الماتى قالاسى جەتىسۋ اۋدانى اكىمدىگى قىزمەتكەرلەرىنىڭ كوبىنەن ارتىق سالماق انىقتالدى، - دەپ حابارلايدى Tengrinews.kz الماتى قالالىق دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەمە جاساپ. بۇگىن، 21 قازان كۇنى شەنەۋنىكتەردىڭ دەنساۋلىعىن تەگىن تەكسەرۋ ءۇشىن اكىمدىككە №11 ەمحانا دارىگەرلەرى كەلگەن.

تەراپەۆت، ەندوكرينولوگ، لور جانە ونكولوگ-ماممولوگ ايەلدەر مەن ەرلەردى تەكسەرگەن. تاڭەرتەڭنەن شەنەۋنىكتەر كەزەككە تۇرىپ تەكسەرۋدەن وتكەن. وسىعان بايلانىستى: "قازىرگى دەيىن ءبىز جەتىسۋ اۋداندىق اكىمدىگى قىزمەتكەرلەرىنىڭ 40 پايىزىن تەكسەرىپ شىقتىق. ولاردىڭ 50 پايىزدان استامىندا ارتىق سالماق بولىپ شىقتى - بۇل قانت ديابەتىنە سوقتىرۋى مۇمكىن. ەكى ادامنىڭ قانىنان قانتتىڭ جوعارعى كورسەتكىشى انىقتالدى. بۇگىندە قوزعالىسسىز ءومىر سالتىن ۇستاناتىن شەنەۋنىكتەر اراسىندا جۇرەك-قان تامىرلارى اۋرۋلارى كوپ كەزدەسەدى. بۇل جايت مەتابولا سيندرومىنىڭ دامۋىنا ىقپال ەتەدى، بۇدان ارتىق سالماق، ميوكارد ينفاركتى، سۋسامىر سياقتى اۋرۋلار پايدا بولادى", - دەپ حابارلاعان №11 ەمحانانىڭ تەراپيا بولىمشەسىنىڭ مەڭگەرۋشىسى اينار امىرعازينوۆا.
ونىڭ ايتۋىنشا، بۇل دارىگەرلەردىڭ شەنەۋنىكتەرگە ءبىرىنشى رەت كەلۋى ەمەس. جۇرگىزىلگەن اكتسيالاردان سوڭ دارىگەرلەر پاتسيەنتتەرگە دەنساۋلىعىن ودان ءارى تەكسەرىپ ءجۇرۋى ءۇشىن ۇسىنىس-كەڭەستەر بەرەدى. جەتىسۋ اۋداندىق اكىمدىگىنىڭ كەيبىر قىزمەتكەرلەرىنە ۋزي-دەن ءوتىپ، قوسىمشا ماماندارعا قارالۋى كەرەك. "ونكولوگيالىق اۋرۋلاردىڭ اراسىندا ءسۇت بەزى قاتەرلى ىسىگى ەڭ العاشقى ورىندا تۇر. سوندىقتان ءبىز ءجيى-ءجيى تەكسەرىلىپ تۇرۋعا، بارلىق قازاقستاندىققا جىلىنا كەمىندە ءبىر رەت مەديتسينالىق تەكسەرىستەن وتۋگە كەڭەس بەرەمىز", - دەدى ول.

اباي-اقپارات