سەنبى, 2 شىلدە 2022
جاڭالىقتار 6038 0 پىكىر 7 قازان, 2014 ساعات 15:54

MODEF EXPO-2014: جيھاز الەمىنە ساياحات

بۇگىندە تۇركيا مەن قازاقستان اراسىنداعى ساۋدا اينالىمى 4 ملرد. دوللارعا جۋىق. كەلەشەكتە بۇل كورسەتكىش 10 ملرد. دوللارعا دەيىن جەتكىزىلەدى. ەكىجاقتى بايلانىستى تۇرىكتەردىڭ جيھاز جاساۋشىلارى نىعايتۋدى كوزدەپ وتىر. بۇگىندە تۇركى ەلدەرىمەن اراداعى ساۋدا-ساتتىق، ەكونوميكالىق جانە ىسكەرلىك قارىم-قاتىناس نىعايا تۇسكەن. جۋىردا الماتىعا كەلىپ قايتقان تۇركياداعى جيھاز جاساۋشىلارى اسسوتسياتسياسىنىڭ مۇشەلەرى ءبىزدىڭ جيھاز جاساۋشى كاسىپكەرلەرمەن كەزدەستى.

                                               باستى ماقسات – سەرىكتەستىك ورناتۋ

تۇركيانىڭ بۇرسا وبلىسىنا قارايتىن ينەگول قالاسىندا جيھاز جاساۋشىلار اسسوتسياتسياسى جۇمىس ىستەيدى. وسى اسسوتسياتسيانىڭ پرەزيدەنتى ءوزجان ايحان مىرزا قازاقستانداعى جيھاز جاساۋمەن جانە ساتۋمەن اينالىساتىن كاسىبي مامانداردى بيىل ينەگول اۋدانىندا ۇيىمداستىرىلاتىن كورمەگە شاقىردى. ونىڭ ايتۋىنشا، MODEF EXPO-2014 كورمەسى 2014 جىلدىڭ 4-8 قاراشاسىندا جەر شارىنىڭ تۇكپىر-تۇكپىرىنەن قاتىساتىن 1500 ساتىپ الۋشىعا قىزمەت كورسەتۋگە دايىن. Modef Fuarcılık ۇيىمداستىراتىن شارادا قويىلاتىن ونىمدەردىڭ تۇرلەرى: زاماناۋي، كلاسسيكالىق، انتيكالىق جانە مودۋلدىك جيھاز. ونىمدەر: كرەسلولار، ورىندىقتار، ديۆاندار، بالالار مەن جاسوسپىرىمدەرگە ارنالعان جيھازدار، فۋرنيتۋرا. حيكمەت شاحين مادەني باعىنداعى حالىقارالىق كورمە ورتالىعىندا وتكىزىلەتىن شاراعا شاقىرىلاتىندار: جيھاز دۇكەندەرى، دۇكەندەر جەلىسى، كوتەرمە ساۋدامەن اينالىساتىندار، يمپورتەرلار، ەكسپورتەرلار، الىپساتارلار، ارحيتەكتورلار، ينتەرەرلەردىڭ دەكوراتورلارى، وندىرىستىك ديزاينەرلەر، جيھاز جاساۋ كاسىبىمەن اينالىساتىندار ت.ب.  

ينەگولدە وسىمەن 34-رەت وتكىزىلگەلى وتىرعان «Modef Expo 2014» كورمەسىندە الەمدىك دەڭگەيدە تانىلعان تۇرىك كومپانيالارى جيھاز جانە دەكوراتسيا سالاسىنا قاتىستى ونىمدەرىن ۇسىنباقشى. شارا بارىسىندا ۇيىمداستىرۋشىلرار قاۋىمى بۇگىندە ەكونوميكاسى قارقىندى دامىپ كەلە جاتقان ورتالىق ازياداعى قازاقستان، وزبەكستان، تۇركىمەنستان، تاجىكستان، وزبەكستان، قىرعىزستان سياقتى تۇركى مەملەكەتتەرى، تاياۋ شىعىس، سولتۇستىك افريكا، بالقان ەلدەرىنەن كەلەتىن تۇتىنۋشىلارعا ارنايى كەزدەسۋلەر وتكىزۋدى جوسپارلاپ وتىر. باستى ماقسات – ينۆەستيتسيا تارتۋ. وسى ورايدا، Modef Expo مەن  «Antexpo» حالىقارالىق ماركەتينگ پەن قاتىسۋشىلاردى تارتاتىن سەرىكتەس كومپانياسى يران، يراك، بىرىككەن اراب امىرلىكتەرى، يوردانيا، ليۆان، ەگيپەت، بولگاريا، الجير، ماروككو، تۋنيس، قازاقستان ت.ب. الەمنىڭ 30-دان استام ەلىمەن بايلانىس ورناتىپ، VIP ساتىپ الۋشىلاردى جيھاز وندىرىسىنە تارتۋ ماقساتىندا جۇمىس ىستەپ جاتىر.

