جەكسەنبى, 24 قازان 2021
جاڭالىقتار 4159 0 پىكىر 24 قازان, 2014 ساعات 13:23

استانانىڭ شىعىندارى ميللياردتاپ ءوسىپ جاتىر

استانا قالاسى اكىمىنىڭ ورىنباسارى ەرسايىن ناعاسپاەۆ قالا شىعىندارىنىڭ ميللياردتاپ ءوسىپ بارا جاتقانىن ايتتى، - دەپ حابارلايدى Tengrinews.kz.

"جىل سايىن بىزدە ساياباقتار مەن گۇلزارلار 145 مىڭ شارشى مەترگە ۇلعايادى، قالانى جارىقتاندىرۋ مەن كورىكتەندىرۋدىڭ شىعىندارى 5 ميللياردقا وسەدى، جاڭا جولدار پايدا بولىپ جاتىر - جىل سايىن 30-دان 40 شاقىرىمعا دەيىن. "قازاقستان" كونتسەرت زالى، بەيبىتشىلىك جانە كەلىسىم سارايى سياقتى مادەنيەت نىساندارىن قامتۋدىڭ سوماسى ميللياردتان اسىپ كەتەدى. سپورت نىساندارى بويىنشا دا سولاي، مىسالى، "الاۋ" سپورت كەشەنى", - دەدى ناعاسپاەۆ پارلامەنت سەناتى دەپۋتاتتارى مەن مينيسترلىك جانە اكىمدىك وكىلدەرىنىڭ مەملەكەتتىڭ جاڭا بيۋدجەتتىك سايااتى ماسەلەلەرى جونىندەگى كەزدەسۋىندە.

ونىڭ ايتۋىنشا، بۇگىندە قالانىڭ ناقتىلانعان بيۋدجەتى - 396 ميلليارد تەڭگە. 2014 جىلدىڭ ناقتىلانعان بيۋدجەتىمەن سالىستىرعاندا، ءوسىم - 59 ميلليارد تەڭگە، بۇل - شامامەن 18 پايىزدىق ءوسىم.

ء"بىزدىڭ ءبارىمىز استانانىڭ قانشالىقتى جىلدام ءارى قارقىندى دامىپ جاتقانىن جاقسى بىلەمىز. كوشەلەردىڭ، ساياباقتار مەن گۇلزارلاردىڭ، جولداردىڭ سانى كوبەيىپ جاتىر، الەۋمەتتىك جانە سپورتتىق بىرەگەي ءىرى نىساندار تۇرعىزىلىپ جاتىر. بۇل نىسانداردىڭ ءبارىن كۇتۋ قالانىڭ اعىمداعى بيۋدجەتىنىڭ موينىنا جۇكتەلەدى. ءبىز ايتارلىقتاي كوپ نىسان سالىپ جاتىرمىز - مەكتەپتەر، بالاباقشالار، بىراق ۇنەمى ءبىر ماسەلە تۋىندايدى - جىل سايىن جەرگىلىكتى بيۋدجەت ەسەبىنەن جىل سايىن جەر تەلىمدەرىن تاركىلەۋ مەن ولاردى بۇزۋدىڭ شىعىندارى قارجىلاندىرىلادى، بۇل - مەيلىنشە ۇلكەن سوما. جەر تەلىمدەرىن تاركىلەۋ بويىنشا ءبىز جىلىنا ورتاشا ەسەپپەن 9 ميلليارد جۇمسايمىز. جۇمىس پروتسەسىندە بۇل سومانىڭ ۇنەمى ءوسىپ وتىراتىنى تۇسىنىكتى", - دەدى بايانداماشى.

استانا اكىمىنىڭ ورىنباسارى جەرگىلىكتى بيۋدجەتتىڭ مۇمكىندىگى شەكسىز ەمەس ەكەنىن جانە بۇل شىعىنداردى تولىق قارجىلاندىرۋعا مۇمكىندىك بەرمەيتىنىن ايتتى. "سوعان بايلانىستى ءبىز جالپى سيپاتتاعى ترانسفەرت كولەمى تۋرالى زاڭدى قالىپتاستىرۋ كەزىندە استانانىڭ قارقىندى ءوسۋىن ەسكەرە وتىرىپ، بازالىق شىعىنداردى ۇلعايتۋدى ۇسىنامىز. تاركىلەۋلەر جاردەمقارجىسىن انىقتاۋدا 1,5 ارتتىرۋشى كوەففيتسيەنتى قولدانىلادى، بىراق ءبىز بۇل كوەففيتسيەنتتىڭ ەڭ بولماعاندا 2-گە دەيىن وسكەنىن قالايمىز", - دەدى ول.

اباي-اقپارات

 

0 پىكىر