سەيسەنبى, 29 قاراشا 2022
نە دەيدى؟! 8289 0 پىكىر 23 قازان, 2014 ساعات 15:49

الماتى وبلىسى شوشقا باعىپ، ەتىن رەسەيگە جىبەرەدى

 

الماتى وبلىسىندا ەت ءونىمىن ەكسپورتتايتىن اسا ءىرى كەشەندى قۇرىلىس اياقتالىپ قالدى دەپ حابارلايدى BNews.kz سايتى. كەشەن الماتى قالاسىنا تاياۋ ورنالاسقان پەرۆومايسك كەنتىندەگى مالبورداقىلاۋ بازاسىندا بوي كوتەرگەن. ەندىگى شوشقا بورداقىلايتىن كەشەنگە اينالعان بازانىڭ قۇرىلىسىن پولشالىق ماماندار تۇرعىزىپتى. شوشقا بورداقىلايتىن كەشەندى سالۋ ءۇشىن 2 ملردا دوللار قارجى جۇمسالىپتى. قاراشا ايىندا دوڭىزدىڭ ايىرقشا تۇرلەرى دانيا مەن گوللانديادان تاسىمالدانىپ، باعىمعا الىنا باستايدى.

كەلىسىم بويىنشا شوشقا ەتىنىڭ ونىمدەرى الدىمەن رەسەيگە ەكسپورتتالماقشى. سودان كەيىن شوشقا ەتىنىڭ ءونىمى كوبەيگەن سوڭ باسقا دا ەلدەرگە ساتىلماق.

شوشقا وسىرەتىن كەشەندە جىلىنا 15 مىڭ توننا شوشقا ەتى وندىرىلمەكشى ەكەن. كەشەندە 150-200-گە جۋىق ادام جۇمىس ىستەيتىن بولادى.

شوشقا وسىرەتىن كەشەن ەت ونىمدەرىن وڭدەيتىن كلاستەر باعىتىندا دامىماقشى. تاياۋدا قازاقاستاندىق-پولشالىق فيرما جىلىنا 130 مىڭ باس شوشقا سوياتىن قاساپحانا قۇرىلىسىن دا قولعا الماق. سونداي-اق الداعى ءۇش جىلدا بۇل جەردە شۇجىق شىعاراتىن ءونىدىرىس ورىنى مەن شوشقا ازىعىن دايىندايتىن زاۋىت تۇرعىزىلادى.

 وسىندايدا ەسكە تۇسەدى، حرۋششەۆ دەيتىن كىسى «قازاق پەن ورىستىڭ دوستىعى ءۇشىن قازى مەن شۇجىقتى ارالاستىرىپ جاساڭدار» دەگەن پارمەن بەرگەن ەدى كەزىندە. سونىڭ شىندىعى كەشەندى شوشقا بازاسى بولىپ جۇرمەسىن... ايتپاقشى، ءبىزدىڭ كەدەندىك ءام ەۋرازيالىق ەكونوميكالىق ۇيىمداعى وداقتاسىمىز – رەسەي «قازاقتىڭ مالى دالادا سويىلىپ جاتىر، قاساپحانالارى جوق» دەپ بىزدەن باراتىن مال ونىمدەرىنەن باس تارتقان-دى. ەندى ولاي ىستەي قويماس، ويتكەنى ءبارى تالاپقا ساي بولعالى تۇر.

 

 

Abai.kz

0 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1521
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1615
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1772