جۇما, 29 ناۋرىز 2024
انىق 8283 0 پىكىر 17 قازان, 2014 ساعات 09:50

اباي ۇرپاعى ءۇيسىز ءجۇر

15 قازان كۇنى ماجىلىستە پالاتا سپيكەرى قابيبوللا جاقىپوۆتىڭ توراعالىعىمەن وتكەن جالپى وتىرىستا دەپۋتات الدان سمايىل قازاقستان رەسپۋبليكاسىنىڭ پرەمەر-ءمينيسترى ك.ماسىموۆكە دەپۋتاتتىق ساۋال جولدادى.

         قازاق حالقىنىڭ ۇلى اقىنى، تالانت-دارىنىن الەم قۇرمەتتەگەن ادامزاتتىق اۋقىمداعى كەمەڭگەر – اباي قۇنانباەۆتىڭ اۋلەتى كوممۋنيستىك قاتىگەز رەجيمنىڭ اياۋسىز قۋعىن-سۇرگىنىنە ۇشىراعانى بەلگىلى. اقىن بالالارى مەن باۋىرلارى اتىلدى، تۇرمەلەردە كوز جۇمدى، جەر اۋدارىلدى. وسى قىرعىننان امان قالعاندارى ۇلى وتان سوعىسىندا وققا ۇشتى. مايدانعا اتتانعان 10 ادامنان ەسەن-ساۋ ورالعانى ابايدىڭ ماعاۋيادان تارايتىن شوبەرە قىزى، سوعىسقا ءوزى سۇرانىپ كەتكەن يشاعى عانا.

         بەلگىلى قالامگەر مەدەۋ سارسەكە («قازاق ادەبيەتى» گازەتى 2014 ج. 26.09. № 38-39) «اقىن تراگەدياسى» اتتى ماقالاسىندا وسى دەرەكتەردى كەلتىرە كەلىپ، اباي اۋلەتىنىڭ كەلەشەگىنە الاڭدايدى.

         اقىن ۇرپاعىنان بۇگىندە ارامىزدا جۇرگەن تۇياق ابايدىڭ ءدىلدادان تۋعان ۇلى اقىلبايدىڭ بالالارى. اقىلبايدان – الىمقۇل، ودان باعىفۋر. مىنە وسى باعىفۋردىڭ بالاسى اقىلباەۆ ايدار مەن ونىڭ جالعىز ۇلى دانيار الماتى قالاسىندا تۇرىپ جاتىر.

         دانيار اقىلباەۆ ابايدىڭ بەسىنشى ۇرپاعى. لەنينگرادتاعى گيدرومەتەورولوگيالىق ينستيتۋتىنىڭ مۇحيتتانۋ فاكۋلتەتىن بىتىرگەن. ماماندىعى بويىنشا جۇمىس تابىلماي، ماڭعىستاۋدا مۇناي كومپانياسىنىڭ بىرىندە ەڭبەك ەتەدى. قازىر الماتىدا.

         ابايدىڭ اقىن ۇلى، «ەڭلىك-كەبەك»، «مەدعات-قاسىم، «ابىلاي» پوەمالارىن جازعان ماعاۋيانىڭ نەمەرەسى عازەل جاعىپارقىزى دۇنيەدەن وزارىندا بەرىپ كەتكەن ەكى بولمەلى ەسكى ۇيدە ءۇش بالامەن تۇرىپ جاتىر.

سۋرەتتە: اباي ۇرپاعى - دانيار اقىلباەۆ. سۋرەت www.azattyq.org cايتىنان الىندى.       

ابايدىڭ اقىلبايدان تارايتىن ءتورتىنشى ۇرپاعى، دانياردىڭ اكەسى ايدوس اقىلباەۆ تا الماتىدا. ءالى كۇنگە باسپاناسىز.

         وسى تۇستا ويلاناسىڭ. ۇلى اقىننىڭ، قازاق حالقىنا رۋحاني تۇعىر بولىپ كەلە جاتقان، بولا دا بەرەتىن دانىشپاننىڭ بۇگىنگى تۇياقتارى مەملەكەتتىڭ قامقورلىعىنا بولەنۋگە ءتيىس قوي. مۇنى ەل ازاماتتارى بىزدەن بۇرىن دا ويلاعان. قازاق كسر حالىق كوميسسارلار كەڭەسىنىڭ 1945 جىلعى 15 تامىزداعى قاۋلىسى اباي ەسىمىن ماڭگىلىك ەستە قالدىرۋعا ارنالادى، 95 جانە 100 جىلدىق مەرەيتويلارىن جوعارى دەڭگەيدە اتاپ ءوتۋ ۇيعارىلادى، اقىننىڭ سول كەزدە كوزى ءتىرى ۇرپاقتارى اقىلبايۇلى يسرايىلعا، گازەل جاعىپاروۆاعا، ءۋاسيلا جاقىپوۆاعا، اقىليا ورازباەۆاعا، كاميلا وسپانوۆاعا، ءبيبى ىسقاقوۆاعا 500 رۋبل كولەمىندە  دەربەس زەينەتاقى تاعايىندالادى.

         سۇراپىل سوعىستان سوڭعى قيىن جىلداردا دا قازاق ابزالدارى مەن ەل باسقارعان ەستىلەرى اقىن رۋحىنا قۇرمەت كورسەتە العان. ءبىز دە سول تەكتىلىك دەڭگەيىنەن تابىلايىق. ايدار اقىلباەۆقا باسپانا بەرىپ، زامانالار كەمەڭگەرىنىڭ باتاسىنا كەنەلەيىك.

         اباي اۋلەتىن جالعاستىراتىن جالعىز ءۇمىت – دانيار اقىلباەۆتىڭ جاي-كۇيىمەن تانىسىپ، كومەك قولىمىزدى سوزايىق.

         قۇرمەتتى كارىم قاجىمقانۇلى، ءسىزدىڭ قايراتكەرلىك پاراساتتىلىعىڭىز بەن ازاماتتىق ۇلاعاتىڭىزعا سەنەمىز. ءوتىنىشىمىزدىڭ ورىندالاتىندىعىنا كۇمانسىزبىز.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620