بىلتىر «Modef Expo-2013» كورمەسىندە جەرگىلىكتى 145 كومپانيانىڭ جيھاز الەمىنە قاتىستى ەڭ سوڭعى ۇلگىدەگى ونىمدەرى ساتىپ الۋشىلاردىڭ نازارىنا ۇسىنىلعان بولاتىن. وسى شاراعا جەر شارىنىڭ 62 ەلىنەن 2454 شەتەلدىك قوناق قاتىستى. بۇل وتىز ءۇش جىلدىق تاريحى بار كورمەدەگى ەڭ جوعارعى كورسەتكىش ەدى. ايتا كەتەرلىگى، كورمەگە قاتىسۋشىلاردىڭ 3 كۇندىك قوناقۇيىن، ستامبۇلدان ينەگولگە دەيىنگى جەتكىزەتىن كولىگىن، تاڭعى جانە كەشكى استارىن ت.ب. شىعىنىن ۇيىمداستىرۋشىلار كوتەردى.

بيىل كۇزدە وتەتىن كورمە بارىسىندا قاتىسۋشىلار ينەگولدەگى جيھازشىلار جاساعان ونىمدەردىڭ زاماناۋي، كلاسسيكالىق ت.ب. كەڭ اۋقىمدا دايىندالعان ۇلگىلەرىمەن تانىسا الادى. وسىنىڭ ارقاسىندا «ينەگول – تۇركيانىڭ جيھاز سالاسىنىڭ كۇرەتامىرى» دەپ بەكەر اتالماعانىنا كوز جەتكىزەدى.

حالىقارالىق ساتىپ الۋشىلاردى «Modef Expo-2014» كورمەسىنە تىركەۋ ەندىگى باستالىپ كەتكەن جانە قاتىسۋشىلارعا ارنالعان ۇلگىگە ءار ساتىپ الۋشى وزدەرى تۋرالى مالىمەتتەرى قوسا تىركەۋى قاجەت. سونىمەن قاتار «Modef Expo 2013» كورمەسىنىڭ Hosted Buyer باعدارلاماسىنا تاپسىرىس بەرۋ ءۇشىن «Antexpo» سەرىكتەس كاسىپورنىنا حابارلاسۋى ءتيىس. حالىقارالىق دەڭگەيدە وتكىزىلەتىن شاراعا توپ بولىپ قاتىسۋدى كوزدەيتىندەردى ۇيىمداستىرۋشىلار قاۋىمى قۇشاق جايا قارسى الادى. كورمە تۋرالى تولىق مالىمەتتى www.modef.com.tr سايتى ارقىلى الۋعا بولادى.

                                               جيھازدى 110 ەلگە ەكسپورتتايدى

تۇركياداعى جيھاز ءوندىرىسى قارقىندى دامىپ كەلە جاتقان سالالار قاتارىندا جانە وسىنىڭ ارقاسىندا تۇرىك كاسىپكەرلەرىنىڭ حالىقارالىق باسەكەلەستىككە توتەپ بەرۋىنە جاعداي جاسادى. ساپا، ۇلگى جانە باعا ءوزارا ۇيلەسكەندە تۇتىنۋشىلىق سۇرانىستىڭ ارتاتىنى انىق. بۇگىندە جيھاز سالاسىنان تۇسەتىن 60 ميلليارد اقش دوللارىنىڭ 25 پايىزى الەمدىك نارىققا تيەسىلى. وسى كورسەتكىشتىڭ 35 پايىزىن يەمدەنگەن ينەگول جيھازشىلارى ەكسپورت كولەمىن 1 ملرد. اقش دوللارىنا جەتكىزۋدى كوزدەپ وتىر. بۇل ماقساتقا قول جەتكىزۋ ابدەن مۇمكىن. ويتكەنى ينەگولدە 260 ءىرى جيھاز فابريكاسى، 1000 جيھاز سالونى جانە 1500 ءوندىرىس ورتالىعى بار. تۇركياداعى ەڭ ءىرى جيھاز ەكسپورتتاۋشى دەگەن اتاۋىن دا ساقتاپ قالۋعا سەپ بولعان وسى مۇمكىندىك. قازىر ينەگولدەگى 1300-دەن استام جيھاز كومپانياسى الەمنىڭ 110-نان استام ەلىنە ءوز ءونىمىن ەكسپورتتاپ وتىر.

