جەكسەنبى, 5 جەلتوقسان 2021
جاڭالىقتار 5641 0 پىكىر 24 قازان, 2014 ساعات 13:32

گەننادي گولوۆكين اقش-قا كوشپەيدى

گەننادي گولوۆكين اقش-قا قونىس اۋدارۋدى جوسپارلاپ وتىرعان جوق، - دەپ حابارلايدى Tengrinews.kz. بۇل تۋرالى جۋرناليستەرگە قاراعاندى وبلىسىنىڭ اكىمى نۇرمۇحامبەت ابدىبەكوۆ ايتقان.

ول بوكسشىنىڭ اقش-كەتپەيتىنىنە سەنىم ءبىلدىردى. "گەننادي گولوۆكيننىڭ اقش-قا كوشىپ كەتۋ تۋرالى ويى جوق. ءيا، ول سۇحباتىندا سولاي ايتقان ەدى. وعان ء"سىز نەگە رەسەيدىڭ نامىسىن قورعامايسىز؟" دەگەن سۇراق قويىلدى. ول "مەن قازاقستاندا تۋدىم. قازاقستاندا مەنىڭ اتا-انام تۇرادى", - دەپ جاۋاپ بەردى", - دەگەن قاراعاندى اكىمى.

WBA (Super) جانە IBO تۇجىرىمدارى بويىنشا ورتا سالماقتاعى الەم چەمپيونى، WBC اۋىسپالى بەلبەۋىنىڭ يەگەرى گەننادي گولوۆكين ءوز سۇحباتىندا تاڭداۋلى بوكسشىلارمەن جۇدىرىقتاسۋ جوسپارلارى مەن اعىلشىن ءتىلىن مەڭگەرۋى تۋرالى اڭگىمەلەگەن. سۇحبات بارىسىندا قويىلعان ء"سىزدىڭ امەريكاعا كوشەتىنىڭىز تۋرالى اقپارات پايدا بولدى. ول شىندىققا سايكەس كەلە مە؟" دەگەن سۇراققا  ول: "ازىرشە كوشە قويعان جوقپىن، بۇل مەنىڭ جوسپارلارىمدا عانا", - دەپ جاۋاپ بەرگەن. 

گەننادي گولوۆكين الەمنىڭ جەڭىلىپ كورمەگەن بوكسشىلارىنىڭ بەستىگىنە ەنەدى. مۇنداي رەيتينگتى Bleacher Report سپورت پورتالى جاساعان. ونىڭ تالانتىنا ءتانتى بولعان كاسىبي بوكستىڭ اتى اڭىزعا اينالعان وكىلى روي كىشى دجونس قازاقستانعا كەلمەك. امەريكا بوكسشىسى گولوۆكيننىڭ وتانى - قاراعاندىعا وسى جىلدىڭ جەلتوقسان ايىندا كەلەدى، ول عالىم جارىلعاپوۆتى ەسكە الۋعا ارنالعان XXI تۋرنيرگە قوناق بولادى.

اباي-اقپارات

0 پىكىر