz.

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2146
ادەبيەت

«سولاي ەمەس پە؟»

عابباس قابىشۇلى 2551
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2364
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1661