نەگىزى Modef Expo – كەڭ اۋقىمداعى ساپالى جيھاز ونىمدەرىن ارزان باعاعا ساتىپ الۋدى كوزدەيتىندەرگە ارنالعان كورمە. ءونىم جاساۋعا قاجەتتى شيكىزاتتار ينەگولدە وندىرىلەتىندىكتەن، ساپاسى وتە جوعارى ءارى قۇنى تومەن. ەكسپورتتايتىن كەزدە قويىلاتىن باعا دا كادىمگىدەي كوڭىل قۋانتادى. ساتىپ الۋشىلار ءۇشىن تاعى ءبىر ءتيىمدى نارسە، ەۋروپا مەن ازيانىڭ قاق ورتاسىنداعى تۇركيا – ەۋروپالىق ەلدەرگە، تۇركىتىلدەس مەملەكەتتەرگە، تاياۋ شىعىسقا تۇرىكتەردىڭ ونىمدەرىن يمپورتتاۋ ءۇشىن قولايلى مەكەن. وسىنىڭ ارقاسىندا ەكىجاقتى سەرىكتەستىك قارى-قاتىناس تۇزىلەدى.

                                               ينەگولدى كورگەندە ارماندا، كورمەگەن دە...

جيھازداردىڭ سان ءتۇرىن ۇسىناتىن كورمەدەن باسقا ينەگولدە جاتجۇرتتىقتاردى قىزىقتىراتىن تاريحي مەكەندەر كوپ. تابيعاتىنىڭ سۇلۋلىعىن سوزبەن ايتىپ جەتكىزە المايسىز. ال ويلات دەپ اتالاتىن شيپاجاي ورنالاسقان جەردىڭ ادەمى تابيعاتى مەن ارزان باعاسى دا كوپشىلىكتىڭ كوڭىلىنەن شىعادى. وسمان يمپەرياسى كەزىندە سالىنعان عيماراتتار مەن تاريحي نىساندار، مەشىتتەر 700 جىل بويى ۇستەمدىك قۇرعان يمپەريانىڭ ءبىر ۇزىك سىرى ىسپەتتى. سونىمەن قاتار ينەگولدەگى قالا مۇراجايىنىڭ ءجونى بولەك.

ۇلىداع تاۋىنىڭ ەتەگىنە جايعاسقان ينەگول اۋماعىن ادامدار ەجەلدەن مەكەندەگەن. ەسكەندىر زۇلقارنايىن باسقارعان مەملەكەتتىڭ، ۆيزانتيا يمپەرياسىنىڭ قۇرامىندا بولعان وسى جەردى XIV عاسىردا ءى وسمان سۇلتان وسمان يمپەرياسىنىڭ ىرگەتاسىن قالاعان. بۋرسا پروۆينتسياسىنا قارايتىن ينەگول تەڭىزدەن 2543 مەتر بيىكتىكتە ورنالاسقان. ينەگولدە شاڭعى تەبۋ سياقتى باسقا دا قىسقى سپورت ويىندارى جاقسى دامىتىلعان. وسىمدىكتەر مەن جانۋارلاردىڭ سان ءتۇرى شوعىرلانعان ۇلتتىق باعى قانداي! ءبىر كەزدەرى جەرگىلىكتى ونىمدەرى ورمان شارۋاشىلىعىنىڭ ارقاسىندا دامىعان بولاتىن. بۇل ءۇردىس 1950-جىلداردىڭ باسىنا دەيىن جالعاسقان.  الايدا، 1980-جىلداردان كەيىن ونەركاسىپتىك ايماقتىڭ ىقپالى تيگەن ينەگولدە ونەركاسىپ سالاسى ەرەكشە قارقىنمەن دامي باستايدى. بۇگىندە جيھاز سالاسىمەن بىرگە تاريحي، دەنساۋلىق جانە سپورت تۋريزمدەرى جاقسى دامىعان.

 

 

 

AntExpo Org. ve Dan. Tic. Ltd. Şti 

(Int'l Marketing & Visitor Promotion Partner of Modef Expo 2013)

Address: Barbaros Mah. Öner Sok.

Deluxia Palace No:5 K:2 D:68 Batı Ataşehir - İstanbul / TURKEY

Tel: +90 216 541 0390 Fax: +90 216 541 0389 Skype: rabia.alga

E-mail: rabia@antexpo.net  Web: www.antexpo.net

For Modef Expo Inquiries Please Contact

Mrs. Aysun SANATÇI / Fair Organizatıon & Foreıgn Trade Manager 

 

 

MODEF Fuarcılık Tic. Ltd. Şti 

Kemalpaşa Mah. Okullar Cad. No:11

Hikmet Şahin Kültür Parkı Uluslararası Fuar Merkezi 16400

İnegöl / Bursa / Turkey

Tel: +90 224 713 16 26 Fax: +90 224 712 18 68 GSM: +90 532 626 57 00

E-mail: aysun@modef.com.tr  Web: www.modef.com.tr  

 

 

 

 

0 پىكىر

ۇزدىك ماتەريالدار

اقمىلتىق

«قيالشىلدار كلۋبى»

ءامىرجان قوسان 955
انىق-قانىعى

كىمنىڭ كىم ەكەنىن بىلە ءجۇرسىن دەپ...

اۋىت مۇقيبەك 802